Krismas Chibai kan buk a che u.

CHANCHINBU ENKAWLTUTE
Editor : Chanchinmawia (9615820416) Jt. Editor : K.Lalremsiama News Ed. : Lalnunsanga Fanai (9862120903), H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXI Phek 3

Vawi : 49

Tahrik Ni : 23 Pawltlak thla (December) 2012 Phek 4

YMA PALAI LEH KEIMAHNI

KAWR SEN HA TLUANG ZEL ANG

Lawrkhawm
Lawmthu
Taitesena Section-in an Section huamchhunga tanpuina an sem chu a dawngtute an lawm hle a. YMA Palaiah a bik taka lawmthu sawia tarlan hial an duh hlawm a ni.

Branch OB Election
Dt 4.01.2013 (Zirtawpni) Zan Dar 6:30 ah YMA Runah kum 2013 Branch Office Bearers thlanna neih tur a ni a. Hetah hian Branch YMA Member ten ngai pawimawhin inthlang tur hian kalkhawm vek tur a ni a. Inthlanah hian Official Nominate neih a ni lova, kalkhawm ten nominate hi siam chawp tur a ni a. Inthlan hi Post by Post in, post khatah min pathum aia tam lo nominate theih a ni ang.

KUM 2012 BRANCH REPORT TLANGPUI

Ni 30 Pawltlak Thla 2012: Vengthlang Branch hi kan

Zirlai Lo Hawng
Kan Branch member hmun hrang hranga zirna avanga awm bo thinte Krismas hmang turin an lo haw khawm nual tawh a. Krismas leh Kumthar chhunga sualna kawng zawh mai lova khawtlang leh Kohhran tana theih tawp chhuah chhunzawm zel turin leh, zirna kawnga tha taka ke in pen chhunzawm zel theih nan YMA Palai chuan duhsakna a hlan che u a ni e.

Cheimawitute
Kum dang a Krismas putar lianpui Traffic point a dintir luah ringawt tawh lova tih dan tlak dang lama tuma ngaihtuahna leh tha seng zawng zawngte in zarah Vengthlang khawlai chuan thlalakpuitu a ngah khawp mai. Branch hruaituten a tharin in chungah lawmthu a sawi nawn leh e.

YMA Palai Semtute

Kum 2012 chhung a tlawmngai taka YMA Palai in sem avanga lawmthu kan sawi let ve nan Krismas leh Kumthar Present pek che u kan tum a. In thian thenkhat chuan an lam tawh a, la lam lo kan la awm a nih chuan Pu H. Lalthanmawia, Branch Treasuerer hnenah lam tur a ni e.

hriat theuh angin 13th October, 1946 a Chawnchhim YMA ni thin Branch hranga indang pathum zinga pakhat a ni a. Tun thlengin Pathian kaihruaina zarah kum 66 chhung chawl lovin khawtlang leh ram tan theihtawp chhuahin hma a la mek zel a. Kum 2012 hian Section 4, Khuangchera, Taitesena, Neuva leh Vanapa Section a then a a ni a. Heng Section hrang hrangte hi Branch kutke ber niin sum leh pai, chhiatni thatni ah Branch chhawm nungtu ber an ni. Kumin chhung hian Sub Committee hrang hrang ; Kumpuan, Decoration, Property, Information, Education & Human Resources Sub Committee leh YMA Palai Chanchinbu enkawltu te awmin, CYMA Chanchinbu Agent mumal tak kan awm bawk a. CYMA Chanchinbu ah phei chuan Aizawl khaw pawna Chanchinbu la tha ber Pahnihna niin, kumin YMA General Conference Kawrtethawveng-a neihah khan lawmman kan dawng nghe nghe a ni. A chunga tarlan tak Sub Committee hrang hrangte khian an mahni hma zawnah theih tawpin hma an la a. Kumpuan Sub Committee hian YMA Kumpuan Ram leh Hnam Humhalh kawngah nasa taka ke penin a bik takin Ruihhlo Do na lamah kan kalna hle a, Zoram dengchhuak khawp hna kan thawk a ni. Kan Bialtu MLA, Pu TT Zothansanga puihnain Information Sub Committee chuan kan veng information system a thar hlaka thlakin tunah chuan duhthusama tha kan nei ta e. Education & Human Resources Sub Committee hmalaknain kan veng chhungah zirlai titha zual mi 11 lai chawimawi an ni a, tin zirlaite tan kumtir lamah Career Awarness Campaign an nei bawk a ni. Decoration Sub Committee hmalaknain kumin hian Mizoram pum ngaihtuah pawha zahpuiawm lovin kan khawlai cheimawi a ni. Tin, Branch Auditor kan nei a, an ni hian Branch leh Section te uluk takin Audit hna an thawk a ni. Kumin hi kan vannei hle mai a, kan vengchhungah chhiat tawk chhungkaw 17 kan nei a. Kohhran Dan Thianghlima Innei tuak 10 hnenah lawmpuina hlan an ni. Pem lehkha 28 pek chhuah a ni bawk. Kumin chhung hian Kohhran leh pawl hrang hrang bakah Sawrkar lam nen kan Branch thawh hona hi a tha hle

