American Journal of Humanities and Social Sciences Research (AJHSSR) 2021

American Journal of Humanities and Social Sciences Research (AJHSSR)

e-ISSN :2378-703X
Volume-5, Issue-7, pp-225-232
www.ajhssr.com
Research Paper Open Access

SIPAT-SURI SA MGA SIMBOLISMO PAMPANITIKAN AT

ISYUNG PANLIPUNAN SA PELIKULANG TAKLUB NI
BRILLANTE MENDOZA
Garry A. Portillo II, PhD
Filipino Unit, College of Education/ Leyte Normal University, Philippines

ABSTRACT : This study attempted to examine deeply the literary symbolisms and social issues that is
portrayed in the "Taklub" movie.The study used qualitative design which stategize on analysis to examine
comprehensively the research. The respondents of the study were 10 BSED- Filipino major students who are
studying at Leyte Normal University. They have watched the movie titled " Taklub by Brillante Mendoza"
applying Analysis Sheet in scrutinizing the movie.The study showed that the movie "Taklub" tackled
symbolisms in literature and social issues which central on faith, poverty and heroism. It was portrayed in the
movie the positive attitude and disposition amid tragedy and grappling for hope. It was also described in the
movie the theme of the different symbolisms which are radiated in the minds and hearts of an individual.The
social issues found in the movie mirrored the current situations which awakened the aspirations of the movie
casts. The movie instilled cognizance, faith, trust, and hope among viewers.The movie is helpful tool in teaching
values education or on student resilience.

Keywords- analysis, indie film, movie, symbolisms, social issues

ABSTRAK
Tinangka ng pag-aaral na ito na masuri nang malaliman ang mga simbolismong pampanitikan at
isyung panlipunan na taglay ng pelikulang “Taklub”. Ang naturang pag-aaral ay gumamit ng disenyong
kwaliteytib na may pamaraang pagsusuri sa nilalaman o content analisis upang mabigyan ng malalim na
pagsusuri. Ang mga naging kalahok ng pag-aaral na ito ay sampu (10) na mag-aaral na nagpapakadalubhasa
sa Filipino ng Leyte Normal University. Pinanood ang pelikulang “Taklub ni Brillante Mendoza” gamit ang
analysis sheet sa pagsusuri ng pelikula.Lumabas sa naturang pag-aaral na ang pelikulang “Taklub” ay may
mga simbolismong pampanitikan at mahahalagang isyung panlipunan na nagtatalakay tungkol sa kahalagahan
ng pananampalataya, ibat’ ibang uri ng kahirapan at kabayanihan. Ipinakita sa pelikula ang mga positibong
ugali at disposisyon ng tao sa gitna ng matinding trahedya, kahirapan at kawalan ng pag-asa. Inilarawan ang
diwa ng iba’t ibang simbolismo na makikita sa pelikula na tumutukoy sa nakapaloob mula sa isipan at
damdamin ng isang indibidwal. Ang mga isyung panlipunan sa pelikula ay may kaugnayan sa mga pangyayari
sa kasalukuyan na pumupukaw sa saloobin at mithiin ng mga tauhan sa pelikula. Ang pelikulang ito ay
nagpapatibay ng kamalayan, pananampalataya, tiwala at pag-asa sa bawat manonood. Angkop ang pelikulang
ito bilang kagamitan sa pagtuturo ng balyus o pagpapahalaga at katatagan ng bawat mag-aaral.

Susing salita: indie film, isyung panlipunan, pelikula, simbolismo, sipat-suri

I. INTRODUKSYON
Ang pelikulang Filipino ay isang obrang pansining na kakikitaan ng galing, tradisyon, kultura,
kaugalian, saloobin, at pagpapahalaga ng mga tao. Ito ay salamin ng bayan dahil mayroong responsibilidad sa
dimensyong sosyal. Ito ay isang uri ng media na may malaking epekto sa pag-iisip at pag-uugali ng mga
manonood.
Sa pag-aaral ni Magcamit (2013)“ang pelikula ay isa sa mga kinikilalang sining kasama ng pagpipinta,
eskultura, musika, drama at arkitektura na nagbibigay ng yaman sa ating pamumuhay. Sa kasalukuyan, ang
pelikula ang may pinakamalawak na impluwensiya sa publiko dahil sa kakayahan nitong magpakita ng mga
damdamin at sitwasyon na sadyang mauunawaan ng mga manonood. Tinitingala ito ng publiko na parang

