Sentencia 697-2019 CC Acerca de La Extracción Minera Fénix-QEQCHI 211108
Sentencia 697-2019 CC Acerca de La Extracción Minera Fénix-QEQCHI 211108
Sentencia 697-2019 CC Acerca de La Extracción Minera Fénix-QEQCHI 211108
2
Raqb’al chaq’rab’ 697-2019 re li Nimla Molam Aj Kolol Chaq’rab’
Rajlil perel
4
Raqb’al chaq’rab’ 697-2019 re li Nimla Molam Aj Kolol Chaq’rab’
1 Li xraqb’al li chaq’rab’ re li
Nimla Molam Aj Kolol Chaq’rab’
Xtuqub’ankil
xb’eeresinkil li
na’leb’
“Laa’o ralal xk’ajol li Loq’laj Ch’och’, k’uub’anb’ilo
rik’in ch’och’. Li naqatzeka naqataw sa’ li loq’laj
ch’och’. Eb’ li qamama’ qixa’an nake’xk’ut chaq
chi qu naq tento roxloq’inkil xb’aan naq a’an
naxk’e li qayu’am”.
Tz’ilok ix chi rix li sutam, tasal II, raqal 10.8.1.1
re xteepaleb’ laj Ralch’och’
sa’ jalan chik nimla tenamit. Rik’in li k’anjel a’in ke’xrahob’tesi ut ke’xkamsi
eb’ li nima’, li tzuultaq’a, k’iche’, loq’laj ch’och’ ut ke’xrahob’tesi chi xjunil li
qach’ooch’el.
Li Molam re Watemaal chi rix Niquel kixpatz’ rokik cho’q re xk’anjelankil li na’ajej
247.9978 km2. Li na’ajej a’in jwal nim ut naxrahob’tesiheb’ li k’aleb’aal wankeb’
sa’ xsutam eb’ li tenamit: San Antonio Se’ Nahuq’, Chi K’ajb’om, Panzós re Alta
Verapaz ut El Estor re Izabal. Rik’in li rokikeb’, naru nake’risi chi xjunil xb’ihoomal
li ch’och’ chi ru 25 hab’.
Naq li Roq ruq’ awab’ejilal chi rix xmetz’ew ut xb’ihomal li ch’och’ Ministerio de
Energía y Minas nayeemank re, kixchaq’b’e li k’anjel a’in, kixmux xk’ulub’eb’
laj Ralch’och’, li xtz’aqonikeb’ ut li xpatz’b’al reheb’ rub’eetal li k’anjel jo’ wi’
xk’eeb’al li esilal re te’xnaw raj.
A’in naraj xyeeb’al naq, toj maji’aq naxchaq’b’e xb’aanunkil li xk’anjeleb’,
tento raj naq xe’oken xtenamiteb’ laj Ralch’och’ sa’ xsumenkil malaj ink’a’
li k’anjel a’in, tento raj xpatz’mank reheb’ ma nake’xk’ulub’an xch’ool ut
a’an xyeeb’al raatineb’ chi rix, jo’ chank ru naq nake’xb’eeresi li xyu’ameb’,
xwankjikeb’ ut xk’a’uxleb’.
Rik’in li k’anjel te’hulaq sa’ eb’ li k’aleb’aal ut te’xrahob’tesi li xyu’am laj
Ralch’och’, tento li patz’ok rik’ineb’ li k’aleb’aal junjunq jo’ wi’ xk’eeb’al chi
6
Raqb’al chaq’rab’ 697-2019 re li Nimla Molam Aj Kolol Chaq’rab’
xjunil li esil chi rix k’a’ ru li k’anjel, b’ar wank rusil malaj xch’a’ajkilal cho’q reheb’,
re naq chi kama’in a’anaqeb’ te’yehoq re ma te’xsume malaj ink’a’, ab’an
rub’eetal xtiklajik li k’anjel.