Tanpuina Pe
Internet kaltlanga Champhai thaalaite inkawmna hmun leh vei zawng tarlanna hmun Champhai Blog chuan an pawisa thawhkhawm Rs 20530/- mi harsa chhungkaw pali(4) bakah Champhai District Hospital Poor Fund atan Rs 3400/- an hlan a. Krismas leh Kumthara mahni tan maia sumte seng lova, mite tana kan inpekna hi Krismas ti hlawhltingtu a nih hriaiin Champhai thalaite tan chhunzawm zela uar zel tlak a ni.

Duty Hriattirna
Champhai Sub Headquarter YMA Anti-Drug Squad ten No 4 lo luhna kawng hrang hrang dang ping tura hmalak nise an ti a. Branch hrang hrang in duty chhawk turin ruahmanna an siam a. Kan Branch pawh Dt 30.12.2012 hi kan duty hun tur a ni a. Het ah hian member engemawzat duty tura ruat kan ni a. Member ruatte Chawhma Inkhawm ban Dar 11:30 ah YMA Runah kalkhawm tur a a ni a, zan thlenga duty thei tura inringin lirthei neiten thawh chhuahpui kan tum dawn nia.

CYMA Chanchinbu
Central YMA Chanchinbu man hetiang hian kum 2012 chhunga dawn a ni Khuangchera Section Copy 74 - Rs. 5180; Taitesena Section Rs. 5320; Neuva Sec Rs. 1290; Vanapa Sec. Rs. 2450

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalrinawma, Lallawmzuala, Lawmsangzela, C. Vanlalhriata, CB Lalbiakdika, F. Lalruatpuia, F. Lalrindika, Jessy Lalmawizuala, Vanlalduhsaki, Vanlalruata, Lalbiakthanga Neuva Section :Vanlalzuia, Freddy-a, Vanlalruatzela, C. Lalrinthianghliama Khuangchera Section : Lalhriatpuia, Lalrinchhana, Rotluangpuia, Samuel Lalmuanzova, Lalmawipuia, Lalfelkima

