VOL. XXIX ISSUE NO. 24 An Official Organ of Y.M.A. Republic Veng Branch Dt. 12.06.

2011

YMA Day hnatlang

Ni 14th June, 2011 (Thawhlehni) zingkarah hian YMA Day pualin Branch YMA in hnatlang a ko a. He hnatlangah hian Section hrang hrang ten mahni huamchhung theuh thenfai tur a ni ang. Tin, YMA Day - 15th June, 2011 (Nilaini) zingkarah Section hrang hrang ten chhun lama kan awmna tur Hullhliap/Bukte siamin Field-ah hnatlang neih tur a ni bawk. Hemi tuk hian Branch Executive Committee Member te Field rualremlo lai siamrualin hnatlang neih tur a ni bawk ang..

YMA Day i hmang ang u...

The Republican, 12thJune, 2011 : YMA Day vawi 76-na chu ni 15.6.2011 hian a lo thleng leh dawn ta. He ni hi ropui taka lawm tum a ni a, kan Branch bakah Upper Republic leh Republic Vengthlang te chuan a huhovin Field ah hman kan tum a nih kha. Kumin hi kan unau Branch pahnihte an indan hnu a a huhova kan hman hmasakna ber tur a nih avangin member te'n hlut ila, programme hlimawm tak hmang turin inbuatsaih ang u. Kan Branch bik chuan chhun ngeiin Pu Lalchhuangliana, Branch lama kan hman tur bakah hian YMA Asst. Secretary hnenah thehluh vek Day hma ni 14.6.2011 (Thawh- tur a ni. lehni) zan hian YMA Day pual SoKumin YMA Day atan hian cial a buatsaih dawn a. He hunah Central YMA-in hmalakna tur hian zirna lama hlawhtling Board/ hrang hrang a duan chhuah te a theih University pass tharte hnenah leh ang chen chenah tihhlawhtlin tum kawng hrang hranga vengchhung a ni. Central YMA-in YMA tihmingtha tute hnenah chawi- Kumpuan, Khawtlang Nun mawina hlan a ni ang. Zaithiam tak Siamthat bawhzuina pakhat atana tak te sawmin thusawi tur pawh kumin June thla chawhnu lama inruat a ni a, Section kal dan ruihhlo ngaite puala Chhandamna inchhiar a ni bawk ang. Hemi zan Camping a buatsaih tur tanpuina hian Section -III chu Ushering, atan Branch sum atangin Rs. 1,500/ Seat Arrangement leh Sound lam - leh Section tin atangin Rs. 500/ngaihtuah tura beisei an ni a, Sec- theuh thawh khawmin a vaiin Rs. tion-VI chu ei leh in buaipui tura 5,000/- tanpuina atan pek tum a ni. beisei an ni bawk. Tin, Tawngtai Bethel Camping Hemi zana lawmpuina hlan tur Centre (Zauthanga Memorial), pass thar list kha Section Chawnpui tanpuina atan YMA Day hruaitute'n an hming, pa hming, hian Field ah Bawm dawh a ni dawn zirlai pass hming leh pass-na divi- a, YMA Day hmang tur zawng sion te lo la khawmin vawiin ni zawng te tanpuina pe turin kan 12.6.2011 (Pathianni) ral hma inngen e.

THLANMUAL BUNGRUA
Kan Thlanmual bungrua (Property) te hi thlan laih nan chauha hman tura tih a ni a, chutiang a nih hre lo in thlan siamtu thenkhat in kan lo hmang thin a, hei hi Branch YMA Executive Committee chuan a remti lo a ni tih kan han inhriattir nawn leh e. Tin, Section tin te'n kan huam chhung theuhah thlan siam tur an awmin Thlanmual Bungrua hmang lo tura lo hrilh hriat thin tur a ni.

MUP HRIATTIRNA
Vawiin tlai hian mitthi ral tur pahnih kan neih avangin hetiang hian inthen tur a ni e. Pi Phirchawngi te in ah Field Mual, BiakIn Mual, Mualvengthlang, Vety Mual leh Mualvengchung Hruaitu : Pu Lalmakthanga Thuchah : Upa Darchhunga Hetah hian MHIP in hun an hmang nghal bawk ang. Pu Lalbiakliana Ralte te in ah Hmar veng, Venglai, Venghlun chhak leh Venghlun thlang Hruaitu : Pu Rosuaka Thuchah : Upa C.Rualhleia Memberte mahni kalna tur lam lam ah thahnemngai takin kal i tum ang u.