Jo’kan aj wi’, li Roq ruq’il awa’b’ej chi rix xmetz’ew ut xb’ihomal li ch’och’ sa’
xsumenkil li k’anjel a’in kixmux aj wi’ eb’ li chaq’rab’ jo’:
• K’a’ ut naq aajel ru li Sumk’uub’ 169 sa’ xraqb’al raatin li Nimla molam
Aj Kolol Chaq’rab’
Li Sumk’uub’ 169 reheb’ xtenamiteb’ut xch’uutaleb’ laj Ralch’och’ re li
sumkomonil chi rix k’anjel OIT- a’an jun li taqlank chi ru ruuchich’och’ xkolb’aleb’
li xk’ulub’eb’ laj Ralch’och’, b’ar wi’ li tenamit Watemaal kixsume chaq
roxloq’inkil.
Li sumk’uub’ a’in, naxch’olob’ chank ru xb’eeresinkil li patz’ok sa’ xyanqileb’ li
k’aleb’aal aj Ralch’och’.
8
Raqb’al chaq’rab’ 697-2019 re li Nimla Molam Aj Kolol Chaq’rab’
Li Nimla Molam aj Kolol Chaq’rab’, re xyeeb’al raatin, kixkuutu rib’ sa’ li 15 raqalil
li Sumk’uub’ 169. Li xraqalil chaq’rab’ a’in naxye:
9
Raqb’al chaq’rab’ chi rix risinkil laj pikol xb’ihomal Ch’och’ Fénix
Xtuqub’ankil
xb’eeresinkil li
na’leb’
Aatinan rik’ineb’ li
yookeb’ chi tz’aqonk,
ma nake’ril chank ru
naq nake’xk’aama
rib’ li tzuultaq’a malaj
k’iche’, chank ru naq
nake’k’utunk chi najt.
K’a’uxlamaq chank
ru naq nake’xk’aama
rib’ li tzuul, jo’ kan
aj wi’ naq xnume’ li
kutank re xb’eeresinki
li k’anjel chi rix
sumenkil xpikb’al
xb’ihomal li ch’och’.
10
Raqb’al chaq’rab’ 697-2019 re li Nimla Molam Aj Kolol Chaq’rab’
Qawa’ Manu’ a’an insum’aatin, a’an kixtz’iib’a eb’ li kutan ut k’anjel ke’b’eeresiman
re xsumenkil rokikeb’ li molam nake’pikok xb’ihomal li ch’och’ Fénix, a’aneb’ a’in:
K’anjel xb’eeresi chaq li Roq ruq’ awa’b’ejilal chi rix xmetz’ew ut xb’ihomal li
ch’och’ cho’q re xsumenkil rokikeb’ li molam aj pikol b’ihomal ch’och’ Fénix
Li Nimla Molam aj Kolol Chaq’rab’ kixraq naq, li Roq ruq’ awa’b’ejilal chi
rix xmetz’ew ut xb’ihomal li ch’och’ ink’a’ kixb’eeresi li patz’ok jo’ chank ru
tuqub’anb’il sa’ li Sumk’uub’ 169 re li OIT. Li kixb’aanu a’an ka’aj wi’ xb’eeresinkil li
k’anjel rik’in li hu napatz’mank ab’an moko naxsume ta chi xjunil li napatz’mank
malaj chank ru nab’eeresimank junaq patz’ok k’a’uxl.
Jo’kan aj wi’ xye naq eb’ li xcha’al Xmolamil waklesinel sa’ tenamit ut sa’
k’aleb’aal ink’a’ ilb’ileb’ chi ru chaq’rab’ jo’ aj jolominel reheb’ xtenamital aj
Ralch’och’ sa’ li k’anjel chi rix patz’ok, xb’aan naq xkomoneb’ aj wi’ rib’ rik’in
xk’uub’lal li awa’b’ejilal ut ink’a’ ak xmolamil wi’ laj Ralch’och’.
Sa’ xk’ab’a’ a’in xk’e xtaqlahom li Roq ruq’ awa’b’ejilal chi rix xmetz’ew
ut xb’ihomal li ch’och’ b’ar wi’ tento tb’eeresi li patz’ok jo’ chank ru naq
tuqub’anb’il sa’ li Sumk’uub’ 169 re li OIT.
