Nothing Special   »   [go: up one dir, main page]
Прејди на содржината

The Killers

Од Википедија — слободната енциклопедија
The Killers
The Killers во 2017. Од лево кон десно: Дејв Кунинг , Рони Ванучи Џуниор и Брендон Флауерс
Животописни податоци
ПотеклоЛас Вегас, Невада, САД
Жанрови
Период на активност2001–денес
Издавачи
Мреж. местоthekillersmusic.com
Членови
Поранешни членови
  • Дел Нил
  • Мет Норкос
  • Брајан Хевнс

The Killers ― американска рок-група основана во Лас Вегас во 2001 година од Брендон Флауерс (главен пејач, клавијатури, бас) и Дејв Кунинг (главна гитара, придружен вокал). Откако по основањето промениле неколку басисти и тапанари, во 2002 година на групата ѝ се приклучиле: Марк Стормер (бас, ритам-гитара, придружен вокал) и Рони Ванучи Џуниор (тапани, удирачки инструменти).[1] Името на групата потекнува од логото на бас-тапанот од фиктивната група која се појавува во спотот за песната „Crystal“ од групата New Order.[2]

The Killers имаат објавено седум студиски албуми и секој нивен албум се искачил на прво место на топ-листата за албуми во Велика Британија: Hot Fuss (2004), Sam's Town (2006), Day & Age (2008), Battle Born (2012), Wonderful Wonderful (2017). ), Imploding the Mirage (2020) и Pressure Machine (2021). Тие, исто така, објавиле еден компилациски албум, еден албум во живо, два албума со најголеми хитови и една божиќна компилација.

По 2016 и 2017 година, Стормер и Кунинг имале подолги паузи од групата, но тие и понатаму се официјални членови на групата. Стормер се повлекол од турнеите поради исцрпеност од патувањето, а Кунинг објавил соло-албум.

The Killers, со продадени преку 28 милиони плочи во светски рамки,[3] [4] се една од најуспешните рок-групи во 21 век.[5] Настапувале во над 50 земји и на шест континенти.

Историја

[уреди | уреди извор]

2001–2003: Основање и почетоци

[уреди | уреди извор]

Во 2001 година, Брендон Флауерс бил отпуштен од неговата прва група, Blush Response.[6] Тој наишол на оглас во весник во кој Дејв Кининг, 25-годишен гитарист кој една година претходно се преселил од Ајова во Вегас, барал членови за нова група. Тие основале група и ја нарекле Killers според името на измислена група од спотот за песната Crystal од New Order.[7] Во ноември 2001 година, заедно со неодамна ангажираниот тапанар Мет Норкрос, тие снимиле две песни: „Mr. Brightside“ и „Desperate“. Еден месец подоцна, тие снимиле уште две песни: „Under the Gun“ и „Replaceable“.[8]

The Killers донеле уникатен стил на малата музичка сцена во Вегас, која тогаш претежно била исполнета со панк, ну-метал и рап-групи.[9] Во 2002 година на групата ѝ се приклучиле Рони Ванучи и Марк Стормер.

Официјалното лого на групата, употребено за првпат во 2003 година

Во јули 2003 година, групата потпишала договор со лондонската независна издавачка куќа Lizard King Records.[10]

2003–2005: Објавување на албумот Hot Fuss

[уреди | уреди извор]

На 19 август 2003 година, песната „Mr. Brightside“ била премиерно изведена на BBC Radio 1.[11] [12] На 29 септември 2003 година, песната „Mr. Brightside“ била објавена во ОК на ограничен број ЦД-а и винилни плочи.[13] Како резултат на популарноста која ја стекнале во ОК, многу влијателни издавачки куќи од САД почнале да се интересираат за групата и тие биле поканети да настапат на музичкиот маратон кој го организирал ASCAP во Њујорк.[14] На крајот потпишале со издавачката куќа Island Def Jam.[15]

The Killers го објавиле нивниот прв албум, Hot Fuss, на 7 јуни 2004 година, во Обединетото Кралство под Lizard King Records и една недела подоцна во САД под Island Records.[16] По објавувањето, Hot Fuss добил претежно позитивни критики.[17] Големата турнеја и успехот на сингловите номинирани за Греми награда: „Somebody Told Me“, „ All these Things That I've Done “ и „Mr. Brightside“[18] [19] придонеле за тоа албумот има огромен комерцијален успех. Во јануари 2005 година Hot Fuss стигнал до прво место на топ-листата во Обединетото Кралство и е сертифициран како седумкратно платинест албум во ОК и во Ирска.[20] Исто така поминал најмногу недели на топ-листата на албуми во Велика Британија таа деценија, вкупно 173 недели. Во САД, Австралија и Канада, албумот бил сертифициран за трикратно платинест;[21] бил платинест во Нов Зеланд и златен во Аргентина, Белгија, Германија и Франција.

