Rundro

Rundro ba Danö Niha ya'ia da'ö fanötöi ba Li Niha wehede li Indonesia ronda. Rundro andre tefalua ia ha ba zibongi. Sasese te'ila ba zamalua rundro, la'ohe sete (senter), bözi-bözi (pentungan) ba owulo ba nose rundro. Sowanofu maifu hana walötolalö'ö labözi-bözi geu döla-döla lisitiri na mowaö-waö ba zifasui omo? Hadia lö tokea-tokea niha mbanua ba wobözi-bözi da'ö fefu?. Na tafaigi geluaha rundro andre ya'ia da'ö : mowaö-waö ba gotalua nomo ba wozago moroi ba zo farikoisi, ba zanagö ma ba gameta'uö tanöbö'ö. Moroi ba wanofu da'ö yaŵa ba te'ila wa fahasara dödö wamalua ya'ia irege ono mbanua lö tobali fökhö khöra ba li wobözi döla-döla lisitiri, omasi ira, moloi ngawalö sedöna mofarikoisi otalua nomo. Na ba danö niha, la bözi goko ma koko, ba wame'e turia ba niha, wo so rundro.

Rundro andre tenga ha fohi'a dödö niha mbanua ba wamalua ya'ia. No la aturai bakha ba goi-goi wamareta. Rundro ma laŵaö ia sambua lala wozago gotalua nomo. Ba li Indonesia lamane Siskamling (sistem keamanan lingkungan). Rundro ma Siskamling so ba goi-goi Pasal 1 angka 6 Peraturan Kepala Kepolisian Negara Republik Indonesia Nomor 23 Tahun 2007 Tentang Sistem Keamanan Lingkungan (“Perkapolri 23/2007”).

• Hewisa lala ena'ö löhadöi so fawukaisi fa'ahono dödö niha mbanua.
• Ba wame'e fa'omasi ba dödö niha mbanua wamoguna sibai wahasara dödö ba wamalua rundro.^[1]

Rundro nifalua ba gotalua nomo, inötö faoma haniha zirundro, samalua ya'ia ni'aturai zalaŵa ba sohalöŵö ba mbanua(Desa). Ba sito'ölönia töi-töi zirundro no lafalemba ba nose rundro, irege fefu nono mbanua tola la baso döira ba da'ö. Ba mbanua tanöbö'ö ba so göi zamalua rundro sifao ira amada saradadu ba folisi sohalöŵö sahatö ba mbanua.^[2]

1. ↑ Hutomo, Dimas (28 Februari 2019). "Tujuan, Komponen, dan Bentuk Kegiatan Siskamling yang Sesuai Aturan". HukumOnline.Com
2. ↑ HS(9 Oktober 2020). "Ajak Jaga Lingkungan Jatiwarno Dimalam Hari Dengan Ronda Malam". InfoBanua.Co.Id