Kebab

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos. Per avè on'ideja di alter vos senza font, vardee chichinscì.

Kebab
Döner kebab tipegh in Germania.
Origen
IPA	[keˈbaːb]
Alter nòmm	kebāb, kebap
Pòst d'origen	Türchia
Spantegament	Medio Orient, Nord Africa, Europa, Americhe
Dettaj
Categoria	piatt unegh
Ingredient principaj	pan azzimo o piadina, carna de tant tip ma minga de pursel, verdur, condiment vari
Variant	gyros, shawarma

El kebab (kebap in turch, kabab in Iran, Afghanistan, India e Pakistan, anca scrivuu kebob, kabob; da l'urdu: کباب) el voeur dì "carna grijiada (o bujida)" in persian e turch. El kebab a l'è faa de solet cont l'agnell e 'l manz. Ona quaj volta el pollaster putost che 'l pess a hinn doperaa per ona quaj stilaa. El porscell el vegn mai doperaa da i musulman, perchè l'è haram per la soa religion, ma, ona quaj volta, a l'è doperaa di vendiroeu non-musulman.

I shish kebab a hinn cusinaa o grijiaa in su sped, sora el carbon o el legn cald. Quest kebab chì a hinn origenari de l'Iran e l'Afghanistan e, poeu, s'hinn spantegaa in Turchia, Pakistan e India e vari part de l'Arabia. Al dì d'incoeu, a hinn popolà assee anca in Europa e in di Staa Unii.

El döner kebab (che in turch el voeur dì "kebab ch'el pirla") a l'è carna sfilapraa de agnell, manz o pollaster, che pianin el vegn rostii sura de on sped vertical ch'el roeuda.

El chappali kabab (o chappal kabab o chapli kebab) a l'è on tipo de kebab frit. A l'è origenari de l'Afghanistan e de la region nord-occidentala (ciamada Khyber Pakhtunkhwa) de l'attual Pakistan. El nom el riva dalla parolla pashtu e urdu che la voeur dì "sciavatta" o "scarpa" perchè la sò forma la someja a chella d'ona sciavatta.

Quest kebab a l'è faa carna trita de manz o cavrett, mesturaa cont tomates, sciguj e peveronin, e ona varietaa de erbett e spezzi. Depos ch'el ciapa la sò forma particolara, el vegn friggiuu in ona granda padella speciala. El vegn majaa cont on pan tipigh de la region di pashtun, ciamaa roti, e cont el tè vert putost che 'l qahwa.