Martin Ryle

Martin Ryle

Biografía
Nacemento	27 de setembro de 1918 Brighton, Reino Unido
Morte	14 de outubro de 1984 (66 anos) Cambridge, Reino Unido
12º Astrónomo Real
1972 – 1982 ← Richard van der Riet Woolley (pt) – Francis Graham-Smith (pt)  →
Datos persoais
Educación	Christ Church College Bradfield College Trinity College Universidade de Oxford
Director de tese	John Ashworth Ratcliffe (pt)
Actividade
Campo de traballo	Astronomía
Ocupación	astrónomo, astrofísico, físico, investigador
Empregador	Universidade de Cambridge
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (1975–) Leopoldina (1974–) Academia de Ciencias da URSS (1971–) Royal Society (1952–) Academia das Artes e das Ciencias dos Estados Unidos Academia Pontificia das Ciencias
Profesores	John Ashworth Ratcliffe (pt)
Obra
Doutorando	Nigel Henbest (pt) , Harry van der Laan, Peter M. Rentzepis (pt) , Andrew Stephen Wilson (en) , Gareth Wynn-Williams (en) , Peter L. Read (en) , Guy Gibson Pooley (en) e Peter Scheuer (en)
Familia
Pai	John Ryle
Premios
(1974)  Premio Nobel de Física (1974)  Medalla Bruce (1973)  Medalla Real (1971)  Medalla Albert A. Michelson (1971)  Premio Conmemorativo IEEE Morris N. Liebmann (1971)  Medalha Faraday (pt) (1965)  Medalha Henry Draper (pt) (1965)  Premio Holweck (1964)  Conferencia Guthrie (1964)  Medalla de ouro da Royal Astronomical Society (1958)  Royal Society Bakerian Medal (en) (1954)  Medalla Hughes  Alexander Popov Gold Medal (en)  membro da Royal Society  Knight Bachelor
Descrito pola fonte	Grande Enciclopedia Soviética 1969-1978, (sec:Райл Мартин) Enciclopedia soviética armenia Astronomers: A Biographical Reference (en)

Martin Ryle, nado en Brighton en 1918 e finado en Cambridge en 1984, foi un astrónomo británico galardoado co Premio Nobel de Física en 1974 xunto con Antony Hewish, converténdose nos primeiros astrónomos en conseguilo, polos seus traballos sobre radioastronomía e os púlsares.

Naceu o 27 de setembro de 1918 na cidade inglesa de Brighton. Estudou física no Bradfield College e na Universidade de Oxford, onde se licenciou o ano 1939.

En 1952 foi nomeado membro da Royal Society, e en 1966 a Raíña Isabel II do Reino Unido concedeulle o título da Orde do Imperio Británico (sir).

Durante a segunda guerra mundial traballou na realización dun equipo de radar no Telecommunications Research Establishment de Swanage de Dorset. En 1945 obtivo unha bolsa para formar parte do Laboratorio Cavendish da Universidade de Cambridge, onde iniciou os seus primeiros traballos no campo dos sinais de radio extraterrestres e no desenvolvemento de telescopios máis avanzados, con utilización dos principios do radar, converténdose nun dos principais impulsores na creación e mellora da interferometría astronómica e da síntese de abertura, que contribuíu a aumentar a calidade dos datos astronómicos en ondas de radio.

Entre 1948 e 1959 simultaneou a súa cátedra de física na Universidade de Cambridge coa dirección do Mullard Radio Astronomy Observatory. Os seus traballos centráronse no estudo das ondas de radio procedentes do Sol ou de estrelas próximas, que levaron ao descubrimento dos quásar. Nestas investigacións Ryle desenvolveu a técnica chamada síntese de abertura, co uso de diversos radiotelescopios instalados a distancias considerables uns dos outros, dispostos de maneira que se puidesen conseguir, polo procedemento interferométrico, resultados idénticos aos dun só aparello xigantesco. Este sistema foi o que facilitou en 1968 o descubrimento do primeiro púlsar.

Martin Ryle faleceu o 14 de outubro de 1984 na súa residencia de Cambridge.

• Páxina do Instituto Nobel, Premio Nobel de Física 1974 (en inglés)