AJHSSR Journal P a g e | 225

 American Journal of Humanities and Social Sciences Research (AJHSSR) 2021

salamin ng buhay dahil dito nila nasasaksihan ang paglalarawan ng kanilang mga pangarap, hangarin at
paniniwala.
Iba-iba ang pinapaksa ng pelikula at kaya nitong makisabay sa daloy ng panahon. Sa tulong ng mga
alagad ng sining at manunulat, ang mga kuwentong unang narinig at nabasa ay maaari nang masilayan sa mas
mataas at makulay na antas ng sining—ang Filipino Indie Film.Masisilayan sa pelikulang “Taklub” ang mga
simbolismong pampanitikan at isyung panlipunan na kabalikat ng ating kasaysayan, kadalasang tinutukoy nito
ang mga usapin hinggil sa kahirapan, korapsyon, droga, kamangmangan, katiwalian, pang-aabuso, kawalan ng
pag-asa, hindi pantay na hustisya, kalamidad at iba’t ibang anyo ng pag-ibig.
Ang “Taklub” ay isang Indie Film tungkol sa pananalasa o ang paghagupit ng bagyong Yolanda sa
lugar ng rehiyon 8 partikular sa lungsod ng Tacloban. Mapapanood sa pelikula kung paano bumangon ang mga
tao gamit ang mga natirang ikinabubuhay at mga bagay na naisalba na nag-iwan ng iba’t ibang simbolo ng
panibagong pag-asa na magpatuloy sa pagharap sa tindi ng hamon ng buhay sa likod ng iba’t ibang isyung
panlipunang kinakaharap.
Mababanaag sa puso’t isipan ang malaking sugat na iniwan ng delubyo kung saan nasilayan nila ang
sinag ng araw na hudyat ng pagbangon mula sa pagkalugmok sa pang araw- araw na pangangailangan mula sa
pagbagsak at pagsigla ng ekonomiya. Pinahihiwatig lamang nito na sa gitna unos o kalamidad na sinusubok tayo
ng panahon at pagkakataon nangingibabaw pa rin ang pagkakisa, pagtutulungan pagdadamayan at higit sa lahat
ang matibay na pananalig at pananampalataya sa Poong Maykapal.
Ang bawat pelikula ay may layuning itaas ang kaalaman ng publiko tungkol sa kahalagahan ng
konsepto at nilalaman ng kuwento. Nililikha ang pelikula sa hangarin pumukaw at mag-iwan ng aral sa
manonod. Ito’y magsisilbing gabay sa pang-araw-araw na gawain na maaaring mangyari sa totoong buhay.
Nagtataglay ang isang pelikula ng mga simbolismong pampanitikan at mga isyung panlipunan na maaring
makita sa pamamagitan ng malalim na pagsusuri sa tulong ng mga gabay. Ito ay inihanda at pinag-aralan ng
may-akda na may hangaring maiparating ang tunay na layunin at ang nais nitong ipakita sa manonood.
Ang independent films ang tumatayong alternatibo sa mainstream. Ginagawa ang mga pelikulang ito
ng hindi sumasailalim sa mga production companies tulad ng Viva Films o Star Cinema, maliit ang pondo para
produksyon nito. Ang mismong direktor ang naghahanap ng maaaring pagkuhaan ng pondo para sa kanyang
pelikula. Ngunit maliit man ang nakalap na pondo, hitik na hitik naman sa maka-sining na paggawa ang mga
independent films. Mas malaya ang isang direktor na bumuo ng isang pelikula na hindi iniisip kung papatok ito
sa takilya at kikita ng marami para sa mga kompanya. Ang independent films ang siyang larangan ng mga
eksperimental at makabagong paraan ng paglilikha ng mga pelikula (Cruz at Mariano, 2018).
Lumabas sa pag-aaral ni Gonzales (2018) pinahahalagahan ng indie film ang magagandang kaasalan sa
kapakanan ng mga manonood na sa kabila ng kakulangan ng badyet at may kabagalan ang daloy ng kwento,
makikita ang kabuluhan ng mga pelikula kabilang dito kaysa sa mga pelikulang Filipinong Mainstream. Sa
kabila ng pagpapalabas ng mga Pelikulang Mainstream ay nakakaligtaan ang mga kagandahang asal na dapat
maipakita ng mga manonood sa kanilang pelikula.
Sa pagpasok ng makabagong panahon, at ang lahat ay mas abala na kaysa dati, nawalan ng panahon
ang Pilipino na manood ng mga pelikula. Dahil pagod sa kani-kaniyang mga gawain, mula sa trabaho o eskwela,
tila pilit tinakasan ng mga manood ang pelikulang nagsasalamin ng katotohanan at mas tinangkilik ang mga
pelikulang komersyal, at nagbebenta ng aliw, ngunit walang masyadong dalang aral sa tao. Dahil dito ay
nawalan ng posisyon ang mga sosyo-politikal na mga pelikula sa mainstream cinema (Jara, 2018).