12
Raqb’al chaq’rab’ 697-2019 re li Nimla Molam Aj Kolol Chaq’rab’
Chank ru Xtuqub’ankil
3 nab’eeresimank junaq li
patz’ok reheb’ li komonil
xb’eeresinkil li
na’leb’
jo’ naxye li Sumk’uub’
(convenio) 169
13
Raqb’al chaq’rab’ chi rix risinkil laj pikol xb’ihomal Ch’och’ Fénix
Chank ru
xb'eeresinkil
junaq patz'ok
K’eeb’ilaq
Rub’eetal
resil
A’yaal
xk’a’uxl
Naraj xyeeb’al:
Naraj xyeeb’al: naq
naq toj maji’
tento xyeeb’al k’a’ ru
naxaqab’aman junaq
Naraj xyeeb’al naq: rusilal malaj rahilal ut
chaq’rab’, tustuukil
ink’a’ mimb’ilaqeb’ ch’a’ajkilal naru
k’anjel, k’anjel re
ru jo’ wi’ ink’a’ naxk’am chaq li
xchaab’ilob’resinkil li
b’alaq’inb’ilaqeb’ re k’anjel, chaq’rab’
na’ajej, malaj junaq
xyeeb’al raatineb’. malaj na’leb’ t-ajmanq
k’anjel re xpikb’al
xb’eeresinkil.
xb’ihomal li
choxaach’och’.
14
Raqb’al chaq’rab’ 697-2019 re li Nimla Molam Aj Kolol Chaq’rab’
Chi rix naq ak xk’eemank sa’ ajl li Sumk’uub’ 169, li awab’ejilal tento sa’
xb’een naq li patz’ok tb’aanumanq chi chaabil.
Junqaq na’leb’ teneb’anb’il sa’ xb’een a’an:
15
Raqb’al chaq’rab’ chi rix risinkil laj pikol xb’ihomal Ch’och’ Fénix
16
Raqb’al chaq’rab’ 697-2019 re li Nimla Molam Aj Kolol Chaq’rab’
18 RE JUNIO 2020
Li Nimla Molam Aj Kolol Chaq’rab’
xraq raatin 697-2019, b’ar wi’ naxye
naq tento xpatz’b’aleb’ reheb’ laj
Ralch’och’ yokokeb’ chi rahob’tesiik
xb’aan li molam aj pikol xb’ihomal li
ch’och’ Fénix sa’ eb’ li na’a’ej San
Antonio Se’ Nahu’q’, Aj chi K’ajb’on
21 RE MARZO 2021
ut Panzós re Alta Verapaz ut El Estor
Li xraqb’al chaq’rab’ ak tuqub’anb’il
aran ut Izabal.
nakana chi tz’aqal, naraj xyeeb’al naq
chalen utan li Roq ruq’ awa’b’ejilal chi
rix sutam ut choxaach’och’, li molam re
Níquel CGN ut li Roq ruq’ awa’b’ejilal
chi rix xb’ihomal ch’och’ teneb’anb’il
sa’ xb’eeneb’ roxloq’inkil li na’leb’
21 RE ABRIL 2021
Eb’ li qas qiitz’in ke’xq’axtesi
naxye li xraqb’al ru li chaq’rab’.
xkolb’aleb’ rix rik’in li jitom a’in, eb’
li molam ak xe’yeeman chaq, ut
nake’jultikaman sa’ li xraqb’al li
chaq’rab’ jo’ li molam yook chi pikok
re xb’ihomal li ch’och’ xe’k’ehe’ resil
reheb’ chi ru chaq’rab’ naq tento
Chalen sa’ li hoonal a’an maak’a’ te’xsumela chi xjunil li teneb’anb’il
chik kutan xaqab’anb’il cho’q re sa’ xb’eeneb’ jo’ wi’ sa’ li hoonal
li junjunq chi k’anjel, yal b’an chik nayeeman sa’ li xraqb’al chaq’rab’.
nayeemank jarub’ kutan naru
nake’nume’ sa’ xyanq li junjunq chi
k’anjel tento xb’eeresinkil.
