Luis Poza Pastrana
Luis Poza Pastrana, nado en Pontevedra en 1909 e finado na mesma cidade o 12 de novembro de 1936, foi un médico e político galego.
| Biografía | |
|---|---|
| Nacemento | 1909  Pontevedra, España |
| Morte | 12 de novembro de 1936 (26/27 anos) Pontevedra, España |
| Causa da morte | pena de morte, ferida por arma de fogo |
| Lugar de sepultura | Cemiterio de Santo Amaro de Pontevedra |
| Actividade | |
| Ocupación | médico, político |
| Familia | |
| Pai | Celestino Poza Cobas |
| Irmáns | Celestino Poza Pastrana |
 | |
Traxectoria
editarFillo de Celestino Poza Cobas. Médico no Hospital Provincial de Pontevedra. Socio do Centro Republicano, militou primeiramente no Partido Radical-Socialista, e ingresou posteriormente no Partido Galeguista (o 1 de agosto de 1935). Era membro do Comité de Cooperación Intelectual de Pontevedra (con Luciano del Río, Evaristo Mosquera Martínez, Javier Andrade Cimadevila, Bernardo Salom de la Hoz e Tabucho Pintos Fonseca), e foi un dos que recibiu en Pontevedra, o 19 de novembro de 1932, a Federico García Lorca. Nas eleccións de febreiro de 1936 participou como orador en mitins da Fronte Popular.
Coa sublevación do 18 de xullo de 1936 foi detido e xulgado en consello de guerra sumarísimo o 1 de novembro. Condenado a morte, foi fusilado na estrada de Campañó o 12 de novembro de 1936. Foi destituído da súa praza de médico o 18 de agosto de 1936.
Véxase tamén
editarBibliografía
editar- Pereira Martínez, Carlos (2004). "A Familia Poza: Un exemplo de republicanismo e librepensamento en Pontevedra" (PDF). Anuario Brigantino (27): 265–312. Consultado o 28 de agosto de 2012.