Квебек

Квебек (франсузча: Қуéбеc, талаффузи: [ке.бɛк]; инглизча: Қуэбеc, талаффузи: [кwəˈбɛк] ёки [кəˈбɛк]) – Канаданинг шарқий қисмидаги провинсия. Майдони 1540,7 минг км². Аҳолиси 9 миллион киши (2023), асосан, канадалик франсузлар. Маъмурий маркази – Квебек шаҳри, энг катта шаҳри – Монреал. Квебекнинг кўп қисми Лабрадор ярим оролда жойлашган, жанубда Аппалачи тоғларининг тармоқлари (баландлиги 1 311 м гача) жойлашган, Сан-Лаврентий дарё водийси пасттекисликдан иборат. Квебекнинг шимоли тундра, ўрта ва жанубий қисми ўрмон. Январнинг ўртача температураси шим. да –24 °C дан жан.да –10 °C гача, июлники 11–21 °C, йиллик ёғин 500–1 000 мм.

Квебек Қуэбеc
Провинсия
Байроқ Герб
52°0′0″Н 72°0′0″W / 52.00000°Н 72.00000°W / 52.00000; -72.00000
Мамлакат	Канада
Ҳукумат
• Бош вазир	Франçоис Легаулт [эн]
Майдон	1,542,056 км2 (595,391 кв ми)
Аҳолиси  (2023[1])	9 000 049
Зичлиги	6,23 киши/км2
Вақт минтақаси	УТC-5
Почта индекс(лар)и	ҚC
Квебек

Квебек – иқтисодий жиҳатдан ривожланган провинсия, электр стансияларининг умумий қуввати жиҳатдан ва алюминий и.ч.да мамлакатда етакчи ўринда. Темир, мис, полиметалл, олтин, кумуш, никел, асбест конлари бор. Канадада олинаётган асбестнинг аксари қисми Квебекда қазиб олинади. Нефтни қайта ишлаш, машинасозлик, тўқимачилик, мўйна, кўн поябзал, озиқ-овқат, селлюлоза-қоғоз саноати ривожланган.

Қишлоқ хўжалигининг етакчи тармоғи – сут чорвачилиги. Паррандачилик ҳам ривожланган. Ички ва ташқи сув ҳавзаларида балиқ овланади. Саноат марказлари ва портлари: Монреал ва Квебек. Квебекнинг ҳозирги ҳудудида европаликлар келгунга қадар индейс ва эскимос (шимолий қисмида) қабилалари яшаган. Квебекни дастлаб (1608) франсузлар эгаллаган. Етти йиллик уруш (1756–1763) дан сўнг Буюк Британия қўлига ўтди. 1774-йилда „Квебек“ номини олди. 1867-йилдан Канада провинсияси. Квебекнинг чегараси 1898- ва 1912-йилларда шимолга томон анча кенгайди.