1

Karai Kasang a ga a ntsa Kam Sham Let Asak Hkrung Ai Lam.

Ga Hpaw: Dai ni anhte hkrum kadup nga ai prat masa gaw myitru myit tsang, myit hki lit li, myit
htum myit chyum rai myit mada shara shamat kau ai ni zawn hkam sha ra nga ga ai re. Dai lam ni
hpe myit sim myitsa the tawt lai l una matu, gara hku asak hkrung ra na rai ga ta? Aja gumhpraw i?
arawng sadang i? Hpaji degree? Nang ngai gara hpe kam nna shim lum lam the, myitsim myitsa
lam tam ai? Hpa madu Karai Kasang kaw chyu sha tengman ai shim lum lam the myitsim myitsa
lam nga ai re. Karai Kasang Yesu Hkristu hku hkye hkrang la ai chyeju hpe Kam sham ai lam hku
nna shad ai hpe lu la mai ai re.
Karai A Ga Ntsa Kam Sham Ai Hte Asak Hkrung Ra Ga Ai.
Dai ni anhte kaning re ai byin da masa hta rai tim, Karai Kasang tinang a matu kaja dik ai lam ni
hpe lajang da ya ai ngu ai hpe kam sham ra ai. Myit sim myitsa lam lu la na matu Karai Kasang
hpe tsep kawp kam sham ra ai. Dai n rai jang myit tsang lam, myit ru lam hte hkrai hpring taw nga
na re. Dai majaw kam sham ai myit hte shani shagu asak hkrung ra ga ai. Dai makam masham
gaw na la ai kaw nna, na la ai gaw Karai a mungga kaw na re. Dai rai nna, Karai a ga hpe shani
shagu nang na magang, nang hta kam sham myit grau grau pru wa magang rai na re.
Hpilisti masha Goliat wa challenge galaw ai shaloi hkawhkam Shawlu hte Israela amyu sha
ni hkrit tsang ma ai. Hpa rai hkrit a ta nga yang shani shagu, Karai Kasang a nsen n na ai sha,
Goliat a nsen hkrai na taw ai majaw re. Goliat mung shani shagu jahpawt kalang shana kalang, lani
mi lahkawng lang, shani 40 ya tup Isralela amyu sha ni hpe challenge galaw ai re. Nhtoi san ai hte
Goliat a n sen na, jan du wa jang mung Goliat a nsen na ai re. Shana tup Goliat a nsen shingran mu
nna yup. Hpang jahpawt bai rawt jang mung Goliat a challenge nsen hpe na ma ai. Dai majaw,
nayi hkum 24 Goliat a lam sha myit, Goliat a nsen sha na ma ai. Dai majaw Isralela ni a myit hta
hkrit myit hkrai rai mat ai. Dai ni anhte mung, mungkan hta gara hku sha ra na, lu ra na, gumhpraw
gara hku tam ra na nsen hkrai shani shana na nga ai rai yang, anhte a myit hta hkrit myit, tsang
myit hkrai rawng nga na re. Kam sham ai myit hte asak n hkrung lu ai. Maga mi de Yesu Hkristu
gaw, akyu hpyi ya nga tim, anhte kam sham ai myit hte asak n hkrung lu na matu Tsadan gaw
gung lau nga ai re. Goliat wa challenge galaw nna jahkrit sharim ai zawn Tsadan wa mung dai ni
anhte hpe jahkrit sharim nna kam sham myit hte asak n hkrung lu na matu jahten sharun nga ai re.