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

YMA PALAI LEH KEIMAHNI

Kum 2012 a rawn herchhuah tirah Vengthlang Branch YMA Executive Committee hmasa ber chuan kum 2012 chhunga Vengchhung mite kan inhriatpawhna tura an buatsaih YMA Palai enkawl tura hriattirna lehkha kan dawng a. Huphurh tak chungin kum bul chu kan tan ve ta nawk nawk a. Pathian hruaina zarah kum tawp a chanchinbu chhuak hnuhnung ber chu kan lo buatsaih ve ta reng mai le. YMA Palai hian kum 21 hmel a lo hmu ve ta reng mai hi a lawmawmin bul tan tu Taitesena Section (tuna Vanapa Section) hruaitute chungah lawmthu sawi hi Branch ang pawh hian kan ba nasa khawp mai. An thahnem ngaihna leh rual awhna azarah Vengthlang Branch YMA chuan chanchinbu changtlung tak mai kan neih phah a ni tih hi sawi hmaih chi a ni lo khawp ang le. Khawvel thiamna a lo changkan zelna rah pawh YMA Palai hian hmang tangkaiin kan chanchinbu chhuak apiang a remchan dan angin internet lamah www.champhai.net ah tarlan niin hei hi hmun danga kan member awmten an lo chhiar ve theih tura ruahman a ni a, an hman tangkai leh tangkai loh chu hmun danga mite zawh mai chi. Kum tirah YMA Palai enkawltute leh Branch hruaitute inhmukhawmin kan kalphung turte kan sawi khawm a. Tichuan chu kan rel ho chu kumin chhunga kan kalphung leh phek hrang hrang kan rem dan hi alo ni ta a. Thenkhat chuan YMA Palai hi in sel ang tih pawh kan ring khawp mai. In selna thu pawh kan hre ve zeuh zeuh a, amaherawhchu hetiang lam thu hi rawn tarlan tam tum teh u tih erawh tu ka atang mahin kan dawng bawk si lova. Chuvang chuan regular taka kan rawn tarlan thin hi thlak ngaihna kan hre ngan lo a ni. Kum tharah chuan enkawltu thar ten a rawn tuaihnum leh dawn a, selna lam ringawt ni lovin rawtna lam pawh hriat a chakawm ve tawk khawp ang. Thuziak lamah erawh Dr. Thartea ten Facebook lamah min tuansan hnuah vengchhung mite hnen atangin thuziak chhuah tur mi pahnih thum hnen atanga kan dawn bak chu keimah ni a enkawltuten ril vang leh vei vang em em pawh nilovin a hnawh khat thei dah lo maw tiin kan rilru a awm kan rawn pawt fan kual ve mai mai a ni. Khawvel chankanna in Dr. Thartea a ei zawh hma hian khawvel thiamna hi chanchinbu nen han tangkawp thei se lang chuan a va lawmawm dawn em. Tumah thuziak thiam leh ziakmi an awm lova kan vei zawng apiang han ziah chhuah ve tawp hi a ni mai. Kumtharah chuan zam reng reng suh ang che... rawn ziak pawp rawh.... A hlawhtlinna pakhat chu a semtu mi tlawmngai tak tak te hi an ni kan ti lo thei lo. Ruahsur hnuaiah pawh Vengchhung tana ka tihve theih a ni tih hriain nihliap nen an han chhuak par par mai hi chu an fakawm lo thei lo. Chubakah an nu leh pate pawhin harsatna siam miah lova khawtlang tana an theihve na zawnah an rawn pen chhuah tir hi a ropui kan va ti em. A tawp berah chuan YMA Palai enkawltute hian fiamthu hmangin AK lamah te kan ngam tlak zawnghun awl a hmun awl hnawh khah nan kan rawn tarlang leh tawp thin a. In lung pawh a awi loh tum a tamin kan ring... keimah ni lam kan in thlahrun a luatah rei vak lo chu AK kan rawn tarlang ngai lo... a chhanchu fiamthu lamah hian a enkawltute hi kan lo sang lo em a ni. Min lo hrethiam hram dawn nia. Kum 2003 bawrvelah kha chuan AK hi chhuah sen lo kan dawng thin, kum 2012 ah chuan AK a chhuah tur a ngaihin kan ngaihtuah ta... a enkawltute zingah i tel ve lo a nih pawhin SMS a rawn tih zeuh kha a ni mai. Chuvang chuan rawn ti tawp tawh rawh... YMA Palai dam reng rawh se. jai hind.... kumhlui mang tha tha... Hunawl hman that

Kum 2012 hi han kumtir te atang khan han phek let neuh neuh la, i nun hman dan leh i pan lam kha ngun takin han inchhut teh le. He kum hi i tan ku tha nge kum chhia? Nun hi awmze nei lo tak hian a lo hman theih khawp mai. Kum khat hi engmah ti lova tlak ral hi a har lem lo. Chutih laiin kum khat hi insiamthatna atan leh hmasawn tura ke chheh rem hun atan a tlem em em hek lo. Rilru nei taka nitin kan hman a ngai hle a ni. Tun tum chu new year resolution tih vel sawi tawh lovin kan thlen chin atanga hmasawn tur kan ni. Mihring hian hma kan sawn loh phawt chuan uai lam kan pan a, kan chuai mai thin. Chuvangin kan thlen chin a sang emaw, a hniam emaw, kan lo hnungtawlh mek a nih pawhin kum 2013 atang hi chuan kan thlen chin atanga hmasawn i tum teh ang u. Chutianga rilru kan inbuatsaih hram hram loh chuan mimalah hian hmasawnna a awm tak tak thei lo. I ropuina tur chu nangmahah hian a inghat a, kum thar hi tlachawpa thil thleng tur hmachhawn tum rilru puin kan lo hmuak ang nge tum nei a, chumi tihlawhtling tura rilru siam fel sain kan lo hmuak dawn? Chu chu kan tawn china kan ropui theihna ber hriltu a ni. Kumthar Chibai le

