Oxicheno

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Oxicheno
Nitrocheno ← Oxicheno → Fluor - ↑ O ↓ S Tabla periodica
Información cheneral
Nombre, simbolo, numero	Oxicheno, O, 8
Serie quimica	No metal, calcocheno
Grupo, periodo, bloque	16, 2, p
Color	Gas incolor; liquido azul claro.
Peso atomico	15.9994(3) g·mol−1
Configuración electronica	1s2 2s2 2p4
Electrons por capa	2, 6
Propiedaz fisicas
Fase	Gas
Densidat	(0 °C, 101.325 kPa) 1.429 g/L
Punto de fusión	54.36 K (-218.79 °C, -361.82 °F)
Punto d'ebullición	90.20 K (-182.95 °C, -297.31 °F)
Punto critico	154.59 K, 5.043 MPa
Entalpía de fusión	(O2) 0.444 kJ·mol−1
Entalpía de vaporización	(O2) 6.82 kJ·mol−1
Calor especifica	(25 °C) (O2) 29.378 J·mol−1·K−1
Presión de vapor P/Pa 1 10 100 1 k 10 k 100 k at T/K       61 73 90
Propiedaz atomicas
Estructura cristalina	Cubica
Estaus d'oxidación	2, 1, −1, −2 (oxido neutral)
Electronegatividat	3.44 (escala de Pauling)
Enerchías d'ionización (mas)	1ª: 1313.9 kJ·mol−1
	2ª: 3388.3 kJ·mol−1
	3ª: 5300.5 kJ·mol−1
Radio covalent	66±2 pm
Radio de van der Waals	152 pm
Atra información
Ordenación magnetica	paramagnetico
Conductividat termal	(300 K) 26.58x10-3  W·m−1·K−1
Velocidat d'o sonito	(gas, 27 °C) 330 m/s
Numero CAS	7782-44-7
Isotopos mas estables
iso AN Vida MD ED (MeV) PD 16O 99.76% 16O ye estable con 8 neutrons 17O 0.039% 17O ye estable con 9 neutrons 18O 0.201% 18O ye estable con 10 neutrons

L'oxicheno (en aragonés se pronuncia /osiˈtʃeno/,^[1] "osichéno") ye un elemento quimico con numero atomico 8. En a suya forma molecular, https://www.lenguasdearagon.org/pdf/recursoseducativos/dizionariobreu.pdfO₂, ye un gas a temperatura ambient. Representa aproximadament o 20,9% d'a composición de l'atmosfera terrestre.^[2]. Ye un d'os elementos mas importants d'a quimica organica y fa parte important d'o ciclo enerchetico d'os sers vivos, esencial en a respiración celular d'os organismos aerobicos. Ye un gas sin de color, olor u gusto. Existe una forma molecular formada por tres atomos d'oxicheno, O₃, dita ozón.

Un atomo d'oxicheno combinau con dos d'hidrocheno forman una molecula d'augua.

• Simbolo: O
• Grupo: 16
• Periodo: 2
• Masa atomica: 15.9994 uma
• Punto de fusión: 54.8K (-218.3°C/-360.9°F)
• Punto d'ebullición: 90.2K (-182.9°C/-297.2°F)
• Densidat: 1429 kg/m³

En condicions normals de presión y temperatura, l'oxicheno se troba en estau gasoso formando moleculas diatomicas (O₂) que encara que son inestables, se cheneran en a fotosintesi d'as plantas se fan servir posteriorment por os animals en a respiración (veiga-se o ciclo de l'oxicheno).

Istas moleculas de gas oxicheno son formadas por dos atomo unius por un vinclo quimico doble, aportando cadagún os dos electrons desaparellaus que tienen.

A estructura d'o gas oxicheno ye: O = O

L'oxicheno liquido y solido tiene una feble coloración azulenca y en istos dos estaus ye muit paramagnetico. L'oxicheno liquido s'obtiene de normal por destilación fraccionada de l'aire liquido de conchunta con o nitrocheno.

Reacciona con cuasi toz os metals (fueras d'os metals nobles) producindo a corrosión.