S ECTION YMA N EWS

Sec-I Pu H.Lalthansanga (Sangtea) Sangtea Tailoring chuan kuangkhuhna a thlawnin a thuisak a, a chungah an lawm hle a ni. Tin YMA Day a Section YMA Member te kal theuh turin an in sawm a, abikin Committee member te phei chu kal vek turin an inngen a,YMA chhang Member te pawh he YMA Day atan hian an inpuahchah nasa tawh hle. Sec-III YMA Chhang hruaitu atan heng mite thlan an ni :Leader - Anggu Lalhruaitluanga A/Leader - Lalruatfela Secy. - Lallawmawma Asst Secy -Lalmuansangi Sec-IV Ni 15.6.2011 (Ningani) a YMA Day kan hman turah section huamchhung a YMA member te a tam thei ang ber kal turin an in ngen a. Tin, YMA Day zingkar hian kan veng field ah section awmna tur bukte sak hnatlang neih tur a ni a, member te thawkchhuak theuh turin an in ngen a ni. Hemi bakah hian ni 14.6.2011 (Thawhlehni) zingkar hian YMA Day denchhenin section huamchhung tihfai hnatlang neih tur a ni a, member te thahnem ngai taka thawk chhuak turin an in ngen a ni. Sec-V Pu Lalindiaa te chhungin an tupa Caleba Ramengmawia hriat reng nan Gas thuk lian an pe a. An chungah Section member te leh hruaitu te an lawm hle a ni. Pu H.Zoremsiama'n hla zir

YMA Information Complaint na 9612310138

Tin, he number tarlan hi Information mike leh a hmanrua chhia report na chauh a ni a, thildang complain na a ni lo.

The REPUBLICAN WEEKLY

Y.M.A. REPUBLIC VENG BRANCH

Dt. 12.06.2011

E DITORIAL B OARD
Editor Jt. Editor News Editor : H. Lallianmawia : H. Lalhriatpuia : Robert Zosangliana Albert Lalsangzuala Lalbiakthuama HS Lalremsiama Biakzosanga David Lalrinawma Lalzarzova : Lalchhuangliana : Emmanuel Rodingliana Lalhmangaihsanga Sailo

Manager Cir. Managers

9436153827 9862536632 9862379583 9862374165 9089603091 9862325356 9615820570 9862355749 9856310432 9436192239 9862247848 9862170549

NGAIHTUAH A NGAI E...