Balangkas Teoretikal
Ang teoryang simbolismo ay nililinang ayon sa prinsipyo ng “polysemous” na may apat na sistema ng
pagkakahulugan ng mga salita. Ito ay nililinang sa pamamagitan ng makabagong kritisismo tungkol sa pag-aaral
ng mga diwa ng mga salita at ekspresyon. Ang teoryang ito a nagmumungkahi sa iba’t ibang paraan sa pagkilala
ng mga simbolismo sa mga salitang sinusulat at binibigkas ng mga tao (Denham, 2010).
Ayon kay Frye (2007), ang isyu tungkol sa kahulugan ay malawak at may iba’t ibang anyo ayon sa uri
ng panitikan. Ang dianoia ay isa sa mga elemento ng pagkakahulugan ng salita ng naglalayong mabigyan ng
kahulugan ang isang salita o lupon ng salita. Ang mythos o narrative at ethos o characterization ay mga
elemento na nagtatalakay sa pagkakahulugan ng mga salita. Ang mythos ay nagbibigay ng kahulugan ng mga
simbolismo sa isang salaysay. Ang ethos naman ay naglalayang mabigyan ng maliwanag na kahulugan ang
paglalarawan na ipinahayag sa panulat o pagbigkas na pamamaraan ng pakikipag komunikasyon.
Ang teorya ni Frye tungkol sa simbolismo ay nakatuon sa pag-aaral ng kritisismo. May mga hakbang
ang pagbibigay ng kahulugan sa mga simbolismong ito lalong lalo na kung ito ay ginagamit sa pagpapaliwanag
sa mga panitikan. Unang-una ang pagpapaliwanag sa mga teksto at konteksto sa iba’t ibang uri ng panitikan ay
ginagamitan ng mga pamamaraan upang matukoy ang mga kahulugan nito ayon sa ginagamit na simbolo.
Ang simbolo ay iniuugnay sa tamang uri ng hakbang na ginagamit ng isang manunulat ayon sa paksang
literal, deskriptibo, imahe, arketayp at espirituwalidad nito. Ang narrative na kategorya ng simbolismo ay

AJHSSR Journal P a g e | 226

 American Journal of Humanities and Social Sciences Research (AJHSSR) 2021

iniuugnay sa ritmo, galaw, pag-ulit, pangyayari at ritwal. Ang meaning o kahulugan ay iniugnay sa pardon,
estuktura, dahilan, utos at pangarap. Ang mga salita o lupon nito ay kailangan maintindihan at bigyang
kahulugan ayon sa konteksto lugar, panahon at mga taong may ugnayan sa mga pangyayari o galaw sa isang
istorya o literatura.
Ang lahat ng ito ay sakop ng tinatawag na anatomy criticism na nagtatalakay sa iba’t ibang
simbolismo, salaysay, at kahulugan na maiuugnay sa mga hakbang at kategorya sa pagkakahulugan ng salita.
Ang layunin ng panitikan ay ipakita ang kalagayan at suliraning panlipunan sa lipunang kinabibilangan
ng may-akda. Naipakikita rito ang pamaraan ng mga tauhan sa pagsugpo sa suliranin o kalagayan ng lipunan na
nagsisilbing gabay sa mga mambabasa na puksain ang mga katulad na suliranin.
Ang teoryang sosyolohikal ay may paksang nagbibigay ng kaapihang dinanas ng tauhan sa kwento.
Ang akda rin ay nagiging salamin sa mga tunay na nangyayari sa lipunan. Naniniwala ang mga tagapagtaguyod
nito na ang manunulat ay produkto ng kanyang panahon, lugar, mga kaganapan, kultura, at institusyon sa
kanyang kapaligiran kung saan itinuturing sila bilang boses ng kanyang panahon.
Ang panitikan ay isang produkto. Ito ay likha ng panahon at kasaysayan, kultura, ideolohiya, lipunan at
kapaligiran. Sa pananaw na sosyolohikal, ang akda ay hindi nagmula sa kawalan. Ang mga pananaw at saloobin
ng mga karakter ay hinubog ng mga pangyayari. Ang akda ay sinusuri sa konteksto ng iba’t ibang institusyon sa
lipunan at ang kaugnayan nito sa indibidwal. Ipinapahayag ng akda ang mga saloobin, mithiin, at pangarap na
hango sa galaw ng panahon. May kaisipang inihahatid sa mambabasa na naglalarawan sa pilosopiyang taglay ng
akda. Tumutugon sa tungkulin ng panitikan na imulat ang lipunan sa mga katotohanan at kagalingang
panlipunan. Ang panitikan ay may mabuti at kapakipakinabangang idudulot sa lipunan at ang lipunan ay
kailangang tumugon sa mga sitwasyon o kalagayang hinihingi ng pagbabago upang maiangat ang tao (Burke,
2011).