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, David VL Rinfela, Elisa Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

YMA ADVISER
RC Zahlira (9615713078); C. Vanlalnema (9615142191); F. Lalfamkima (9856780794)

Leader Asst. Leader Secretary & YMA Agent Asst. Secy Treasurer Fin. Secy

VANAPA SECTION

: R. Lalnunpuia : DL Zadinga Hnamte : Lalramzauva Chawngthu (8575462587) : Jonathan Lalhmingsanga : Zoremsiami : Zonunsanga Hmar

YMA Thuvawn : YMA chu tanpui ngaite tanpuitu a ni

KAWR SEN HA TLUANG ZEL ANG AW!

- Sawmteipa Lo zawk

I hria em ?
Kum 2012 Diary 2012 Doomsday hoax (khawvel tawp hun tur), Nibiru leh thu-vaek-thlawk dang dang chu a dik dawn ta lo a ni hmel e! Kum 2012 chhunga thil thleng lian tham thenkhat chu hei le: 10 Jan: Iran chu khawvelin a hrek a, khawvel pumah tuialhthei man a to phah hle. 13 Jan: Italy-ah nuam tawlna lawng a chesual 17 Jan: Yahoo hmu chhuaktu pakhat Jerry Yang a bang 11 Feb: Zaithiam Whitney Houston chuan chatuan ram min pansan ta 15 Feb: Hondur as tan inah kangmei a chhuak a, mi 300 in nunna an chan. 20 Feb: Afghanistan-ah Quran hal vel chungchang avangin buaina nasa tak a chhuak. 2 Mar: Vladimir Putin chu Russia President atana thlan tlin a ni. 8 Jun: Spain chuan E uro tluklehdingawn 100-a lei chhuahna a pawm 23 Jun: Syria in Turkey thlawhna a kap thla 19 Jul: Batman film tih chhuah zanah Denver-ah silai hmehpuah a ni a, mi 14 an thi. 27 Jul: Summer Olympic chu London ah neih a ni. 1 Aug: Rover Curiosity chuan him takin Sikeisen a thleng. 9 Sep: Libya-ah US Ambassador thah a ni a, khawvel ram hrang hrangah buaina a chhuak nasa hle. 5 Nov: Obama chu a vawi hnih nan US President atana thlan tlin a ni. 11 Nov: Israel leh Gaza inkarah inhmuh thiam lohna a chhuak leh. 12 Dec: N.Korea chuan rocket thui tak kap thei chi a enchhin. 13 Dec: Connecticut, US ah silai hmehpuah a ni a, mi 27 an thi.