18
Raqb’al chaq’rab’ 697-2019 re li Nimla Molam Aj Kolol Chaq’rab’
15 kutank
Roq ruq’ awa’b’ejilal chi rix sutam
ut choxaach’och’ naxtaqla resil
naq tk’osmanq li na’ajej yookokeb’
xramb’al laj pikol b’ihomal 6.29 km2. 10 kutank
Li CGN tento naq t-ril li na’jej yook
xramb’al ut t-taqla resil re li Roq
10 kutank ruq’ awa’b’ejilal chi rix Sutam ut
Li Roq ruq’ awa’b’ejilal chi rix sutam Choxaach’och’.
ut choxaach’och’ naxye raatin chi
rix li na’a’jej naxram li pikok ch’och’
ut naxye reheb’ laj CGN naq tento
te’rak’ob’resi li xtuslal xk’anjeleb’ chi
rix sutam. Ut tento naq chi ru 2 kutan
te’xtaqla sa’ chi xjunil eb’ li molam
15 kutank
wankeb’ rilom.
Li CGN tento naq t-ak’ob’resi li xtuslal
xk’anjel chi rix sutam ut xtaqlankil li
resilal sa’ li roq ruq’ awa’b’ejilal chi rix
sutam ut choxaach’och’.
10 kutank
Li Roq ruq’il awa’b’ejilal chi rix sutam
ut choxaach’och’ tento naq t-tz’il rix
ut tye raatin chi rix li xtuslal k’anjel chi
rix sutam xe’rak’ob’resi. 10 kutank
Li roq ruq’il awab’ejilal chi rix xb’ihomal
li choxaach’och’ naxk’e jun li b’oqok
sa’ raatinob’aaleb’ laj Ralch’och’ re
xtikib’ankil li k’anjel chi rix patz’ok. Eb’
laj Ralch’och’ te’tz’aqonq sa’ li k’anjel
a’in tento naq wanqeb’ xkuutal
18 PO xb’aan li roq ruq’il awab’ejilal a’in.
Li roq ruq’il Awab’ejilal chi rix
xb’ihomal li choxaach’och’ tento
tb’aanu xtusb’al chank ru t-uxq li
patz’ok ut xhoonalil li patz’ok, tento
tb’aanu li naxye li sumk’uub’ 169 re li
OIT ut li raatin li Nimla Molam Aj Kolol
Chaq’rab’.
19
Raqb’al chaq’rab’ chi rix risinkil laj pikol xb’ihomal Ch’och’ Fénix
1 2 3 4
maji’aq li
Xkawresinkil li
rub’eetal patz’ok Sa’ li Patz’ok Chi rix patz’ok
patz’ok
ut li patz’ok
21
Raqb’al chaq’rab’ chi rix risinkil laj pikol xb’ihomal Ch’och’ Fénix
22
Raqb’al chaq’rab’ 697-2019 re li Nimla Molam Aj Kolol Chaq’rab’
4 Naq ak xb’eeresimank
li patz’ok K’a’ ru tk’ulmnaq
rik’in li sumk’uub’ xqaye chaq
• Xpatz’b’al xtuslal li k’anjel chi rix xkolb’al li sutam rajlal 3 chihab’, a’yaal
jarub’ chihab’ nawank xb’eeresinkil li k’anjel chi rix xpikb’al li xb’ihomal
li ch’och’.
25
Raqb’al chaq’rab’ chi rix risinkil laj pikol xb’ihomal Ch’och’ Fénix
• Li roq ruq’ awa’b’ejilal chi rix sutam ut choxaach’och’ tento naq tk’e
resil re li xch’uutal laj tz’ilol chaq’rab’ chi rix li esilal yooqeb’ aj wi’
xk’ulb’al a’aneb’. Li roq ruq’ awa’b’ejilal a’in naru naxraq li k’anjel
chi rix pikok ch’och’ malaj xb’eeresinkil li chaq’rab’ sa’ xb’eeneb’
li poyanam ink’a’ nake’xb’eeresi chi tz’aqal reeru li na’leb’ a’in ut
nake’t’ane’ sa’ li muxuk malaj q’etok chaq’rab’. Jo’kan aj wi’ naru
naxb’eeresi li chaq’rab’ sa’ xb’eeneb’ aj k’anjel re li awa’b’ejilal wi’
nake’xq’et li chaq’rab’ ut na’leb’ xtuqub’aman chaq.
