Niels Bohr

Fìsich.
Niels Henrik David Bohr a l'era nassù a Copenàghen ai 7 d'otóber dël 1885 e ambelelì a l'é mòrt ai 18 ëd novèmber dël 1962.

Livrà jë studi universitari a l'Università ëd Copenàghen, Bohr a l'é andàit a Cambridge e chèich mèis apress a Manchester. An Anghiltèra a l'ha travajà con Joseph John Thomson e Ernest Rutherford e dël 1913 a l'ha publicà na memòria arnomà anté ch'a àplica la teorìa dij quant al model atòmich ëd Rutherford.
Dël 1916 a l'é vnùit professor ëd fìsica teòrica a l'Università ëd Copenàghen.

Apress soe arserche pionierìstiche an sl'àtom d'idrògen, Bohr a l'ha dàit tante contribussion amportante al dësvlup ëd la fìsica atòmica e peui ëdco ëd la fìsica nuclear.
A l'ha dësvlupà l'ansidit prinsipi ëd complementarità.

Dël 1922 a l'ha arseivù ël premi Nobel ëd fìsica për sò studi dla strutura e dle radiassion ëd j'àtom.

• Magneton ëd Bohr
• Raj ëd Bohr

• Atomic physics and human knowledge (New York, 1958).