От ыйын 25

От ыйын 25 диэн Григориан халандаарыгар сыл 206-с күнэ (ордук хонуктаах сылга 207-c күнэ). Сыл бүтүө 159 күн баар.

• Дания Дания — Истед кыргыһыыта (ааҥл. Battle of Isted)
• Испания Испания — Галисия күнэ (исп. Día Nacional de Galicia)
• Коста Рика Коста Рика — Гуанакасте күнэ (ааҥл. Guanacaste Day)
• Тунис Тунис — Өрөспүүбүлүкэ күнэ
• Пуэрто Рико Пуэрто Рико — Конституция күнэ

• Беларусь Беларусь — Баһаарынай сулууспа күнэ
• Арассыыйа Арассыыйа:
  • РФ силиэстийэлиир уорганнарын күнэ
  • Өрүс полициятын күнэ ^[1]
  • Владимир Высоцкайы ахтан ааһар күн

• 1587 — Дьоппуону түмпүт Тоётоми Хидэёси христианствоны тарҕатыыны боппут, аҕабыыттары дойду иһиттэн үүрбүт. Сотору кэминэн Дьоппуон икки үйэлээх изоляцияҕа киирбитэ.
• 1799 — Наполеон Бонапарт аармыйата Мустафа-паша баһылыктаах Осмаан импиэрийэтин ахсаанынан баһыйар аармыйатын Абукир аттыгар үлтүрүппүт.
• 1826 — Петербуурга биэс декабриһы ыйаан өлөрбүттэр: Михаил Бестужев-Рюмин, Пётр Каховскай (өрө туруу кэмигэр М. А. Милорадович генералы өлөрбүт киһи), Сергей Муравьёв-Апостол (подполковник), Павел Пестель (Соҕуруу уопсастыба салайааччыта), Кондратий Рылеев (бэйиэт).
• 1908 — Дьоппуон хиимигэ Икэда Кикунаэ арыйбыт ас амтанын күүһүрдэр натрий глутаматын атыылыыр сыаллаах Адзиномото хампаанньа тэриллибит.
• 1923 — Карелиятааҕы үлэ коммуната (автономнай уобалас холбоһуга) РСФСР иһинэн Карелия автономиялаах өрөспүүбүлүкэтин статуһун ылбыт.
• 1930 — ССРС-ка начаалынай үөрэхтээһин булгуччулаах буолбут.
• 1941 — Сунтаар сэлиэнньэтигэр призыв хамыыһыйата үлэлээбит, 1921-1923 сыллардаахха төрөөбүт 56 эр киһини аармыйаҕа сүүмэрдээбит. Бу сэриигэ барбыт бастакы хомуур этэ^[2].
• 1978 — Англияҕа бастакы "пробирка оҕото" Луиза Джой Браун төрөөбүт.
• 1984 — Космонавт Светлана Савицкая дьахталлартан бастакынан аһаҕас космоска тахсыбыт.
• 1986 — ССРС-ка хозрасчекка олоҕуран үлэлиир "Ыччат билимҥэ-тиэхиньикэҕэ айар кииннэрин" (ЦНТТМ) тэрийэр туһунан быһаарыыны ССКП Киин кэмитиэтэ ылбыт. Сыл аҥаарынан 1987 сыл тохсунньу 28 күнүгэр балаһыанньата бигэргэммит. Манан дойдуга "хомсомуол" приватизациятын бырассыаһа саҕаламмыт.
• 2010 — Викиликс (ааҥл. WikiLeaks) Афганистаан сэриитин туһунан кистэлэҥ докуомуоннары бэчээттээбит. Бу АХШ устуоруйатыгар байыаннай кистэлэҥ ордук бөдөҥ бычалыйыыыта этэ.

• 1950 — Евстафий Аргунов — РФ үтүөлээх бырааһа, Амма улууһун Ытык киһитэ.

• 1996 — Микаэл Таривердиев — композитор, РСФСР норуодунай артыыһа (1986). Бу киһи "Вокзал для двоих" диэн киинэҕэ сүрүн дьоруой прототиибэ этэ — ойох ылаары сылдьар дьахтара массыынанан киһини дэҥнээбитин бэйэтигэр ылынан сууттана сылдьыбыта диэн сурах баар.
• 1980 — Владимир Высоцкай (1938 төр.), тыйаатыр уонна киинэ артыыһа, бэйиэт, бэйэтин ырыаларын толорооччу.

1. ↑ 25 июля - День речной полиции Архыыптаммыт 2020, От ыйын 25 күнүгэр.
2. ↑ Аркадий Яковлев. Сунтаарга бастакы хомуур // Сунтаар сонуннара : хаһыат. — 2022. — 2 От ыйын.