Julián Barrio
 (2017)  | |
| Biografía | |
|---|---|
| Nacemento | 15 de agosto de 1946 (78 anos) Manganeses de la Polvorosa, España (pt)  |
 Arcebispo de Santiago de Compostela | |
| 5 de xaneiro de 1996 – 1 de abril de 2023 ← Antonio María Rouco Varela – Francisco José Prieto → | |
| Titular bishop of Sasabe (en) | |
| 31 de decembro de 1992 – 5 de xaneiro de 1996 ← Alphonse Gallegos (pt) – Juan José Omella Omella → Diocese: Sasabe titular see (en) | |
| Bispo auxiliar de Santiago de Compostela | |
| 31 de decembro de 1992 – 5 de xaneiro de 1996 | |
| Datos persoais | |
| Relixión | Igrexa católica |
| Educación | Universidade de Oviedo Pontificia Universidade Gregoriana Universidade Pontificia de Salamanca |
| Actividade | |
| Campo de traballo | Teoloxía cristiá |
| Lugar de traballo | Santiago de Compostela |
| Ocupación | bispo católico (1993–), Sacerdote católico de rito romano (1971–), teólogo, Arcebispo, ministro |
| Consagración | Antonio María Rouco Varela |
| Premios | |
| |
Sinatura  | |
 | |
 | |
Julián Barrio Barrio, nado en Manganeses de la Polvorosa (Zamora, Castela e León) o 15 de agosto de 1946, é un crego católico vinculado a Galicia, arcebispo de Santiago de Compostela desde 1996 ata 2023. En 2022 recibiu a Medalla de Galicia.
Traxectoria
[editar | editar a fonte]
Formación
[editar | editar a fonte]Estudou Humanidades e Filosofía no seminario de Astorga e licenciouse en teoloxía pola Universidade Pontificia de Salamanca en 1971, ano no que ademais foi ordenado sacerdote. Xa como crego proseguiu os seus estudos e doutorouse en Historia da Igrexa pola Universidade Pontificia Gregoriana en Roma, en 1976, e posteriormente completou os seus estudos licenciándose tamén en Xeografía e Historia na Universidade de Oviedo, en 1979.
Carreira eclesiástica
[editar | editar a fonte]A partir de 1980 foi vicerreitor do Seminario de Astorga, ata o ano 1992, cando foi nomeado bispo auxiliar de Santiago de Compostela. Colaborou co seu predecesor, o arcebispo Antonio María Rouco Varela, ata que este foi trasladado a Madrid. Foi nomeado Administrador Diocesano de Santiago de Compostela ata o 25 de outubro de 1994 e posteriormente (o 5 de xaneiro de 1996) foi nomeado arcebispo de Compostela por bula do papa Xoán Paulo II.
Dende que asumiu o arcebispado caracterizouse pola súa actitude conservadora e firme nas súas conviccións, continuando coa política do seu antecesor. Defendeu publicamente o catolicismo como "sinal de identidade do pobo español" e opúxose á aprobación legal en España do matrimonio homosexual, afirmando que "o matrimonio é esencialmente heterosexual e base ineludíbel da familia, cuxa quebra supón a quebra da sociedade.[1] Durante o seu arcebispado celebráronse tres Anos Santos, o terceiro deles coa visita do papa Bieito XVI a Santiago de Compostela.
Nomeado presidente da Comisión de Apostolado Segrar da Conferencia Episcopal Española en 2008,[2] en 2011 entrou a formar parte do comité executivo da Conferencia Episcopal Española.[3]
Como arcebispo de Santiago, foi quen oficiou o funeral de Estado polas vítimas do accidente de Angrois en 2013. En decembro de 2009 promoveu unha reforma dos arciprestados de Galicia, suprimindo por concentración varios deles.[4]
Ao cumprir os 75 anos, no ano 2021, presentou a súa renuncia por idade á Santa Sé.[5] O papa Francisco aceptoulla o 1 de abril de 2023, cando nomeou novo arcebispo de Santiago de Compostela a Francisco José Prieto, ata entón bispo auxiliar compostelán.[6] Barrio permaneceu no arcebispado ata o ordeamento de Prieto, o 3 de xuño de 2023. Daquela marchou vivir a unha casa que ten en Manganeses de la Polvorosa[7].
Sucesión apostólica
[editar | editar a fonte]- Artigo principal: Sucesión apostólica.
- Julián Barrio (1993)
- Antonio María Rouco Varela (1976)
- Ángel Suquía (1966)
- Antonio Riberi (1934)
- Pietro Fumasoni (1916)
- Domenico Serafini (1900)
- Serafino Vannutelli (1869)
- Constantino Patrizi Naro (1828)
- Carlo Odescalchi (1823)
- Giulio Maria della Somaglia (1788)
- Hyacinthe-Sigismond Gerdil (1777)
- Marcantonio Colonna (1762)
- Carlo della Torre Rezzonico (1743)
- Prospero Lorenzo Lambertini (1724)
- Pietro Francesco Orsini (1675)
- Paluzzo Paluzzi Altieri degli Albertoni (1666)
- Ulderico Carpegna (1630)
- Luigi Caetani (1622)
- Ludivico Ludovisi (1621)
- Galeazzo Sanvitale (1604)
- Girolamo Bernerio (1586)
- Giulio Antonio Santorio (1566)
- Scipione Rebiba (1541)
Notas
[editar | editar a fonte]- ↑ "El arzobispo de Santiago ataca ante el Rey el matrimonio homosexual" Arquivado 06 de xullo de 2019 en Wayback Machine. El País, 26 de xullo de 2004
- ↑ "El arzobispo de Santiago, reelegido en su cargo en la Conferencia Episcopal Arquivado 14 de xullo de 2014 en Wayback Machine.", El Correo Gallego, 6 de marzo de 2008.
- ↑ "Monseñor Barrio entra en la cúpula de la Iglesia" Arquivado 15 de xullo de 2014 en Wayback Machine., El Correo Gallego, 2 de marzo de 2011.
- ↑ "Monseñor Barrio tiene que suprimir diez arciprestazgos por la escasez de sacerdotes y la sangría de vocaciones". El Correo Gallego (en castelán) (Santiago de Compostela). 1 de decembro de 2009.
- ↑ Redacción. "Monseñor Julián Barrio presenta al papa su renuncia a la Archidiócesis al cumplir 75 años". www.elcorreogallego.es (en castelán). Consultado o 2023-04-01.
- ↑ "Monseñor Francisco José Prieto, novo arcebispo de Santiago". G24. Consultado o 2023-04-01.
- ↑ Martínez, Koro (2023-04-02). "El arzobispo saliente se retirará a su pueblo natal tras tres décadas en Compostela". El Correo Gallego (en castelán). Consultado o 2023-06-03.
Véxase tamén
[editar | editar a fonte] |
Wikimedia Commons ten máis contidos multimedia na categoría: Julián Barrio |
Bibliografía
[editar | editar a fonte]- Barrera, Feliciano, ed. (2002). "Barrio Barrio, Julián". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 59. ISBN 84-8064-113-4.
