Holt

Holt is 't veurnaamste bestansdeel van (veural) bomen en struken. Behalve blaojen, naolden en schorse, bestaon de takken, stammen en wortels van niet-kruudachtige planten uut holt. Holt vormt 't binnenste en grootste deel van de stamme.

In de plante geeft 't stevigheid an de stamme en daornaost is 't betrokken bie 't vervoer van water en voedingsstoffen binnen de struke of boom, mit name in de butenste laogen.

Holt besteet veur een belangriek deel uut cellulose en hemicellulose, dät samen-eholden wordt deur lignine. Umdät in klimaoten mit zachte temperaturen, de wienter en de zommer verschillende gruuiumstandigheden veroorzaken, hebt veul holtsoorten uut disse klimaoten dudelijke gruuiringen (ok wel jaorringen enuumd). Ok tropische holtsoorten hebt soms dudelijke gruuiringen mit name äs ze stammen uut gebieden mit verschillende vochtigheidsseizoenen.

• Achterhooks: holt
• Drèents: holt (lokaol ok: olt)
• Grunnegs: holt (oetsproken as hoalt)
• Sallaans: holt (lokaol ok: olt)
• Stellingwarfs: hoolt
• Tweants: holt, hoolt, hoalt
• Urkers: out
• Veluws:
  • Oost-Veluws: holt, hout (Attem: olt)
  • West-Veluws: hout