Goliat wa challenge galaw ai aten hta makam masham hte asak hkrung ai Dawi gaw sagu rem let,
Karai Kasang kaw sit shang ai. Karai hte shani shagu aten la kanawn mazum ai wa re majaw
Karai a n sen na nga ai wa rai nga ai. Dai majaw, Dawi a myit masin hta kam sham myit byin pru
ai hkam la lu ai re. Goliat kade kaba tim, nye a Karai Kasang gaw Goliat hta grau kaba ai ngu ai
makam hte gwi ai atsam lu la ai re. Dai majaw, dai ni anhte mung, mungkan a mang hkang nsen
ni sha na taw nga yang, hkrit myit hkrai hpring na re. Karai a nsen na chye ai wa rai jang gaw,
anhte a myit masin kata hta kam sham ai myit grau grau kaba wa na re. Dai makam masham hte
shani shagu asak hkrung na matu Karai Kasang sharawng awng ai re. Dai majaw, Kam sham ai
kashu kasha ni a matu Karai Kasang yawng mayawng hkyen lajang da ya chyalu re. Dai hpe anhte
shani shagu chye na hkam sha lu na matu makam masham hte asak hkrung ra ga ai. Karai Kasang
hkyen lajang da ya ai hpe makam masham hte sha anhte hkam la lu na ga ai. Hebre 10:38 “Nye a
dinghpring ai wa chyawm gaw, kam sham ai hte hkrung nga ra ai”, “Shi sit kanut mat wa yang
gaw, Nye a myit masin shi hta sharawng awng na n rai, nga ai”. Dai rai nna, dinghpring ai wa gaw
 2

tinang a ja gumhpraw, arawng aya, hpaji degree, mabyin masa hpe kam ai n re ai sha, Karai hpe
kam sham nna asak hkrung ra ai. Shani shagu hkye hkrang la ai chyeju akyu ara hkam la lu na
matu kam sham ai myit hte asak hkrung ra ai.
Dai ni anhte, Personal devotion hku chyum laika hti akyu hpyi sit shang ai lam hku nna sha Karai a
n sen hpe na lu ai hte, kam sham myit kaba ai hpe hkam la lu ai rai nna, Karai a galai shai ya ai
chyeju hkam la lu shangun ai re.

Hkye hkrang la hkrum ai hte seng ai bahkam gaw tinang galaw lu ai majaw lu la ai n re,
Karai Kasang Yesu hkristu hku nna galaw ya ai hpe Kam sham ai a majaw lu la ai she re..Tinang
galaw lu ai n tsa kaw myit la shagu galoi mung bahkam n lu la mai ai. Anhte galaw ai lam hte hkye
hkrang la ai lam hte n seng ai. Tinang galaw ai lam a majaw hkye hkrang la ai lam n hkrat sum ai
hte, hkye hkrang la ai lam mung n lu la mai ai. Shinggyim masha ni n galaw lu ai lam re ai majaw
Yesu Hkristu gaw shi nan shinggyim hkum hkrang dagraw nna udang hta jen hkam ai hte masum
ya ngu ai n htoi hta bai hkrung rawt ai hku nna hkye la ai re.Dai majaw Yesu galaw ya ai hpe kam
sham ai ni htani htana asak lu la ai re. Dai majaw yubak bai galaw hkrup ai majaw hkye hkrang la
ai lam n sum mai ai.Yubak n lu ai masha ngu ai mung n nga ai, yawm dik gaw myit masin kaw nna
yubak galaw ai ni hkrai re. Shinggyim masha mu mada ai hku yubak galaw ai hte, n mu mada ai
hku yubak galaw ai lam sha re. Shinggyim masha a galaw ai lam a ntsa mahta yang gaw kadai
mung hkye hkrang la hkrum ai bahkam n lu la mai ai. Kam sham jang lu ai, aloi sha re ai hku
chyeju jaw ai Karai re. Hkye hkrang la hkrum ai bahkam gaw Yesu hta sha re. Yesu hkye la ai hpe
kam sham na sha ra ai. Ngai akyu hpyi shaja ai majaw, chyum laika hti ai majaw, mai kaja ai
bungli galaw ai majaw ngu ai hte n seng ai. Hkye hkrang la ai lam gaw tinang hkum tinang n tsa
mahta nna myit la shagu hkye hkrang la hkrum ai bahkam n lu la mai ai. Yesu galaw ya ai ntsa
kaw tawn da yang chyu sha bahkam nga ai re.Tinang hkum tinang kam ai lam, tinang galaw lu ai n
tsa kam ai lam n re ai sha, Karai Kasang hpe kam ai makam masham rai ra ai.