Mapuia Hnamte Section-III Thenkhat tan chuan a thu hi a khal deuh mai thei e, mahse thahnemngaihna au aw a ni tih erawh min lo hriatsak ta ula, in ngaih dan ni chiahlo thil pawh a awm maithei bawk, chuvangin veng chhung tana tha tura kan ngaih chu he huang ah hian sawi tlang zel ila, zawm tlak lai lai te a awm a nih chuan inzawmsak bawk ila a tha awm e. 1. Tlawmngaihna hi a chuai ta em? : Ngaihdan a tam, pawm dan a tam tih ang deuh a nih ka ring. Hmanlai angin mihrang, sahrang hma a nula tlangvalte chetchhuahna hun a tam ta lo. Mahse vawiin thleng a mitthi lumen te, thlanlaih te, miotthi buhgai khawn te, khawhar in kalte leh a tul apianga kan unpuihbawm thin te, rikrum thila kan chet dante en hi chuan Tlawmngaihna hi a la chuai lo a ni lawm ni, kan ti thin. Amaherawhchu mitin te heng kan sawi tak hrang hrang kan chetchhuahna dan theuhte han chhut ila Nu leh Pa tlawmngai tak, Nula tlawmngai tak niin kan la in hria em? Ngaihtuah a ngai e. 2. Tlawmngaihna tawpchin nei.... : Tlem lai deuh atang khan vengchhung chhiat tawh, a bikin mitthi chungchang bikah hian milian leh mi te te inkar hi a zau ta deuh em aw ka ti thin. Veng lailli leh pan nuam, veng khat pa-rawn tha tak mai-ah chuan In leh lo lian takah pawh a len ang ang in kan khat hmur thina, tlaivar nise sawhchiar siam buaithlak tham kan awm thin. Chutihlaiin veng kilkhawr leh panna nuamlo, michhe laikilkar a mi te inah chuan an la tet ang ang in kan khat zo chuang mang thin lova, tlaivar nise hlui thum (3) daih pawh kan awm mang lo thin. Heng, mi inanglo tak takte hian tanpui an ngaih dan chu thuhmun reng a ni lawi si. Ngaihtuah a ngai e... 3. Chhawmdawlna Bawm hi a fair chiah em? : Chawm dawlna Bawm dawh hrim hrim hi chu a tha hle mai, i tawp san mai lovang u. Amaherawhchu sawi leh sawi hnu, In leh lo ram tha tak, veng laili leh pan nuam, khawkhat pa-rawn leh mi hriat hlawh tak, neinung tak bawk si ah chuan Rs.2000/- atanga Rs.3000/- thleng pawh a tlak laiin, veng kilkhawr, pan nuam lo, mi inhnuai luaha nitin inhlawhfa a khawsa ve tawk tawkte chhungah chuan an in leh lo in a lo zir lo nen a kal hrim hrim kan tlem thin bawk nen Rs.1000/ - a tling ngawr ngawr thin a nih hi. A tanpui ngai zawng a ngaihtuah phei chuan, tanpui ngai hlei hlei an ni si a. Branch YMA hian rualkhai deuh zawka tih dan a ngaihtuah a ngai lo maw? Tin, YMA member hrim hrim pawh hian ngaihpawimawh bik kan nei a nih chuan kan thupui, Tanpui ngaite tanpuitu tih hi a buk thrlhin kan thelh tihna a ni ang. Tua kan sukthlek en hi chuan Tanpui phute tanpuitu kan ang tan ta. Ngaihtuah a ngai e... Issue lehah chhunzawm tur.....

r e p u b l i c a n c h a n c h i n b u . b l o g s p o t. c o m
YMA RUN hmang turte tan Br. YMA I/c Secy., Property - 9862369320 / 9436362024

YMA DAY
Kan hma lawka YMA Day vawi 76-na lo thleng turah hian Republic Veng mipui zawng zawng Editorial Board hmingin chibai kan buk e. He ni lawmawm tak lo thleng ah hian YMA dintute'n YMA an din chhan te, a thiltum leh a innghahna te hre thar leh ang u. YMA chu tanpui ngaite tanpuitu a ni a, kan rilru ah keimahni nuam tih lam leh rilru mil lam aiin tanpui ngai tanpui lam i uar thar zel ang u. Kan ramah pawl tam tak a piang tawh a, a la piang leh zel dawn bawk a. Pawl dang laka YMA danglamna lian ber ni a sawi thin chu, pawl dang chuan an member te chauh a huap laiin YMA erawh chuan YMA member a ni emaw ni lo emaw, Mizo a ni emaw nilo emaw, tanpui a ngaih phawt chuan a tanpui thin tih hi a ni. Kumin YMA Day thupui atan pawh hian Tanpui ngaite tanpui tura YMA kan nihna hi hre thar leh ila. Mahni chauh inngaihtuah lova tanpui ngai apiang pui in kan ZONUNMAWI i chawi nung thar leh ang u. YMA Day chibai buk pahin duhsakna kan hlan a che u. Section News chhunzawmna... eiin senso atan Rs 200/- a pe a. Tin, Pu R.Vanlalrema'n Silpauline a pe bawk a, hetianga thilphal tak a Section chang tlunna tur ngaih tuah a thilpek petute chungah lawm thu an sawi tak meuh meuh a ni. Sec-VI Section fai ber nih tumin tan an la nasa hle a, ni 11.6.2011 (Inrinni) zingkar khan YMA leh YMA chhang member ten Section huamchhung tihfai hnatlang an nei a, member an thawkchhuak tha hle. Hetiang hian thla tin vawi khat tal vengchhung tih fai hnatlang neih an tum bawk a ni. Section thuthleng siam-belhna tura donation an khawn lo pe tu zawng zawng hnenah section YMA memberte an lawm tak zet a ni. Sec-VIII YMA chhang kaihruaitu atan heng mite hi Commander atan an ruat Tv. Lalzarzova, Tv. Lalthantluanga, Nl. F. Zongaihawmi leh Nl. F. Lalawmpuii * Inrinni Nileng khan an Section Property house sak hnatlang neiin Member thawk chhuak an tha hle.Tun kar tluan khan Property house hi mi tlawm ngai ten an thawk reng bawk a ni.

