Itterbii

Itterbii (lat. Ytterbium) on alguaineh, kuduan merki Mendelejevan taulukos on Yb, noumer on 70. Atommassu on 173,045. Itterbii kuuluu lantanoidoih da harvinazih muametalloih. Se on harmai da pehmei metallu. Enzimäzenny uuttu alguainehtu sai Erbien oksiidas šveicarielaine hiimiekku Žan de Marinjak (Jean Charles Galissard Marignac). Se oli vuonnu 1878. Uuzi alguaineh sai oman nimen Ruočin Ytterby-kylän kunnivokse. Saman kylän kunnivokse nimitettih vie kolme alguainehtu: Terbii, Erbii da Ittrii.