Ningpoawt Ninghpang 12 hta Abraham hpe Karai Kasang tsun ai, sin praw de sa u nga jang
shi sa ai, sinna de sa u nga jang shi sa ai. Shi sinpraw sinna hpa nga ai re mung n chye ai. Karai
Kasang sa u nga jang sa ai. Tinang chye chyang ai, chyelu ai ntsa kaw kam ai lam n re ai sha,
Karai Kasang a n tsa kaw kam ai hte asak hkrung ai lam re. Dai hpe Karai Kasang ra sharawng ai
re. Anhte a makam masham mung Karai Kasang a n tsa kaw tsep kawp mahta ra ai.Karai Kasang
sa u nga jang sa, hkum sa nga jang n sa ai, hkum sha nga jang n sha ai. Dai gaw makam masham
re. Tinang hkum tinang kam ai n re, Karai Kasang hpe kam ai lam re. Abraham hpe asak 75 ning
hta Ura mare kawn shaga shapraw wa ai re. N.N 12:2 kaw nang hpe amyu kaba shatai na, ngu tsun
ai lam gaw Abraham hpyi la ai lam n re. Karai Kasang kaw nna byin shangun na ngu tsun ai re.
Dai ni anhte mung makam masham ngu ai hpe, tinang byin mayu ai hpe hpyi la na matu kam ai
hku sha rai taw nga ai. Karai Kasang tinang hpe hpa baw byin shangun mayu ai ngu ai lam a ntsa
yin la asak hkrung ai lam gaw kam sham ai lam re. Kam sham ai ngu ai gaw tinang byin mayu ai a
ntsa kam sham ai lam n re. Abraham gaw Karai hpe ngai hpe amyu kaba shatai rit ngu hpyi nem ai
lam n re. Karai madaw she Abram hpe amyu kaba shatai na, byin shangun mayu ai ngu tsun ai lam
re. Abram a kam sham ai lam hta amyu kaba tai wa na ngu ai ntsa n re ai sha, Karai Kasang
shabyin na ngu ai Karai Kasang a ga sadi ga a ntsa kaw kam ai makam masham re.Tinang kam
mayu ai lam hpe kam ai lam n re, Karai Kasang a ga a ntsa hta kam sham ai lam re. Dai ni anhte
mung tinang kam sham mayu ai lam hpe kam ai lam n re ai sha, Karai a ga hpe kam sham ra ga ai.
Karai mungga hta hpawt ni na matu hkum tsang, u tsa hpe pyi hpang gara n jahkrum na nga ai
mungga n tsa kam sham ra ai.
 3

Abram a prat hta pyi n hten ai myit rawng lai wa ai aten mung nga ai re. Hkanan kaw nga
ai aten asak 85 rai sai. Sara gaw dai aten du hkra ma n lu ai. Egutu kaw na mayam num langai
Hagra lawm wa ai shi hte sa yup u. Ma lu na ra ai. Ma lu wa yang dai mung na kasha sha re gaw
ngu gung lau ai re. Abram asak 86 ning hta Ishaela ngu ai ma shangi wa ai. Rai tim dai gaw Karai
a ga hku byin ai lam n re, shinggyim masha a maw mawn ai lam hku byin ai re. Karai a ga dik wa
na matu tinang myit ai hku maw mawn ai lam a asi gaw Karai a ga sadi hte n seng ai re. Karai a ga
mung hkum tsup wa na, an yan mung ma lu na ngu tsun wu ai. Sara a ga hku Abraham hkan galaw
dat ai, amyu kaba lahkawng lapran dai ni du hkra majan byin ai re. Anhte a aprat hkrun lam hta
mung, tinang byin mayu ai hpe gaw mai hpyi ai. Rai tim Karai byin shangun mayu ai lam hpe
mung yin la chye ra ai. Tinang hpyi ai lam hta Karai hpa mi jaw yang jaw hkam la lu na ngu ai
makam masham nga ra ai. Yesu madun ai kasi mung Tsan lun sun hta n dai gawm ngai hta na lai
kau lu yang shalai kau ya rit. Rai tim ngai ra ai hku n rai nang ra ai hku rai u ga ngu akyu hpyi ai
re.