En a naturaleza, se produce oxicheno libre ta a fragmentación alimentata por a luz de l'augua mientres a fotosintesi oxichenica. As algas verdas y as cianobacterias d'os medios marins producen alto u baixo un 70% de l'oxicheno libre chenerato en a Tierra, y a resta se produce a traviés d'as plantas terrestres.^[3]

Una formula cheneral simplificata d'a fotosintesi ye:^[4]

6CO₂ + 6H₂O + fotons → C₆H₁₂O₆ + 6O₂ (o simplament dioxido de carbonio + augua + luz solar → glucosa + dioxicheno)

A evolución oxichenica se produce en as membranas tilacoidals d'os organismos fotosinteticos y requiere a enerchía de cuatre fotons.^[5] Bi ha muitos trangos intermedios, pero o resultato ye a formación d'un gradient de protons a traviés d'a membrana tilacoidal, que s'emplega ta sintetizar ATP por medio de fotofosforilación.^[6] O O₂ restant dimpués d'a oxidación d'a molecula d'augua ye liberato a l'atmosfera.^[7]

O dioxicheno molecular, O₂, ye esencial ta a respiración celular en os organismos aerobicos. L'oxicheno ye emplegato en as mitocondrias ta contrebuyir a formar adenosina trifosfato (ATP) mientres a fosforilación oxidativa. A reacción d'a respiración aerobica ye esencialment a contraria d'a fotosintesi y se simplifica como:

C₆H12O₆ + 6O₂ → 6CO₂ + 6 H₂O +2880 kJ•mol^-1

En os vertebratos, o O₂ se difunde a travies de membranas d'os pulmons enta os globulos royos. A hemoglobina s'une a o O₂, cambeando a color d'un royo azulenco enta un royo brillant.^[8][9] Atros animals fan servir hemocianina (musclos y bels artropodos) o hemeritrina (arainas y langostas).^[10] Un litro de sangre puet disolver 200 cm³ de O₂.^[10]

As especies reactivas de l'oxicheno, como l'ion superoxido (O₂^-) y o peroxido d'hidrocheno (H₂O₂) son productos secundarios periglosos de l'uso d'oxicheno en os organismos.^[10] Manimenos, partis d'o sistema immunitario d'os organismos superiors creyan peroxidos, superoxidos y oxichenos ta destruyir microbios invasors. As especies reactivas de l'oxicheno tamién chugan un papel important en a respuesta hipersensible d'as plantas contra l'ataque d'os patochenos.^[6]

Un adulto en reposo inhala entre 1,8 y 2,4 gramos d'oxicheno por minuto.^[11] Ixo significa que a humanidat inhala mas de 6.000 millons de toneladas d'oxicheno cada anyo.^[12]

O gas oxicheno libre yera practicament inexistent en l'atmosfera terrestre antis de que evolucionasen bacterias fotosinteticas. L'oxicheno libre prencipia a apareixer en cantidaz significativas mientres a era d'o Paleoproterozoico (entre fa 2.500 y fa 1.600 millons d'anyos). En primerías, l'oxicheno se combinó con fierro disuelto en os oceanos ta formar lo que se diz "formacions ferricas en bandas". L'oxicheno libre prencipia a salir en forma de gas d'os ocieans fa 2.700 millons d'anyos, arribando a o 10% d'o suyo ran actual fa alto u baixo 1.700 millons d'anyos.^[13]

A presencia de grans cantidaz d'oxicheno disuelto y libre en o oceanos y l'atmosfera podría haver causato a extinción d'a mayoría d'organismos anaerobicos que viviban por ixas envueltas, mientres a catastrofe de l'oxicheno, fa uns 2.400 millons d'anyos. Manimenos, a respiración celular con O₂ permite a os organismos aerobicos producir muito mas ATP que os anaerobicos, ayudando-los a dominar a biosfera terrestre.^[14] A fotosintesi y a respiración celular de O₂ permitió a evolución d'as celulas eucariotas y en zagueras organismos multicelulars complexos como as plantas y animals.

Dende primerías d'o Cambrico, fa 540 millons d'anyos, os rans de O₂ han fluctuato entre o 15% y o 30% en volumen.^[15] En zaguerías d'o Carbonifero (fa uns 300 millons d'anyos), os rans de O₂ atmosferico plegoron a un maximo d'un 35% en volumen,^[15] permitindo a os insectos y anfibios plegar a midas muito mas grans que os suyos descendients actuals. As actividaz humanas, incluyindo-ie a combustión de 78.000 millons de toneladas de combustibles fosils cada anyo, han tenito un efecto muit chicot en a cantidat d'oxicheno libre en l'atmosfera. A o ritmo actual de fotosintesi, caldrían uns 2.000 anyos ta rechenerar tot o O₂ present en l'atmosfera.^[16]

• Anoxia.
• Ciclo de l'oxicheno.
• Botella d'oxicheno.

• Se veigan as imáchens de Commons sobre l'oxicheno.
• (en) Los Alamos National Laboratory - Oxigen
• (en) WebElements.com - Oxigen
• (en) EnvironmentalChemistry.com - Oxigen
• (en) Ye elemental - Oxigen
• (en) Terapias con oxicheno
• (en) Toxicidat de l'oxicheno