The REPUBLICAN WEEKLY

Y.M.A. REPUBLIC VENG BRANCH

Dt. 12.06.2011

YMA, Republic Veng Branch BUNGRAW HAWH DAN

(Amended & Approved by the Branch Executive Committee Dated 7th June, 2011) BUNG - 1 -NA : CHHIATNI-AH 1:1 Ni thum leh zan thum chhung hman nise, a tul leh mamawh angin chhiattawk awmna Section bungrua te, a kawltu Section hriattirin kawlzui theih a ni ang. 1:2 Republic Veng chhungah chhiattawk an awmin Thlanmual Fund atangin Gas Cylinder bur 1 man (Pawisa faiin) a chhawmdawl thin an ni ang. 1:3 Vanduaina dang (Natural Calamity)-ah a kawltu Section remtihnain hawh theih a ni a, a hun chhung tur pawh a kawltu Section kut a ni. BUNG - 2 -NA : THATNI-AH 2:1 Thatni-ah chuan bungrua eng pawh a kawltu Section pawnah chuan ni 3 leh zan 2 (hawh ni leh dah ni chhiar telin) a hnuaia hawh man tarlan ang hian hawh tur a ni. Hawh theih hun chhung ral hnuah chuan ni 1 zelah a hawh man pangngai ang hian an chawi belh zel ang. A kawltu Section huam chhungah chuan hawh man a awm lovang. a) Tarpauline/Parachute Rs. 20/b) P.A. Set Rs. 150/c) Dekchi lian/Belpui Rs. 30/d) Thleng Rs. 2/e) Tea Tray Rs. 5/f) Ketli lian Rs. 10/g) No Rs. 1/h) Khuang (pakhat) Rs. 10/i) Thutthleng Rs. 2/j) Guitar Rs. 50/k) Fianpui Rs. 5/l) Gas thuk Rs. 100/m) Baltin/Bucket Rs. 5/n) Chawhtawlh Rs. 5/o) Thuk veivak - Single Rs. 5/p) Thuk veivak - DoubleRs. 10/q) Tea Urn Rs. 50/r) Inverter Rs. 50/2:2 Bungrua te hi tul bik thilah chuan ni tiam bak pawh a kawltu Section remtihnain hawhzui theih a ni ang. 2:3 YMA bungraw hawh dan chungchangah Lungphun N hi thatni-a bungraw hawh dan anga kalpui tur a ni ang. Thih cham hmang an awmin YMA bungbel an hawh a nih chuan hawh man chanve chawiin an hawh thei ang. BUNG - 3 -NA : VENG PAWN / PAWL DANGAH 3:1 Republic Veng pawn leh Pawl dangah reng reng man chawiin hawh theih a ni a, a hawh man chu a kawltu Section remtihna ang a ni ang. A kawltu Section-in Pawl dang man chawi lova hawhtir awma a ngaih chu a hawhtir thei bawk ang. BUNG - 4 -NA : TIH BO LEH TIH CHHIAT THU-AH 4:1 Bungrua engpawh a bo emaw, a chhia emaw, tihhmelhem emaw a nih chuan a kawltu Section lungawina ngeia bungrua/pawisa faiin rulh tur a ni.