Ishmaela hpe shangai ai hpang 13 ning Karai Kasang Abraham hpe ga n sha mat ai re. Shi a asak
99 ning shaloi she bai Karai Kasang ga shaga ai. Mying mung Abram kaw na Abraham ngu
amying galai kau ya ai. Karai Kasang Abraham hpe Shi gaw yang mayawng hpe dangdi ai Karai
(Almighty God) re ai lam bai shadum ai re. Shi rai n galaw ya ai ngu ai gaw aten rai n du shi ai
majaw re lam hkawn hkrang shangun ai re.Shi a ga hte maren aten du ai shaloi byin wa na re. Shi a
ga hte maren asak hkrung u ngu shadum ai re. Abrahma asak 100 ning shaloi ma lu na hku tsun
dan ai re. Dai hpe Abraham mani ai re. Sara mung mani ai re. Shingra maka hku madu jan gaw ma
n mai lu sai majaw mani ai re. Rai tim Karai Kasang gaw, Abraham nang hkum mani, Karai
Kasang a ga gaw aten du jang dik tup wa na ra ai. Dai Karai a ga hpe n kam lu ai gaw na a mang
hkang rai nga ai. Abraham gaw shingra tara hku tinang myit lu ai ntsa kaw kam ai majaw Hagra
hte sa yup ai re. Karai ra ai gaw shi a ga hpe sha kam sham ai hpe ra ai Karai re. Kaning re ai byin
da masa hta rai tim Karai a ga hta kam sham na hpe ra ai Karai re. Dai ni anhte mung, tinang byin
mayu ai lam ntsa kaw kam ai lam n re ai sha, Karai a ga a ntsa kam sham ra ai re. Shani shagu
chyum laika hti nna Karai a ga hpe kam sham ra ga ai. Ga shadawn, Sha.K 23 hpe hti nna kam
sham ra ai. Karai Kasang tinang a matu galaw ya na lam hpe kam sham ai lam hpe she makam
masham ngu tsun ai re. Roma 4:19-22”Latsa ning du magang wa ai majaw, tinang hkum nana
chyasi rai sai hte, Sara a pu jat mung chyasi zawn nawn wu ai rai ti mung, kam sham ai myit n
yawm lu ai. Rai sa, karai Kasang a ga n dat hpe dum yang, shi kam shut ai hte ndi n da n re ai sha,
kam sham ai hte dakan dakring rai wa let, Karai Kasang hpe shakawn kungdawn nna, ga n dat da
ai hte maren, shi shabyin na ra ai hpe,. Myit a jung nga ai. Dai re ai majaw dai gaw shi a matu ding
hpring ai, ngu yaw u ai”. Abrahma karai Kasang a ga ndat hpe myit sum ru dinglun yu ai lam n nga
ai sha, dangdi lu ai Karai re ai lam myit maju jung kam sham ai re. Tinang byin mayu ai a ntsa
myit maju jung ai lam n re ai sha, Karai Kasang Shi a ga ndat hte maren byin wa shangun na re
ngu ai hpe myut maju jung ai lam re.

Ga Hpungdim
Dai ni anhte kam sham ai hpung masha ni yawng mung Karai a ga hta kam sham myut the myit
maju jung let sak hkrung hkawm sag a yang teng sha myit sim myit sa lam hkam la l una ga ai law!