The Da Vinci Code

The Da Vinci Code no sambua novel detektif misteri nisura Dan Brown, soya tefamawa göi ba Indonesia. Bakha ba novel andre itutunö Dan Brown nitörö Robert Langdon awö Sophie Neveu aefa alua wamunu niha ba Museum Louvre ba Paris. Moroi ba da'ö fatahö ira ndra nifotöi Biarawan Sion awö ndra solohi khö Opus Dei ba wangalui hadia sindruhu wa no mangowalu Yesu khö Maria Magdalena. Inönö nasa ba da'ö Dan Brown nidunö-dunö sanandrösa ba Mako Ni'amoni'ö, ni'oguna'ö Yesu ba wemanga safuria fatua lö mate ia. Aefa da'ö molo'ö novel andre ira razo Prancis moroi ba nga'ötö Meroving no ma'uwu Yesu samösa moroi khö Maria Magdalena.

Novel andre tobali sambua ba gotalua novel fondrege oya mufamawa ba gulidanö ba no te'ali ba 44 li. No sambua fiksi ia, si tenga sindruhu alua, heŵa'ae iŵa'ö Dan Brown wa ihalö ia moroi ba zura nisöndrania, ba hiza ngawalö zura andrö tesura ba ngaotu ndröfia si-20. Sindruhunia ihalö ia moroi ba mbuku The Templar Revelation (1997) nisura Clive Prince ba buku The Holy Blood and the Holy Grail (1982). Andrö göi wa lafotöi novel andre konspiratif, eluahania mamazökhi sambua hikaya si hulö na sindruhu-ndruhu ia, börö me oya niha ba nahia awö zalua nitutunö bakha khönia sindruhu, ba hiza amakhaita ma zui famo'eluaha fefu zalua andrö ha nisöndra ba wamadu tuo manö. Da'a zasese olifu niha sombaso novel simane andre wa ha sambua novel ia.

• The Real Da Vinci Code with Tony Robinson, film dokumentasi wofanö Tony Robinson ba wangalui hadia sindruhu no irai so piala ni'amoni'ö nitutunö Dan Brown bakha ba The Davinci Code. Fanemali: lö'ö pila andre. Ha bua mbewe manö.