Layunin ng Pag-aaral
Layunin ng pag-aaral na ito na matukoyang mga simbolismong pampanitikan na inilahad sa Indie Film
na “Taklub” ayon sa ginamit na mga isyung panlipunan batay sa: (a) kataga o salita; (b) kasangkapan o bagay;
(c) tauhan; at (d) lugar at malaman ang mga isyung panlipunan na nakapaloob sa pelikula.

II. METODOLOHIYA
Ang pamaraang ginamit sa pag-aaral na ito ay deskriptiv-kwalitativ na nasa anyong pagsusuri sa
nilalaman o content analysis upang mabigyan ng kahulugan at malalim na pagsusuri sa iba’t ibang dimensyon at
pagpapahalaga o aral ng mga piling Indie Film.
Nilalayon sa pag-aaral na ito na mapag-alaman kung ano ang mga simbolismong pampanitikan at mga
isyung panlipunan ang binibigyan-pansin sa pelikulang “Taklub”. Ang pagsusuri sa mga eksena at dayalogo ay
inugnay ayon sa mga simbolismo na pinahiwatig at nakita mula sa mga isyung panlipunan na ipinakita o pinag-
usapan sa pelikulang napanood.Binigyan ng mataas na halaga ang oras sa panonood sa pelikula. Malalim na
pagsusuri ang inilaan ng mananaliksik sa mga naging sagot-pagsusuri ng mga respondente. Natatangi ang husay
at galing sa pagsuri sa mga simbolismo at isyung panlipunan na nakapaloob sa pelikula at implikasyon sa
pagpapahalaga sa buhay ng tao sa totoong buhay.
Gumawa ang mananaliksik talatanungan o analysis sheet para sa pagsusuri ng pelikula at isinangguni,
ipinasiyasat, ipinaayos sa mga eksperto, at ilang guro na may kaalaman sa pagsusuri ng
pelikula.Napagkasunduan ng sampung (10) respondente at mananaliksik na panoorin o suriin ang pelikula nang
magkahiwa-hiwalay sa halip na sabay-sabay sa isang lugar sapagkat pandemic, kailangan ang social distancing
at kailangang panoorin ang pelikula ng ilang beses ayon sa kagustuhan. Ang pagsusuri ay hindi naging madali at
nangailang ng sapat na oras at araw upang magkaroon ng pokus. Ito ay nasiyasat at napag-aralan nang mahusay
sa mga araw na bakante o walang ibang pinagkakaabalahan.
Ang mga datos na nalikom ay pinoproseso ayon sa tema o paksang nais ipahiwatig ng sa pelikula. Ang
mga magkakaparehong opinyon o ideya at ang magkasalungat ay pinapangkat upang mas madali ang pagsusuri.
Ito rin ang basehan sa pagpresenta ng mga datos. Thematic Content Analysis ang ginamit upang bigyang
kahulugan ang mga sagot tungkol sa mga simbolismo at isyung panlipunan na inilahad sa pelikula. Ang mga
paksang diwa ng bawat kasagutan ng mga tagatugon ay naging patnubay sa pagpangkat at gabay sa pagsusuri ng
mga datos. Inisa-isa ng mananaliksik ang mga sagot ng mga tagatugon sa bawat tanong o kategorya sa Indie
Film. Ang mga kasagutan ay pinangkat-pangkat ayon sa mga paksang-diwa at pagkahatulad ng mga sagot.

III. MGA RESULTA AT DISKUSYON

TALAHANAYAN 1.1
Simbolismo ng mga Kataga o Salita
KATAGA O SALITA KAHULUGAN / DESKRIPSYON
“Dito tayo lumaki, at dito tayo Ang pangungusap na ito ay nagpapakita ng paniniwala na kayang maayos
AJHSSR Journal P a g e | 227
 American Journal of Humanities and Social Sciences Research (AJHSSR) 2021

tatanda.” ang lahat. Na kahit na nawasak ang ating mga buhay o kagamitan ay kaya
parin ito nating maayos at mas mapabuti.
“May rason kung bakit tayo Pinapahiwatig ng linyang ito na gaano man kahirap ang buhay ay may
nabubuhay.” dahilan kung bakit tayo ilinagay ng Diyos dito sa mundong ito.
Ang salitang tulong ay nagpapakita na lahat ng tao, mayaman man o
“Tulong!” mahirap ay nangangailangan ng tulong upang makalagpas sa mga
pagsubok na dumaraan katulad ng mga sakuna trahedya at kalamidad.
“Eto, naghihintay na lang na Ito ay simbolo ng pagdurusa. Pagdurusa sapagkat siya ay nag-iisa na
kunin ng hangin kasi wala na lamang at wala nang ibang pamilya dahil ang kanyang pamilya ay
akong tirahang namatay na dahil sa sunog.
mapupuntahan”
Simbolo ng pagka-trauma dahil sa kalamidad na nangyari, na kahit ulan
“May tsunami! May tsunami!” lamang ay lumalawak na ang imahinasyon ng mga tao.
Isa sa pinakamalaking organisasyong Budista na nakabase sa Taiwan.
Nagbibigay ng tulong tulad ng pera, pabahay, paaralan at bigas para sa
Tzu Chi Foundation mamamayan.
(Pundasyong Tzu Chi) Ang Tzu Chi ay non-profit organization na nakapagtayo ng maraming
ospital at paaralan sa iba't ibang bansa.
“Kun ako, gabay nala ako
nagpakamatay”(Kung ako, Nangngahulugan ng kawalan ng pag-asa at kahinaan ng loob sa sunud-
mas maganda nalang ang sunod na trahedyang nagyari,
magpakamatay.)
“Maupay na buhi kapa”
(Maganda at buhay kapa) Kasiyahan at pasasalamat sa pagkakaligtas sa delubyo.