Vei lem loh pawhin premier league hi kan han ti thla ve zen a. Mizo mipa, a tungchhova kal ta chuan rual pual nan tal football te hi lawm chiah loh pawhin lawm der a lo ngai ve thin tho mai a. Chutah le, khawi club ber nge kan tan ang tih chu zan khat pawh ngaihtuah mang lovin, Champhai zawl atanga a hming kan lo hriat than em em mai, Liverpool chu kan han tan ve ngawt mai a. A fuh nge fuh lo tih pawh hre mang lovin kan han en ve zel a. kan tan fuh ta lo ber chu a ni ber mai dawn nge ni. Chak ni reng reng kan hmu thei ta lo. Mahse, i ti teh tlat ang, han chhui neuh neuh hian ngaihtuah chiana varpawh chi thil a lo awm tlat mai. Premier league han en than chuan le, Liverpool tan chuan a luhai thlak khawp mai. Chak ni reng reng a awm thei lo emaw tih mai tur a ni. Club pui tak tak an sawp a, club nawizel tak takin an hneh leh keuh zel bawk thin si. Engtin nge mihring hi kan awm ang le. A sir he zawngin in chhui chiang teh ang aw. Ka Chauh poh leh ka chak thin Mihingte hian chauh chang kan neih theuh a, ringtu phei chu sualin min bawm a, ka chau thin. Khawvel hian kan nunram hi a lo ti chau ve thei khawp mai a. Mahse, kan tan tlat chuan kan chaklohna atang hian kan inhnuk chhuak leh thei. Liverpool pawh hi an chak lo rei ta hle mai. Beisei awm takin han awm thin mahse an tlu leh thin. Mahse, tluk reng a ni dawn lo. Thawh hun hi a awm leh dawn. Khawvar hma tak hi a thim lai ber a ni e an tih ang mai hian kan chauh viau hi chuan chak hun a thleng leh hnai tihna a ni. I nun kha han em mai mai la, i chauh viau chuan i dingchhuak dawn hnai ta reng tihna a ni mai. A bak tlukchhiat lehzualna tur a awm lo a ni chuan dinchhuah chiah hmabak a ni. Kawr sen ha ho pawh hi dinchhuah a har tawh lovang. Nangmah maiin i kal lo He khawvelah hian mahniin kan lo piang a, mahni vekin kan thi leh tih hi kan sawi tlanglawn a ni a. Chutih rual chuan mihring tumah hi thliarkar kan ni lo an ti leh lawi si. Chung thu inkawkalh tlat pahnih chuan kan nun hi a kaikawi vel thin. Ringtu kan nih chuan mahniin kan kal lova, kan Lal leh Chhandamtu Lal Isua hi kan kiangah min kalpui reng a ni tih hi kan rin tlanglawn a ni ve bawk a. Liverpool thupui, nangmah maiin i kal lo tih hi football club thu mai ni lovin revival speaker tuidul takin Pathian nena inpawlnaa a varpawh niawm zawka mawi a ni. A chunga mi nen thui takin a inzawm tlat. Chauh chang te a awm thin, tluk chang a awm thin. Mahse, mahni maia kal lo chuan a tluk pawhin kaitho tu a nei leh thin. A huhova kal chuan kan indawmkang leh thin. A tawp berah chuan Liverpool tan hi ringtu nen hian inzawmna thuk tak a lo nei reng mai hi a lo nia. Pawl dangin an neih leh neih loh erawh ka hre hauh lo mai a. Hre tur pawhin ka ngaihven hran lo. Mahse, Kops nih hi Krista ringtu nih nen hian a lo inhmeh riau mai. Chak reng ni lovin chak lohna atang zawkin chak leh zualnaah chhuak chho tur hian kan inkau reng mai a nih hi a. Mahni maiin kan kal lo lehnghal a. A ho hovin kan chak chho leh huk mai dawn a ni. Chuta tangin ropuina ramah Anfield thar, he khawvela mi aia nuam zawkah chatuanin kan Vengthlang Khawlai chei chawl tawh dawn si a. Thubelh: Zirmiten an zirchian dan chuan Liverpool tan ho hi khawtlang leh kohhran vela a kul ataia inhmang chi an ni ber a. A hruaitu lawk leh a intithu em em pawl han ni hran lo hian a kil leh ban tangkai, pawl tana thahruai thawh hreh miah lo mi an ni vek mai a. Chhiat that an ngai pawimawh duh hle an tih bawk chu mawle. Lo zir chiang ve teh u khai...S Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA Leader &

NEUVA SECTION

YMA Agent

: Lalfamkima Varte

Asst. Leader Secretary Asst. Secy Treasurer Fin. Secy

: Biakremtluanga : K. Lalrinawma : C. Zorammuana : Zonunpari : Lalrammawia

(9862725576)

Leader Asst. Leader Secretary Asst. Secy & YMA Agent Treasurer Fin. Secy

TAITESENA SECTION

: H. Zarzoliana : T. Daniala : Lalhmachhuana Fanai : K. Lalhmangaihzuala (9856581374) : H. Lalrammuana : H. Ramengmawii

KHUANGCHERA SECTION
Leader Asst. Leader Secretary Asst. Secy Treasurer & YMA Agent Fin. Secy : C. Zonunpuia : C. Lalchhuanawma : C. Vanlalpeka : J. Lalramnghaka : Lalruatkimi (9862342324) : PC Ramnunsiama