Chi xjunileb’ laj k’anjel re li awa’b’ejilal wi’ ink’a’ nake’xb’eeresi li junjunq chi
na’leb’ ut k’anjel xtuqub’ chaq Nimla Molam Aj Kolol Chaq’rab’, te’teneb’aaq
chaq’rab’ sa’ xb’eeneb’.
26
Raqb’al chaq’rab’ 697-2019 re li Nimla Molam Aj Kolol Chaq’rab’
Anaqwan naq ak naqanaw k’a’ ru xye chaq li Nimla Molam Aj Kolol Chaq’rab’,
chi rix li k’ulub’ chi rix patz’ok reheb’ li tenemait aj Ralch’och’ rahob’tesinb’ileb’
chaq xb’aan li molam aj pikol xb’ihomal ch’och’ Fénix. Jo’kan naq anaqwan
28
Raqb’al chaq’rab’ 697-2019 re li Nimla Molam Aj Kolol Chaq’rab’
Xb’eeresinkil:
xk’eeb’al chi nawe’k li na’leb’
Xb’een na’leb’
• Sik’ junaq li na’ajej yamyo b’ar wi’ naru te’wanq 10 malaj 15
chi poyanam, li tento rilb’al a’an naq ink’a’ te’xtuub’ rib’eb’
malaj jwal ch’uutch’uuqeb’ xb’aan li kaqi yajel.
Xkab’ na’leb’
• Xb’oqb’al eb’ li qas qiitz’in b’ar wi’ nayeeman li xkutankil,
xhoonalil ut li na’ajaj re li ch’uutam.
Rox na’leb’
• Anaqwan nak’eeman xk’utb’al li k’a’ ru tento xb’aanunkil.
30
Raqb’al chaq’rab’ 697-2019 re li Nimla Molam Aj Kolol Chaq’rab’
1 Li xraqb’al li chaq’rab’ re li
Nimla Molam Aj Kolol Chaq’rab’
Sa’ xtiklajik
• Oksi li xtuqub’ankil xb’eeresinkil ru li na’leb’ re
xtikib’ankil li aatinak chi rix li xraqb’al chaq’rab’ li
natawman sa’ li perel 5 rik’in li eetalil:
• Ab’i ut ye laak’a’uxl chi rix li k’a’ ru nake’xye chi rix
li loq’laj Ch’och’ li komon yookeb’ chi tz’aqonk.
Chi rix a’an seeraq’i b’ar wank li raatineb’ chi rix
xraqb’al li chaq’rab’ xb’aaneb’ li Nimla Molam
aj Kolok Chaq’rab’ chi rix li xpikb’al li xb’ihomal li ch’och’ xb’aaneb’ li
molam Fénix.
• K’utb’esi ut wotz li raqal 15 re li Sumk’uub’ 169 b’ar wi’ xkuuta rib’
li Molam aj tuqub’anel xchaq’rab’il li tenamit cho’q re xyeeb’al ut
xraqb’al chaq li chaq’rab’ chi rix.
K’anjel
• K’am junaq li che’ re rawb’al, k’am aj wi’ li ha’.
• Li che’ naru rawb’al aran chi nach’ b’ar wi’ xb’eeresiman li ch’uutam.
Wi’ maak’a’ li na’ajej yamyo re rawb’al li che’, sik’ junaq k’a’ reeru
b’ar wi’ naru rawb’al.
