Riksja
'n Riksja verwys na 'n mens-aangedrewe waentjie wat vir ligte vervoer gebruik word.
Riksjas het hul ontstaan aan Japan te danke en is na Natal (tans KwaZulu-Natal) gebring deur 'n suikermagnaat, Sir Marshall Campbell in die 1890’s. Teen 1903 was daar meer as 'n duisend riksjas in Durban wat as 'n vorm van openbare vervoer gedien het. Ander riksjas het in Pietermaritzburg, Kaapstad, Pretoria en selfs Rhodesië (vandag Zimbabwe) diens gedoen.
Funksionaliteit het mettertyd die riksjas in 'n toeriste-aantreklikheid verander. Teen die 1930’s het riksjas oral verdwyn behalwe in Durban, waar 'n klompie steeds toeriste aan die Durbanse strandfront bedien. Die Zoeloe riksjatrekkers het later baie versierings aangebring en die riksja en sy waentjie versier met kralewerk, pels en etlike kleurvolle artikels. Natuurlik word die toeris teen 'n stewige fooi op die sypadjie rondgetrek, en as jy graag 'n foto van jouself met die riksjatrekker wil laat neem, sal jy nog 'n paar rand moet bylas.
