Andrés Muruais

Andrés Muruais
	;
Biografía
Nacemento	30 de novembro de 1851 ; Pontevedra, España
Morte	21 de outubro de 1882 (30 anos)
Lugar de sepultura	Cemiterio de Santo Amaro de Pontevedra
Formación profesional	Medicina e Cirurxía
Actividade
Ocupación	escritor, poeta
Xénero artístico	Poesía
Familia
Irmáns	Jesús Muruais
	Sinatura
Descrito pola fonte	Gran Enciclopedia Galega Silverio Cañada; Enciclopedia Galega Universal; Dicionario biográfico de Galicia

A versión para imprimir xa non se actualiza e pode conter erros de renderizado. Actualice os marcadores do seu navegador e empregue mellor a función de impresión propia do navegador.

Andrés Muruais Rodríguez, nado en Pontevedra o 30 de novembro de 1851 e finado na mesma cidade o 21 de outubro de 1882, foi un escritor e xornalista galego.

Traxectoria

Licenciouse en Medicina e Cirurxía na Universidade de Santiago de Compostela en 1874. Co seu irmán Jesús frecuentou as reunións da sociedade La Galicia Literaria, que tiñan lugar en Madrid en 1875, na casa da poetisa Emilia Calé.

Foi un dos impulsores da prensa diaria en Galicia, colaborou cos periódicos La Constancia, El Deber, La Paz, El Porvenir, El Anunciador, El Eco de Pontevedra e El Lérez, foi o responsable de El Urco e fundou en Pontevedra o semanario El Independiente (1881-1882).

Apaixonado por Galicia e considerando que o sistema federativo era o máis conveniente para ela, fundou comités e dirixiu un partido en Pontevedra.

Escribiu poesía en castelán e algúns poemas en galego, e cultivou tamén o teatro e a zarzuela. A súa obra caracterízase polo seu costumismo e imaxinación.

Finou por mor da tuberculose. Foi soterrado no cemiterio de Santo Amaro de Pontevedra, poucos días despois da súa inauguración.