31
Raqb’al chaq’rab’ chi rix risinkil laj pikol xb’ihomal Ch’och’ Fénix
• K’e li ch’och’ sa’ kok’ k’a’ reeru ut jek’i sa’ xyanqeb’ li poyanam
yookeb’ chi tz’aqonk re naq sa’ komonil te’raw li che’. Naq li junjunq
chi poyanam tk’e b’ayaq li ch’och’ re rawb’al li che’, patz’ reheb’ ma
jultik reheb’ chi rix k’a’ ru na’aatinak li xraqb’al li chaq’rab’ xe’xb’aanu
chaq wank xk’utb’al li patz’om:
a) Jo’q’e kisumemank chaq li k’anjel re xpikb’al li xb’ihomal li ch’och’
xb’aan li Roq ruq’ awa’b’ejilal chi rix Metz’ew ut xb’ihomal li
ch’och’.
b) B’ar wankeb’ li na’ajej naxram ut naxrahob’tesi.
c) K’a’ ru kixye chaq li Molam aj tuqub’anel xchaq’rab’il li xtenamitul
Watemaal.
d) K’a’ rueb’ li k’ulub’ reheb’ laj Ralch’och’ naxkol rix li Sumk’uub’169.
• Naq ak xe’oken chi xjunileb’ chi xk’eeb’al li ch’och’, patz’ reheb’
k’a’ chik ru t-raj li che’ re xraqb’al rawb’al. Wi’ te’xye ha’, patz’ naq
te’xk’e b’ayaq li ha’. Wi’ te’xye saq’e, patz’ reheb’ b’ar raj te’xk’e li
che’ re naq taakute’q xb’aan li saq’e. Ye laak’a’uxl chank ru naq li
che’ naraj li jalanjalanq chi k’a’ reeru re naq taaruuq chi k’iik ut ak re
wi’ li xk’anjel li junjunq chi k’a’ reeru sa’ xk’iijik. Jo’kan aj wi’ li junjunq
reheb’ li poyanam yookeb’ chi tz’aqonk wank k’a’ ru li na’leb’ jwal
aajel ru te’xye malaj tk’e chi rix li xraq’b’al chaq li chaq’rab’. wank sut
naqak’a’uxla naq moko jo’kan ta.
Xraqb’al
• Ch’olob’ chi ruheb’ chank ru naq li xraqb’al chaq’rab’ xk’e chaq
li Molam aj tuqub’anel chaq’rab’ re tenamitul jwal wank rilom rik’in
chi qajunilo, jo’kan naq aajel ru xnawb’al k’a’ ru nak’ulmank, k’a’ ru
tk’ulmanq, jo’kan naq aajel aj wi’ ru xyeeb’al li qak’a’uxl ut tz’aqonk.
32
Raqb’al chaq’rab’ 697-2019 re li Nimla Molam Aj Kolol Chaq’rab’
Sa’ xtiklajik
• Oksi li xb’eeresinkil xtuqub’ankil li na’leb’ re li
na’leb’ a’in, natawman sa’ li perel 10, rik’in li
eetalil.
K’anjel
• K’e xkomon li na’leb’ chi rix eb’ li tzuul ut eb’ li k’iche’. Tz’iib’a li oxlaju
chi q’ehil kutan sa’ junjunq chi perel hu, li junjunq chi perel a’an
naxk’utb’esi jun li tzuul malaj k’iche’. B’oqeb’ li komon yookeb’ chi
33
Raqb’al chaq’rab’ chi rix risinkil laj pikol xb’ihomal Ch’och’ Fénix
tz’aqonk naq te’xk’e rib’ sa’ junaq li sursu ab’an ka’aj wi’ jun jachal li
sursu te’xk’uub’. K’eheb’ jun li noq’l re li junjunq chi poyanam. Chi rix
a’an chi raqro k’e reheb’ li poyanam jun li perel rik’in li xq’ehil kutan
jun chapleb’ t’ikr malaj letzleb’ re naq te’xt’ilob’resi sa’ li hu. K’e reetal
naq chi tustu yooq chi xik li xq’ehil kutan. Kama’an yooqat toj reetal
taachoy xjek’inkil li perel junjunq.
