Atanasio López Fernández
  | |
| Biografía | |
|---|---|
| Nacemento | 12 de outubro de 1876 Boñar, España |
| Morte | marzo de 1944 (67 anos) Santiago de Compostela, España |
| Actividade | |
| Ocupación | escritor |
| Membro de | Real Academia Galega (académico de número) (1941–1944) Real Academia Galega (membro correspondente) (1916–1941) |
| Orde relixiosa | Ordes franciscanas |
| Descrito pola fonte | Gran Enciclopedia Galega Silverio Cañada |
  | |
Atanasio López-Ordóñez y Fernández, O.F.M., nado en Boñar (provincia de León) o 12 de outubro de 1876[1] e finado en Santiago de Compostela o 1 de marzo de 1944, foi un relixioso franciscano, historiador, cronista xeral da provincia de Santiago, prolífico escritor e membro numerario da Real Academia Galega.
Traxectoria
[editar | editar a fonte]Tomou o hábito franciscano en Compostela en 1891, e ordenouse sacerdote en 1899. Dirixiu El Eco Franciscano en 1904 a 1905, ano no que foi destinado a Quaracchi, Florencia. Colaborou no Archivum Franciscanum Historicum (1908) e na Revista de Estudios Franciscanos.[2] En 1915 foi nomeado correspondente da Real Academia da Historia. Foi membro de honra da Real Sociedade Económica de Amigos do País de Santiago. De 1920 a 1931 dirixiu a publicación madrileña Archivo Ibero-Americano.[3] Publicou dous traballos en galego na revista Logos: "Conventos de Santa Clara de Pontevedra" e "Documentos galegos medievais".[4]
A proposta de Narciso Correal, Manuel Banet e Ramón de Artaza Malvárez, ingresou na RAG o 27 de xullo de 1941, canda outros académicos que o fixeron o mesmo día, dezanove en total.[5]
Lino Gómez Canedo foi o seu discípulo.
Obra
[editar | editar a fonte]- Viaje de San Francisco a España, 1914.
- La provincia de España de los frailes menores, 1915.
- Estudios crítico-históricos de Galicia: conferencias leídas en el Círculo de la Juventud Antoniana de Santiago, 1916.
- "La literatura crítico-histórica y el trovador Juan Rodríguez de la Cámara o del Padrón", 1918, conferencia.
- Memoria histórica de los Obispos de Marruecos desde el siglo XIII, 1920.
- San Buenaventura en la bibliografía española, 1921.
- "El Vicariato Apostólico español de Marruecos aclaraciones necesarias", 1921.
- Los falsos cronicones en la historia de Galicia, 1923.
- Descripción de los manuscritos franciscanos existentes en la biblioteca provincial de Toledo, 1926.
- Confesores de la familia real de Aragón, 1929.
- La imprenta en Galicia. Siglos XV-XVIII, premiado en 1943 pola Biblioteca Nacional de España, editado en 1953.
- Nuevos estudios crítico-históricos acerca de Galicia, 1947, con introdución e notas de Lino Gómez Canedo.
Notas
[editar | editar a fonte]- ↑ A GEG indica que naceu en novembro e Couceiro, del Riego e a RAG que foi o 12 de outubro.
- ↑ Enciclopedia Galega Universal.
- ↑ Couceiro Freijomil, A. (1952). "LÓPEZ FERNÁNDEZ, Atanasio". Diccionario bio-bibliográfico de escritores (en castelán) II. Santiago de Compostela: Bibliófilos Gallegos. p. 312-315.
- ↑ Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 636. ISBN 84-7492-465-0.
- ↑ Membros de número. RAG
Véxase tamén
[editar | editar a fonte]Bibliografía
[editar | editar a fonte]- "López-Ordóñez Fernández, Atanasio". Enciclopedia Galega Universal 11. Ir Indo. 1999-2002. p. 254. ISBN 84-7680-288-9.
- Gómez Canedo, Lino (1944). P. Atanasio López, O. F. M. (1876-1944) in memoriam. Madrid.
- Manuel de Castro (2005). "López Fernández, Atanasio". Gran Enciclopedia Galega (DVD). El Progreso. ISBN 84-87804-88-8.