YMA Kumpuan :Ram Leh Hnam Humhalh

Lawrkhawm
January
Roman Calender ah chuan kumthar ni hmasa ber a ni a. January hi Rom pathian Janus tih atanga lak a ni a (Latin tawng atanga lak chhuah niin kawngkhar tihna a ni). Roman calender ah hian a tir takah chuan January leh Febuary hi a awm ngai miah lo! Kum khatah hian thla 10 a awm thin a, March ni 1 hi kumthar a ni thin a, England an run hnu kum 200 vel pawh khan kum khatah hian thla 10 a la awm thin a. Hetihlai hian England-ah chuan January thla hi "Wolf Month" an ti thung a, chinghnia in eitur an rawn zawn hunlai leh an ngampat hunlai a nih avangin he thla hi a ralti hle thin a ni awm e. Georgian Calender-ah chuan January ni 1 hi kumthar a ni a, hei hi kan chhawm ta zel niin a lang. A hma zan, kumhlui thlah zan atang hian kumthar hi khawvel pumah lo hmuah a, lo lawm a ni tlangpui thin a. Keini chauh hi bengchheng thin kan lo inti ang e, Scotland ah chuan hemi zan hian kut an nei a, "Hogmanay" tiin an ri vut vut thin. England ah thung chuan Big Ben sana in dar 12 a khawn chiah hian mi zawng zawng chu kut insuihin Auld Lang Syne an sa dual dual thin. Dan naranin US ah chuan Times Square ah mipui an pungkhawm a, kumthar lo thleng tur hi an lo chhiar rual dual dual thin a ni. January ni 2 thung hi chu Saxon ho khan vanduaina ni atan an lo ngai thung a. An rin dan chuan he ni-a piangte hi na deuha thi turah an ruat thin. January hi kum khata khaw vawh ber tum a ni, Britian-ah chuan (US ah chuan a ni chiah lo a niang Haggard-a'n December hi a vawh ber tum niin a sawi tlat). January ni 13 St.Hilary's feast day hi khawvawh ber tum nia sawi a ni a, hriat theih chinah chuan kum 1205 January ni 14 kha a vawh ber tum a ni a, Thames luipui khu a khang vek a ni awm e. January ni 20, St.Agnes Eve thung hi chu hmeichhia, pasal nei lo ten an pasal tur duhthusam nan an hmang ve thung a, an mut hmain puithuna eng eng emaw an ti thin a ni.
theh tir a....

AK-47

J RK, ngatinge a ni ber kher i J Krismas leh kumthar inkar

khan Aizawl -ah thil ka zuk ti fel leh zuai hman... - Late-i, N-Sec J Aw Lalpa kum heilen chen min hruai avangin lawmthu ka hrilh a che... mahse hei leh chen a riang tura kan thianho min siam erawh hi chu min khawngaih ve thin lo em ni... - Judy-i, N-Sec (Aizawl returnee) J Tunlai chu Abdul Salam ka ni tawp mai... - Vla JN-15, K-Sec J Tunlai khawvel ah hi chuan Kohhran lam pawh a sawi theih tawh lo Baptist ah hian kan chiang em em tur a ni tawp mai... - Tawia, T-Sec (Lawng sipai te chi) J Engpawh thleng se lawmmai tur kan ni e.... - RK-a, T-Sec J Tui lum Ip lei thar tlangvalte: 1) U Vala 2) U Liana 3) U Hmachhuana 4) U Lawmtea J Phairuangkai Chief Guest ka rawn hawng a nia.... - Sawmpuia, T-Sec J Ka rawn haw ve leh tawp a nia... khawl thil buaipui ai chuan nula khawl lam hi buaipui ve tak tak tawh teng.... B. Zara, K-Sec J Tunge ka nih hre tur hian tunge kumhlui thlah zan min hmanpui dawn.... - Kichena, N-Sec Engtinnge kumhlui thlah zan i hman ve dawn le... kum khua a i nun a ser awm reng tur i siamna zan atan nge i hman dawn a... chona thar i hmachhawn dawn. Tepy-a, V-Sec

YMA Palai chhiartu zawng zawngte kumthar chibai kan buk che u a... In chhungkaw tana kum malsawm a nih ngei theih nan YMA Palai Kum 2012 enkawltute chuan duhsakna kan hlan a che u...
YMA Palai man luh dan

Kumin chhunga YMA Palai man, Section hrang hrang atanga kan hmuh dan chu Section Jan Feb Mar Apr May Jun July Aug Sep Oct Nov Dec Khuangchera 1610 1500 930 1210 1520 1210 890 820 1710 2700 Neuva 1680 980 510 500 2200 1270 100 240 230 430 790 140 Vanapa Nil 2600 3615 110 580 810 1980 600 820 1690 640 Taitesena 1010 2410 1466 2030 1210 2240 2420 1180 1700 950 1230 Published, Edited and Printed by Chanchinmawia for and on behalf of Vengthlang Branch YMA