Gas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se diz gas a un estato d'a materia en que as fuerzas interatomicas u intermoleculars entre os diferents atomos u moleculas d'una substancia son tan chicotas que a substancia no adopta ni forma ni volumen fixo, tendindo a expandir-se tanto como sía posible ta ocupar o recipient que la contiene. En a practica, un gas puet estar definito como un fluido no condensable a temperatura ambient.

Por extensión, as substancias que se troban a una temperatura superior a la suya temperatura critica son gases, un eixemplo en sería a vapor d'augua, caracterizato por una temperatura superior a l'ambiental (374 °C), será un gas cuan se supere ista temperatura, dita critica.

A nivel microscopico un gas se caracteriza porque as suyas particlas son muit deseparatas y a interacción entre ellas ye muit baixa.

Una substancia gaseosa puet licuar-se por enfriamiento u por compresión, dica una cierta temperatura dita temperatura critica, a partir d'a cuala s'obtendría un fluido supercritico.

O nombre viene d'a pronunciación neerlandesa d'a parola griega "caos", que s'emplegaba dende o sieglo XVI ta referir-se a l'aire, o quimico flamenco Jan Baptista van Helmont proposó lo suyo emplego aplicato a los gases en o sieglo XVII.