Ang pelikulang ito ay nagpapakita ng paniniwala sa prinsipyo at kabutihan ng tao sa pamamagitan ng

mga salitang “Dito tayo lumaki at dito tayo tatanda”, “May rason kung bakit tayo nabubuhay” at “Tulong!”.
Ang mga salitang ito’y naglalarawan ng damdamin ng lipunan na pag-asa at positibong pananaw sa buhay sa
gitna ng trahedya. Likas sa mga Pilipino ang tibay ng loob kahit may mga suliranin at pagsubok ang dumaan sa
kanilang buhay. Sa pelikulang ito ay nakita ang iba’t ibang reaksyon at pamamaraan sa paghahanda at
pagtanggap sa trahedya. Ngunit magkakatulad ang kanilang disposisyon na may pag-asa at kailangang
bumangon at patuloy na makikibaka sa araw-araw nilang pamumuhay.
Ang pagtutulungan at pagdadamayan ay likas sa mga Pilipino. Nakahanda ang sinuman tumulong sa
oras ng trahedya o sakuna. Nangingibabaw ang kabutihan sa oras ng kapighatian. Pagbibigayan at
pagmamahalan ang nagiging sandalan ng karamihan. Ipinakita sa pelikulaang ito na may mga tao o bansa na
nakahanda tumulong sa anumang delubyo na dumating sa ating buhay.

TALAHANAYAN 1.2
Simbolismo ng mga Kasangkapan o Bagay
KASANGKAPAN O KAHULUGAN / DESKRIPSYON
BAGAY
Ang tasa na may mukha ng mga anak ni Bebeth ay nagsisimbolo ng
Tasa pagmamahal ng isang ina. Na kahit parang imposible na silang matagpuan ay
naniniwala parin siya na matatagpuan niya sila.
Ang krus na natagpuan ni Larry ay nagsisimbolo ng pa pagkawala ng
Giba na Krus pananampalataya. Na ang tao ay tao lamang at nawawalan din ito ng pag-asa.
Alkansiya Pagtutulungan at pagkakaisa
Radyo Instrumento sa ugnayan ng mamamayan bilang komunikasyon at hudyat sa
mga sakuna.
Relief Goods/Donations Pagdadamayan, Pagbabahagi ng kunting tulong bilang pasasalamat sa mga
biyayang tinatamasa at kabutihan sapagkalinga sa kapwa.
Lampara Simbolo ng kapahamakan sa pamilya ni Renato at direksyon para sa bagong
liwanag sa panibagong buhay.
Gitara Sumisimbolo ng kaginhawaan at kapayapaan.

Ang tasa na may mukha ng mga anak ni Bebeth ay nagsisimbolo sa pagmamahal ng isang ina. Ang
“giba na krus” naman ay nagsisimbolo ng pagkawala ng pananampalataya.

AJHSSR Journal P a g e | 228

 American Journal of Humanities and Social Sciences Research (AJHSSR) 2021

Ang relief goods at pang donasyong materyal ay naglalarawan ng pagtutulungan at pagkakaisa ng mga
Pilipino sa panahon ng sakuna at kahirapan. Kahit sa gitna ng trahedya, makuha pa rin ng mga Pilipinong
tumawa at magsaya. Gamit ang gitara, sa kantahan at sayawan maibsan ang hirap at pait kahit saglit lamang.

TALAHANAYAN 1.3
Simbolismo ng mga Tauhan
TAUHAN KAHULUGAN / DESKRIPSYON
Si Bebeth, sa pelikula na ito ay nagsisimbolo ng pag-asa at pagmamahal. Pag-
asa dahil kahit kung naghihirap sila ng kanyang pamilya ay hindi parin siya
Bebeth sumusuko, at pagmamahal dahil hinahanap parin niya ang kanyang mga
(Nora Aunor) namatay na anak kahit kung matagal nang lumipas ang bagyong Yolanda.