HRISELNA

LU NA
He khawvel Traffic jam reng maiah hian kan lu hi a na fo mai a... Lu a nat hian paracetamol tablets 500 mg. emaw 200 mg., ibrufen tablet emaw ei mai hian a dam leh mai \hin a. Mahse Aspirin hi kum 16 hnuai lam tan leh a haw mi tan chuan heng a hnuaia damdawi man tlawm te te hi a \angkai ve khawp mai. * I lu a nat chuan, Chawhtawlhah tuilum dah la, i ke chiah vang vang la, tin i lu a na viau a nih phei chuan chawhtawlha tuiah chuan mustard powder tlem telh ang che... * Tuilumah puan chiah la, chu chuan i chal leh i nghawng hnunglam chu dep ang che. * Tuilum i ngaina lo a nih chuan, tui vawt tak (vur tlang puanin tuam la)-in i chal leh i nghawng hnunglam chu dep \hin ang che. * Tin, i kut chu vur tuiah i tawrh theih twkin chiah la, i kut zung\ang chu hum ruhin phelh chhen bawk la, hei hian lu na a tiziaawm bawk a ni. * Mawza hlui hi paih mai mai lovin su fai la, hman \angkaina tam tak a awm ve a nia. * Inchhung dawhkan, sofa ilo vel hnuh sawn i duh chuan a keah mawza buntir la, tichuan awlsam takin leh chhuat rng miah lovin i hnuk ta wlh zung zung thei ang. * I tarmit bawm a thawl deuh a nih chuan, mawzain tuam mai la, a rng tur a veng ang. Source : Hriselna Magazine

REMCHANG - MAWZA

Central YMA News

* Central YMA hnuaia Free Computer Centreah Computer zir duh tan seat tlem a la awm a, 15th June, 2011 thleng Form hi Central YMA Building-ah lak chhuah theih a ni a, ni 17th June, 2011-ah Interview neih a ni ang. * YMA Day 2011 denchhenin a hnuaia tarlanah te hian tanpuina hlan a ni ang. 1. Guwahati Mizo Welfare Rs. 10,000/2. Kolkata Mizo Welfare Rs. 10,000/3. Mumbai Mizo Welfare Rs. 10,000/4. Delhi Mizo Welfare Rs. 10,000/5. Chennai Mizo Welfare Rs. 10,000/6. Silchar Branch YMA Rs. 10,000/* Central Anti Drugs Squad (CADS) leh Bethlehem Branch tangkawpin ni 10.6.2011 (Zirtawpni) tlai khan Bethlehem veng ah Heroin siamna atana hman thin ni a sawi damdawi - Loract-D mum engemawzat man a ni a, damdawi hlut zawng hi Rs. 29,50,000.00 a ni. * Ni 10.6.2011 khan Central YMA Hall ah Political Party hrang hrang leh NGO aiawhte Tuikuk refugee laklet chungchang sawiho a ni a. Central YMA Vice President Pu JH Zoremthanga kaihhruai he meeting hian June thla tawp lamah Mizorama hruaikir tur refugee te hi an awmna hmunah enfiah nise, enfiahna atan 1995 E/Roll hman nise tiin Tuikuk laklet chungchang hi a tul anga Delhi lamah te pawh bawhzui zel nise an ti.

The REPUBLICAN WEEKLY

Y.M.A. REPUBLIC VENG BRANCH

Dt. 12.06.2011

YMA DAY PROGRAMME

A hun A hmun Khuallian Ni 15th June, 2011 (Nilaini) zing dar 10:30 Republic Veng Field Pi F. Lalhuthangi, Ward Councilor

PASS THAR
Vanlallawmmawa S/o R.Vanlalsawma, Branch Finance Secretary chu SAINIK SCHOOL, IMPHAL atangin class-X (CBSE) chu 1st Division ah pass in English ah letter a hmu bawk a, kan lawmpuiin kan chhuang hle.

Session I (Opening Function) Chairman : Pu Ngurthanmawia, President, Republic Veng Branch Hunserh : Major Vanlalthanga, Republic Salvation Army Corp Solo : Branch tin atangin pakhat theuh (Kan Branch atangin Pu C. Vansanga) Cheraw : Branch tin atangin bu khat aia tlem lo YMA thuthlung sawirual Pu M.S. Ralte, Secretary, Upper Republic Branch Kumpuan pual thusawi (10 mins.) Pu Laldawngliana, Vice President, Republic Vengthlang Day hawnna Khuallian INTIHSIAKNA..INTIHSIAKNA..INTIHSIAKNA Session II (Closing Function) Pu J. Chamliana, President, Republic Vengthlang Br. Lawmman sem : Chairman kutah Lawmthu sawi : Pu M. Lalthlamuana, President, Upper Republic Branch Note : Tawngtai Bethel Camping Centre (Zauthanga Memorial), Chawnpui tanpuina atan YMA Day hian Field ah Bawm dawh a ni ang. YMA Day lawmna puala Branch Social, ni 14.6.2011 (Thawhlehni) zana kan neih tur kha zan dar 7:00 ah Community Hall a tan tur a nih kha. YMA memberte kim taka kal theuh turin kan inngen e. Chairman

TIH DIKNA
Issue hmasa a naute thar kan kan rawn tarlan Reuben Zosangliana S/o Vanlaldika Sec-VI tih kha Reuben Zoliansanga tih zawk tur a ni. Tihsual palhah ngaihdam kan dil e.

