Faniri

Sura andre ha börö wangi'ila, tenga fangali dokter. Lö ibe'e konsultasi medis Wikipedia. Na moguna khöu wamadöhö, si lö tola lö'ö möi ndra'ugö khö dokter ma zui nifotöi tenaga medis profesional

Faniri ya'ia da'ö fökhö sagakandro ma soto'u-to'u, fawukhö gilo zi niha sigöna fökhö waniri si tola alua ba zi lö mudöna-döna irege tola numalö ba wa'amate na'ara wanolo ya'ia. Niha saniri andre ba Danö Niha tebai ahatö ba ngai galitö, ba nidanö, me na tesao khönia waniri andrö, ba lö irasoi hadia zalua khönia. Ba li Indonesia asese latötöi ia; ayan ma epilepsi. Faniri andre, lö hadöi tandra-tandra, tola manö ba zi lö mudöna-döna ba alua waniri sabölö-bölö. Faniri andre ma Epilepsi molo'ö si no lafareso ba wamahaö, so zalua ba sistem saraf pusat nifa'aso moroi ba pola aktivitas listrik sabölö-bölö ba guto. Da'a zanga'asogö sigöna fökhö andre oi agakandro.^[1]

Fökhö faniri andre, tola göi alua ba niha si no atua tenga ba niha sawuyu-wuyu döfi. Na ba niha si no 40 fakhe, so tölu^[2] dandra tandra wa'alua waniri, ya'ia da'ö;

1. Asese adöngö-döngö, ma hulö zi lö nange-nange
2. So ma'ifu wa'alio olifö, alio sibai taya ba wangera-ngerania zi no alua ba ginötö si no numalö
3. Ngawalö ni'angeragönia si lö aluana ma bawehede iada'a lamane; berhalusinasi irege na so zalua hadia ia, ba nihania döröhöŵa

1. ↑ Pengertian Epilepsi, https://www.alodokter.com/epilepsi, mufaigi me 19/8/2022
2. ↑ Kenali 3 Tanda Penyakit Epilepsi yang Menyerang Usia 40 Tahun ke Atas, Salah Satunya Mudah Berhalusinasi, https://mediablitar.pikiran-rakyat.com/gaya-hidup/pr-321747109/kenali-3-tanda-penyakit-epilepsi-yang-menyerang-usia-40-tahun-ke-atas-salah-satunya-mudah-berhalusinasi?page=2