Si Larry sa pelikula na ito ay nagsisimbolo ng kawalan ng pag-asa. Siya ay

Larry nagpapakita na ang tao, gaano man ito katatag ay napapagod rin. Pinapakita
ni Larry na kapag sunod-sunod na dumarating ang paghihirap sa buhay at
kahit gaano pa kalaki ang tiwala mo sa Diyos ay aabot ka rin sa punto na
gusto mo nang sumuko.
Si Erwin ay simbolo ng lakas ng loob. Pinapakita niya sa mga manonood na
kailangan nating maging matatag sa gitna ng paghihirap. Na misan ay may
Erwin mga bagay na mas importante, mga bagay na kailangan nating protektahan.

Nakaligtas sa napakalakas na bagyong Yolanda at hagupit ng dagat (delubyo).

Hindi pa nga nakakabangon hinamak at sinubok naman ng gasera na nagliyab
Renato ang apoy na ikinasawi ng ilang miyembro ng pamilya.
Ipinapakita ang pag-asa, pagkakaisa, pagmamahal paghihirap, pagtutulungan
Survivors at kahalagahan ng pagtutulungan.

Si Bebeth ay simbolo ng pag-asa at pagmamahal. Si Larry naman ay salungkat sa pagkatao ni Bebeth.

Si Erwin ay isang simbolo ng katatagan.
Si Renato ay sumisimbolo ng mga Pilipino na nakaranas ng sunod-sunod na trahedya ngunit patuloy na
nabubuhay kahit masakit man sa kanya ang pagkawala ng mahal niya sa buhay. Sila at ang mga survivor ay
simbolo ng katatagan at lakas ng loob ng bawat Pilipino.

TALAHANAYAN 1.4
Simbolismo ng mga Lugar
LUGAR KAHULUGAN / DESKRIPSYON
Simbolo ng simbahan ang lakas ng tiwala ng mga tao sa pananalig at
Simbahan pananampalataya sa Diyos. Na sa kabila ng lahat ng mga pagsubok
nangyayari sa buhay patuloy ang pananalig na pinoprotektahan at
ginagabayan tayo ng Diyos na lumikha ng lahat.
Simbolo ng dagat ang buhay. Paminsan ay kalma at matahimik, at paminsan
Dagat ay maalon at mahirap.
Simbolo nito ang pagmamahal ng pamilya. Na kahit na may mga pagkakaiba
Mass Grave tayo sa paniniwala at kung minsan ay nag-aaway ay sa huli mahal parin
natin ang isa’t isa.
Hospital Kabutihan at kaligtasan.
Isang malaki at malawak na lugar na ginagawang evacuation center sa oras
Tacloban Astrodome ng mga trahedya, bagyo o delubyo.
Nagsilbing tirahan ng mga mamamayan sa oras na may paparating na
delubyo. Sa malaking lugar na ito nagaganap ang pagbibigay ng relief
goods.
Bukid na may kabahayan Ang bukid ay nasisira rin kapag nagalit ang inang kalikasan na maaring
(Landslide) kumitil sa buhay ng mga tao. Kinakailangan lumikas sakaling may parating
na delubyo.
Ito ang pinagkukunan ng kabuhayan ng karamihan. Minsan tahimik, maalon,
at nagbabadya ng panganib sa ating buhay na hindi natin akalain na ito ang
Dagat papatay sa maraming tao.

AJHSSR Journal P a g e | 229

 American Journal of Humanities and Social Sciences Research (AJHSSR) 2021

Ang simbahan, dagat at mass grave ay mga mahahalagang lugar na may kaugnayan sa pelikula at mga
tagpo nito. Ang simbahan ay sumasalamin sa pananampalataya sa Diyos. Ang dagat naman ay inihalintulad sa
buhay ng tao. Minsan ang buhay ay kalma at tahimik. May mga pagkakataong ang buhay ay mahirap at magulo.
Katulad ng buhay minsan ay mahirap at magulo. Katulad ng buhay, minsan ang dagat ay maalon, minsan naman
ay tahimik.
Ang mass grave ay simbolo ng pagmamahal ng pamilya. Kahit iba man ang paniniwala, pagmamahal
pa rin ang nagbubuklod sa bawat kasapi nito lalong lalo sa panahon ng kamatayan. Ang iba’t ibang lugar na
makikita sa pelikulang ito ay naging mahalagang paraan ng paglalarawan bago nangyari ang trahedya, at mga
lugar kung saan at paano sila bumabangon pagkatapos ng trahedya.