Xraqb’al
• Xok chi xjunil li k’a’ reeru xk’anjelak cha wu ut ch’olob’eb’ chi ru k’a’ ut
naq aajel ru xnawb’al li na’leb’ jo’ chank ru naq li Nimla Molam aj Kolok
Chaq’rab’ kixk’e chaq sa’ ajl ut kixtuqub’ naq tento xpatz’b’aleb’ re
laj Ralch’och’ li raatineb’, xk’a’uxleb’ ut reek’ahomeb’ chi rix li k’anjel,
naraj xyeeb’al li wankeb’ chi tz’aqonk sa’ li hoonal a’an.
34
Raqb’al chaq’rab’ 697-2019 re li Nimla Molam Aj Kolol Chaq’rab’
Sa’ xtiklajik
• Oksi li xb’eeresinkil xtuqub’ankil li na’leb’ re li
na’leb’ a’in, natawman sa’ li perel 13, rik’in li
eetalil.
• Jek’ ru li na’leb’ re li raqal a’an sa’ kiib’:
a) Li xb’een raqal naxye qe chank ru tento
xb’eeresinkil li patz’ok jo tuqub’anb’il chaq
sa’ li Sumk’uub’169, jo’ wi’ li na’leb’ teneb’anb’il chaq sa’ xb’een
li Awa’b’ejilal re Watmaal sa’ xb’eeresinkil li patz’ok ut chank ru
xb’eeresinkil jo’ chank ru xwanjikeb’ malaj xyu’ameb’ laj ralch’och’.
b) Li xkab’ raqal naxye qe chank ru xb’eeresinkil li patz’ok. wank li
xna’leb’il chank xb’eeresinkil, li xq’ehil xb’aanunkil, sa’ xb’een ani
teneb’anb’il xb’aanunkil, ut li na’leb’ chi rix wi’ ink’a’ nab’eeresimank
malaj raqman li patz’ok.
K’anjel
• Cho’q re li xb’een raqal, wotz rik’ineb’ li komon k’a’ ru xyaalalil li oob’ chi
na’leb’ naxtuqub’ li Sumk’uub’169. Wi’ nake’xye xk’a’uxl li komon chi
rix naq maji’ nab’eeresimank li na’leb’ a’an sa’ eb’ li kutan anaqwan,
patz’ naq te’xk’e malaj te’xye junaq xk’utb’al ut te’xch’olob’chank ru
naq ink’a’ nab’eeresimank. Chi rix a’an k’utb’esi chi ruheb’ b’ar wank li
na’leb’ teneb’anb’il sa’ xb’een li Awa’b’ejilal. Chi rix a’an, tikib’ wi’ chik li
sum’aatinak sa’ li ch’uut ut ab’i k’a’ ru li k’a’uxl nake’xye li komon chi rix,
35
Raqb’al chaq’rab’ chi rix risinkil laj pikol xb’ihomal Ch’och’ Fénix
Xraqb’al
• Kanab’ li hoonal cho’q re li patz’ok ut k’e reetal naq ch’olch’ooq
chi us li na’leb’ junjunq re naq ink’a’ twanq li sachk. K’eheb’ xhoonal
eb’ li komon junch’ol re naq te’xsume aj wi’ li patz’om junjunq chi rix li
k’anjel aj wi’.
36
Raqb’al chaq’rab’ 697-2019 re li Nimla Molam Aj Kolol Chaq’rab’
4 Naq ak xb’eeresimank
li patz’ok K’a’ ru tk’ulmnaq
rik’in li sumk’uub’ xqaye chaq
Sa’ xtiklajik
• Oksi li xb’eeresinkil xtuqub’ankil li na’leb’ re
li raqal a’in, natwman sa’ li perel 16, rik’in li
eetalil a’in.
• Jultika naq jo’ ru li patz’ok kiib’ xb’ehil: naru
nasumeman li xb’eejik li xpikb’al li ch’och’
malaj nasumemank naq ink’a’ chik te’xb’aanu li k’anjel. Jo’kan naq
tento rilb’al k’a’ ru tk’ulmanq sa’ li junjunq chi na’leb’ naru nawan.
K’anjel
• Jek’ xyanq eb’ li ch’uut, aran aj wi’ sa’ li na’ajej b’ar wi’ ch’utch’uukex.
