José Adrio Barreiro

 

Fillo de José Adrio Mañá e irmán de Francisco (veterinario) e Gonzalo Adrio Barreiro (avogado). Foi Gobernador Civil de Ourense en 1933. Nas eleccións de novembro de 1933 integrou a candidatura do Partido Republicano Radical Socialista con Celestino Poza Cobas e Benito Méndez Rodríguez.^[1] Logo do triunfo da Fronte Popular nas eleccións de febreiro de 1936, foi nomeado membro da xestora da Deputación de Pontevedra e elixido presidente o 19 de marzo^[2]. Cesou o 26 de marzo. En abril de 1936 foi elixido compromisario na candidatura da Fronte Popular por Pontevedra para a elección do presidente da República.^[3] Dirixente de Unión Republicana, co golpe de Estado do 18 de xullo de 1936 foi detido, xulgado e condenado á pena de morte. Foi fusilado o 12 de novembro de 1936.

Predecesor: Luis Fontaíña Serrapio

Presidente da Deputación de Pontevedra  1936

Sucesor: Maximiliano Pérez Prego

Estaba casado con Aurora Poza Pastrana, filla de Celestino Poza Cobas e irmá dos médicos Celestino e Luis Poza Pastrana (tamén asasinado).

•  
  Placa en Pontevedra en memoria dos fusilados o 12 de novembro de 1936.
•  
  Lápida no Cemiterio de Santo Amaro de Pontevedra.

• Lamela García, V. Luís (1992). Inmolados gallegos: Alexandro Bóveda, Víctor Casas, Telmo Bernárdez, Adrio Barreiro… (en castelán). Ediciós do Castro. ISBN 84-7492-655-6.