Pension Tharte Hriattirna

Pensioner Association, Republic Veng ah hian Member 100 kan awm mek a. Member ni thar turte'n Rs.130/- pe in Hming, Pa hming, Thawhna Dept. hming, Pension a chhuah ni, PPO No., Pension lakna hmun tur State bank nge Treasury tih sawi lan a, Secretary Pu H.Zakunga hnenah thehluh tur a ni e.

AWM THAR
Tv. Zohmingliana te unau (member 4) chu Samlukhai khua atangin kan veng, section-IV ah an rawn pem a, Pu Vankunga in an luah a ni.

MC&DC
Kumin YMA Day a huhova kan hman turah a hawnna atan Branch tin atangin Cheraw (Kan tluang) bu khat theuh entir tur a ni a. Kan Branch aiawha he item nei tur hian hma lo la turin MC&DC, Republic Veng te ngen an ni a, tunah hian ngawrh takin an inbuatsaih mek.

CHHIAT TAWHA KAN SEN DAN TLANGPUI

1. Ruang chhuakah : Ruang chhuakah hian kuang/ thingphel leh a tuamna puanthan leh mitthi puan kan pek te nen a tlangpuiin Rs 1,500.00-2,000.00 vel kan seng thin a ni. 2. Tlaivar ngailo : Kuang/thingphel leh a tuamna puanthan te, thlanlai eiin leh gas man te nen, a tlangpuiin Rs. 2000.00 - 3000.00 vel kan seng thin. 3. Tlaivar ngaiah : Kuang/thingphel leh a tuamna puanthan te, thlanlai ei leh in te, Gas man te leh tlaivar ei leh in te nen a tlangpuiin Rs. 4,000.00-5,000.00 vel kan seng thin a, tlaivar leh thlan lai kan thahnem phei chuan hei ai pawh hian a tam thei a ni. Heng pawimawh atana hman tur hian Thlanmual Fund khawn thin a ni a. Hei hi veng mipuiin chhiat kan tawha kan intuam hlawmna atan hian hman thin a ni a. YMA hi a khawntu leh a kawltu a ni mai a, YMA Account nen pawh chawhpawlh lovin a hranga kawl thin a ni. A khawn hun pawh ruahman sa a awm lova, mamawh ang zelin kum laklawh ah pawh khawn leh mai thin a ni.

CHHIATRUPNA LO THLENG THEI CHUNGCHANG

LEIMIN.... * In leh lo I din dawnin a him leh himloh finfiah hmasa rawh * In hmun chu a him lo a, sakna tur dang I ni bawk si lo a nih chuan, tih him theih dan a awm a, chumi atan chuan mithiamte rawn a tha ber fo/ * Tuichhe paih fimkhur la, tuiluan kawr 'Drainage' mumal takin siam ang che. * Hun lo la kal tura I him zawk nan, I in sakah tui dawn siam ngei rawh. * Kan tana pawi kher tur nilo mahse, thenawm te tana hlauhawm turin in leh lo dinna tur lei lai vak suh. * A thei hram chuan, tuikhur hnaih lsutuk leh tuihna awmna hmun atanga hnai lutuk loah in sa thin ang che. Chhiatna hi engtik lai pawha thleng thei reng a ni a, tanpuina rang taka i dawn theih nan a hnuaia Telephone Number te hi vawng reng ang che. Police-100 Fire Deptt. - 101 Civil Hospital - 102 Issued by District Disaster Management Authority

AR- PUAHSA .....

Pu Ropuithanga te in hnuai, Kawipuiah AR Puahsa englai pawhin lei tur a awm e. Veng chhung mite'n khawngaiha min dawr thin turin kan ngen a che u. In thian LALRAMLAWMA (Malawma) (3-1) Contact : 9862819177

Published by Republic Veng Branch YMA, Printed at Zo-Awm Press, Khatla, Copy675