TALAHANAYAN 2
Mga Isyung Panlipunan
ISYUNG PANLIPUNAN SIMBOLISMO
Dulot ng isang matinding kalamidad, kahit nag tulong tulong ang mga
tao ay kulang pa rin ito para maapula ang sunog. Pagdadamayan
Nanganganib ang mga bahay na walang lalaking kasama sapagkat
maaring may manghimasok na masamang manloob sa kanila. Takot at Pangamba
Kailangan munang magbigay ng alkansya na may lamang perang inipon
ng mga tao upang mabigyaan ng bigas. (Tzu Chi Foundation). Lahat ng Pagkakawang gawa/
tao ay nagkakaisa at sama-sama sa pagtulong sa mga nangangailangan. Bayanihan
Sa bawat malakas na bagyo o hangin ay ipinapalikas ang mga tao sa
kanilang tahanan. (hassle). Sakripisyo
Ang hindi pag sunod sa alintuntunin na bawal magtayo ng bahay sa “NO
BUILD ZONE. Kaligtasan
Kahit na may masamang karamdaman ay pinpilit pa rin kumayod upang
kumita ng pera. Krisis /kahirapan sa pagtaas
Nasa estado ng kahirapan dulot ng Bagyong Yolanda.Ang pagkuha ng ng presyo ng lahat ng bilihin.
mga yero sa mga bahay na itinayo para lang maibenta sa junkshop.
Ang paglaro ng kanilang mga isipan na may masamang mangyayari dulot
ng kanilang naranasan noong Bagyong Yolanda. Paggunita sa nakalipas
Matinding kalungkutan ang nadarama ng mga nakaligtas sa Bagyong
Yolanda para sa pagkawala ng mahal nila sa buhay. Pangungulila
Magpakamatay upang maibsan ang sakit na nararamdaman nila. May ilan
na tuluyan nang nasiraan ng bait. Nawalan ng pasensiya dahil sa tinagal-
tagal ng proseso ay wala pala itong mahalagang resulta.(DNA test, mass Kawalan ng Pag-asa
grave)
Lahat ng tao ay “over protective” samga ari-arian nila sa punto na pwede Pag-iingat sa natitirang
silang makapatay sa kung sino man ang kumuha nito (kinuha yung yero kagamitan.
tapos suntukan).
Dulot ng pagkawala ng mahal sa buhay ay may ilan ang nawalan ng Pananalig at tiwala sa Diyos
tiwala sa Diyos pero karamihan pa rin ay tumatakbo at humihingi ng (espiritwal)
tulong at pasasalamat sa Kanya.
Pahirapan sa gabi sapagkat walang ilaw o kuryente at iniiwasan ang Kawalan ng liwanag sa
pagamit ng “gasera” dahil sa nangyaring insidente. tahanan na sinubok ng
panahon.
Pahirapan ang pagproseso ng dokumento ng mga namatay sapagkat Pagbibigay ng disiplina sa
parang walang koordinasyon sa mga ahensiya ng gobyerno. sarili at pakikiisa sa
tagapamahala.
Pahirapan ang pagkuha ng makakain kagaya nang kanin, ulam, at iba pa. Sakit-gutom sa kumakalam na
Siksikan at kakulangan ng pagkain para sa mga taong nasa evacuation sikmura.
center. Mahina ang koordinasyon at
hindi sinuri ang proseso.
Bumagsak ang ekonomiya ng lungsod, nagtaas ang presyo ng mga bilihin Pagbagsak ng Ekonomiya na
at serbisyo ng mga tao.Nahirapan ang maliit na tao. Ngunit sa kabila ng dahan-dahang pagbangon sa
paghihirap na dinanas marami namang tulong ang tinamasa mula sa iba’t pamamagitan ng bayanihan.
ibang ahensya lokal at nasyonal.
Sa buhay ng tao laging may saya at lumbay, paghihirap at kasaganahan. Kalagayang Espiritwal
Anumang bagyo o trahedya ang dumating tayong mga Pilipino ay Ang mga pagsubok ay

AJHSSR Journal P a g e | 230

 American Journal of Humanities and Social Sciences Research (AJHSSR) 2021

patuloy parin angpananalig at panampalataya sa Panginoon. nagsisilbing liwanag na

nanagpapatibay sa ating
pananalig sa Diyos
Simbolo ito ng katatagan na
patuloy tayong manalig at
maging matibay ang ating
paniniwala sa Diyos.