Jun li ch’uut tixk’utb’esi naq t-raj te’xk’e xkomon li k’anjel re xpikb’al
xb’ihomal li ch’och’. Li junchik ch’uut tk’utb’esi naq ink’a’ nake’xsume
li k’anjel chi rix pikok b’ihomal ch’och’. Yeheb’ re li junjun chi
ch’uut us ta ink’a’ naxk’ulub’a ru rik’in li na’leb’ xe’tz’aq, te’xk’am
37
Raqb’al chaq’rab’ chi rix risinkil laj pikol xb’ihomal Ch’och’ Fénix
Xraqb’al
• Kanab’ li hoonal re rilb’al ma wank li na’leb’ toj maji’ ch’olch’o chi
us, malaj patz’om chi rix li k’a’ ru tk’ulmanq sa’ li junjunq chi na’leb’.
Patz’eb’ wi’ chik reheb’ naq te’xk’e rib’ sa’ kotko. Ye wi’ chik li k’a’uxl
xe’xwotz chaq sa’ xtiklajik chi rix li loq’laj ch’och’ ut chank ru rilb’al
ut roxloq’inkil. Ch’olob’ chank ru naq nakoowan sa’ sumwank sa’
komonil. Ut cho’q re xraqb’al poq’poq’i laawuq’ cho’q reheb’ li
komonil yookeb’ chi tz’aqonk.
38
Raqb’al chaq’rab’ 697-2019 re li Nimla Molam Aj Kolol Chaq’rab’
Sa’ li perel a’in tqach’olob’ kiib’ oxib’ aatin malaj na’leb’ xe’oksimank sa’
li hu a’in.
Nanawmank naq wankeb’ li aatin ak tuqub’anb’ileb’ sa’ kaxlan’aatin
jo’ xk’ab’a’eb’ li molam. Ab’an sa’ Q’eqchi’ naqajayali xyeeb’al, jo’kan
naq anawank tqatuseb’ xk’ab’a’eb’ li junjunq chi molam jo’ chank ru naq
xqoksi chaq.
• Corte de constitucionalidad: Nimla Molam aj Kolol Chaq’rab’
Xk’eemank chi kama’in xb’aan naq li molam a’in li nim xwankil
chi rix xkolb’al eb’ li chaq’rab’, malaj xyeeb’al raatin ma yook chi
b’eeresimank chi tz’aqal reeru.
• Ministerio de Energía y Minas: Roq ruq’ awa’b’ejilal chi rix xmetz’ew ut
xb’ihomal li choxaach’och’
Li molam a’in wank rub’el xtaql li awa’b’ejilal ut a’an aj wi’ xcha’alil
chi xb’eeresinkil li awa’b’ejink, jo’kan naq nak’eemank jo’ roq ruq’ li
awa’b’ejilal ut li xk’anjel a’an rilb’al ut xb’eeresinkil chi tz’aqal reeru li
na’leb’ chi rix xmetz’ew ut xb’ihomal li choxaach’och’.
• Ministerio de Medio Ambiente: Roq ruq’ awab’ejilal chi rix sutam ut
choxaach’och’
Jo’kan aj wi’ li molam a’in wank rub’el xtaql li awa’b’ej ut jun reheb’
li molam nak’uubank aj wi’ re li xcha’alil li awa’b’ejilal. Li xk’anjel a’an
xb’eeresinkil chi tz’aqal reeru li na’leb’ chi rix xkolb’al ut rilb’al li sutam
ut choxaach’och’.
• Tribunal de Amparo: Xch’uutal kolb’ak’ulub’
A’an li xch’uutalil eb’ laj raqol chaq’rab’ li nake’xb’eeresi li tiikilal,
a’aneb’ li nake’k’ehok malaj nake’xram junaq li kolb’akulub’ li mare
ak xsumemank malaj ink’a’, xb’aan junaq chik li molam malaj raqal
chaq’rab’. 39
Raqb’al chaq’rab’ chi rix risinkil laj pikol xb’ihomal Ch’och’ Fénix
40