Makikita sa pelikulang ito ang pagdadamayan, kawang gawa, bayanihan, sakripisyo, kaligtasan, at
pananalig at tiwala sa Diyos. Ito ay mga positibong isyu na dapat tularan. Subalit may mga kaganapan sa
pelikula na sumasalamin sa mga takot at pangamba, pangungulila at kawalan ng pag-asa pangungulila sa mga
mahal sa buhay, at ang pagharap sa krisis/kahirapan sa biglaang pagtaas ng presyo ng lahat ng bilihin dahil sa
mga dagok na nararanasan dala ng kalamidad.
Kahit ganito ang mga karanasan ng mga tao, patuloy pa rin ang kanilang pananalig at pananamplataya
sa Diyos. Kahit mahirap at masakit kumakapit pa rin sila sa Diyos na makapangyarihan.
Kung ating balikan ang mga kaganapan sa kuwento, suriin kung paano bumangon ang mga tao gamit
ang mga natirang ikinabubuhay, mga bagay na naisalba pa, ayon sa mga gumanap datapwat sariwa pa ang sugat
na iniwan ng unos, sila’y nakakaraos pa sa pang araw- araw na pangangailangan, sa ganitong pahayag
nagpapahiwatig lamang na nasa gitna sila na maari silang mawalan o may pagkakataon na salat sila sa pang
araw-araw nilang kailangan lalo na pagkain.
Kung mapapansin natin sa kwento, bahagyang sira pa ang ilang daanan, nagiging sanhi rin ito ng
pagkautal ng mga produkto pang ekonomiya, ngunit ang mga tao ay sadyang malikhain sa oras ng kagipitan,
yaman ang lungsod ay napapaligiran ng tubig, sila’y nakakapag sustenar ng suplay ng isda sa merkado kaya
naman dahilan ito ng muling pagsigla ng ekonomiya ng lungsod.
Sa pelikulang "Taklub" naipakita rito kung gaano katatag ang paniniwala ng tao sa Panginoon sa
panahong sunod sunod na trahedya ang dumarating, dito nasusukat ang pananampalataya ng karamihan.

IV. KONGKLUSYON
Ang Indie Film na pinamagatang “Taklub” ni Brillante Mendozaay gumamit ng mga simbolismo sa
pamamagitan ng mga kataga o salita; kasangkapan; tauhan at lugar upang mas maging malalim ang kahulugan
at naaayon ang mga ito sa tunay na kaganapan sa isang indibidwal, pamilya o lipunan.
Ang Indie film na ito ay may mga mahalagang isyung panlipunan na nagtatalakay tungkol sa
kahirapan, pananampalataya at kabayanihan. Ipinapakita sa pelikula ang mga positibong ugali at disposisyon ng
tao sa gitna ng trahedya, kahirapan at kawalan ng pag-asa.
Inilarawan sa mga simbolismo at isyung panlipunan ang nakapaloob sa isipan at damdamin ng isang
indibidwal. Ang pelikulang ito ay nagpapatibay ng kamalayan, pananampalataya, tiwala at pag-asa sa bawat
manunood. Angkop ang mga ito bilang kagamitan sa pagtuturo ng balyus o pagpapahalaga at katatagan ng
bawat mag-aaral.
Ang mga isyung panlipunan na nakapaloob sa indie Film ay may malaking papel na ginagampanan sa
mga manonood upang maikintal sa kanilang isipan ang imahe na maaaring maidulot sa kanilang pagkatao o
buhay.
Ang Indie film na ito ay magsisilbing instrumento o gabay sa mga kabataan. Ang mga pangyayaring
ipinakikita sa pelikula ay magsisilbing patnubay sa landas na kanilang tatahakin. Ang mga magulang at guro ang
magsisilbing ilaw sa pagbibigay daan sa katotohanan tungo sa kabutihan para sa kabataan. Nasa kabataan na ang
desisyon kung anong landas ang kanilang tatahakin.

SANGGUNIAN
[1] Magcamit, Mary Rose (2013). Kabanata ii: mga kaugnay na literatura at pag-aaral.
http://hiwagangpelikulangbollywood20072008. blogspot.com/2014/10/ kabanata-ii-mga-kaugnay-na-
literatura.html
[2] Cruz, J., & Mariano, P.J. (2018). INDIE FILMS: Kasarinlan sa Kumbensyunal. Retrieved from
http://www.matanglawin.bebto.com/isyu05/kilatista_ indie.htm.
[3] Gonzales, L. P. (2018). Pagtataya sa mga Pagpapahalagang Pangkatauhan na nakapaloob sa mga Piling
Pelikulang Filipinong Indie at Mainstream. Di-nailathalang tesis. Lungsod Tacloban: Leyte Normal
University.
[4] Jara, R.G. (2018). Sosya-Politikal na Aspeto ng Pelikulang Pilipino. Retrieved from
https://www.academia.edu./30472404/SosyoPolitikal_na_Aspetong_Pelikulang_Pilipino.
[5] Denham, Robert D. (2010), Northrop Frye: An Enumerative Bibliography, Scarecrow Press, 1974, p. 68.

AJHSSR Journal P a g e | 231

 American Journal of Humanities and Social Sciences Research (AJHSSR) 2021

[6] Frye, Northrop (2007). Jean O'Grady; David Staines (eds.). Collected Works of Northrop Frye Volume
12: Northrop Frye on Canada. Toronto: University of Toronto Press.
[7] Burke, Kenneth (2011). "Literature as Equipment for Living." Critical Theory Since Plato. Harcourt
Brace Jovanovich, New York.

AJHSSR Journal P a g e | 232