The Killers биле прогласени за најпродавана нова група во светот на Светските музички награди во 2005 година. Истата година ја освоиле наградата за најдобар нов изведувач на MTV музичките награди и биле номинирани за три Греми награди. Во Обединетото Кралство, ја добиле NME наградата за најдобра меѓународна група. Во јуни 2005 година групата добила признание од Ролинг Стоун за „најпродавана нова рок-група за изминатата година“.

2006–2007: Sam's Town и Sawdust

[уреди | уреди извор]

По завршувањето на турнејата за Hot Fuss, Killers започнале со снимање на нивниот втор студиски албум.[22]

The Killers на настап во октомври 2006 година

Вториот албум на The Killers, Sam's Town, бил издаден во октомври 2006 година.[23] [24] Добил мешани критики; некои критичари кои го пофалиле албумот и еволуцијата на групата, а други го критикувале и исмејуваа. Особено остра критика добил од Ролинг Стоун.[25] Албумот бил продаден во над 706 000 копии ширум светот во првата недела по објавувањето и стигнал до второ место на американската Билбордова топ-листа и на прво место на топ-листата во Велика Британија.[26]

The Killers снимиле сесија во живо во Abbey Road Studios за Live from Abbey Road на 29 ноември 2006 година.[27] Во декември 2006 година, групата објавила Божиќна хуманитарна песна, „A Great Big Sled“.

Податотека:Thekillersonstage.jpg
Групата за време на нивната прва концертна турнеја во 2007 година.

Во февруари 2007 година, Killers присуствувале на доделувањето на BRIT Awards во Обединетото Кралство. Групата освоила две награди: Најдобра меѓународна група и меѓународен албум.[28] Истиот месец, спотот за вториот сингл од албумот „Bones“, режиран од Тим Бартон, ја освоил наградата за најдобро видео на NME неградите.

Во ноември 2007 година групата издала компилациски албум под името Sawdust; албумот содржи Б-страни од првите два албума од групата, реткости и необјавен материјал. Првиот сингл од албумот „Tranquilize“, во соработка со Лу Рид, бил издаден во октомври 2007 година.[29] Албумот, исто така, имал преработка на „Shadowplay“ од Joy Division, која била снимена за саундтракот од биографскиот филм Контрола („Control “) во режија на Антон Корбијн.[30]

2007–2011: Day & Age и пауза

[уреди | уреди извор]
Брендон Флауерс за време на светската турнеја за Day & Age

Групата го ангажирала Стјуарт Прајс за да го продуцира нивниот трет студиски албум.

Песната „Human“ била издадена во октомври 2008 година и станала огромен хит ширум светот. Стиховите од песната „Дали сме луѓе, или сме танчер?“ (англиски: Are we human, or are we dancer?) предизвикале забуна и биле предмет на дебата поради граматиката (затоа што танчер е во еднина) и двосмисленоста. Во една анкета песната била изгласана за најзбунувачка песна на сите времиња.[31]

The Killers на настап во 2009 година

Третиот албум на The Killers, Day & Age, бил објавен на 18 ноември 2008 година. Флауерс изјавил дека Day & Age е „како да го гледаме Sam's Town од Марс“; групата го нарекла „најразиграна плоча“ затоа што за песните од албумот се користат: саксофони, челични барабани, чембало и племенско пеење. Day & Age станал трет студиски албум на групата кој се искачил на прво место на топ-листите за албуми во Велика Британија и во Ирска.[32]

Групата започнала светската турнеја при што настапиле на сите континенти и за прв пат биле на американските фестивали Lollapalooza и Coachella. На 5-6 јули 2009 година Killers го снимиле нивното прво ДВД во живо, Live from the Royal Albert Hall. Било објавено во ноември и се прикажувало по кината низ цел свет.

Во јануари 2010 година, групата објавила дека ќе направи кратка пауза по напорните турнеи во претходните шест години.[33] Паузата траела околу 18 месеци, а членовите на групата се посветиле на соло проекти.

2011–2013: Враќање и Battle Born

[уреди | уреди извор]

Групата се вратила на музичката сцена на 2 април 2011 година со настап на новиот меѓународен фестивал Лолапалуза во Сантијаго, Чиле.[34] Тие исто така на 30 април 2011 година настапиле на концертот за затворање на сезоната во Ишгл, Австрија.[35] На 12 ноември 2011 година настапиле и на новиот фестивал Orlando Calling Festival во Орландо.[36]

Брендон Флауерс во 2012 година

Групата се вратила во студио за да го снима четвртиот студиски албум.[37] Во јуни 2012 година, бил објавен краток трејлер на официјалната страница на Killers VEVO, откривајќи го името на албумот Battle Born,[38] именуван по знамето на Невада. Во јули бил објавен на водечкиот сингл „Ranaways“.

Четвртиот студиски албум на The Killers, Battle Born, бил објавен на 18 септември 2012 година. Албумот станал четврт последователен број 1 албум на Killers во Обединетото Кралство и во Ирска.

2013–2016: Direct Hits

[уреди | уреди извор]

На 16 септември 2013 година, точно десет години по нивниот прв настап во Лондон, Killers ја објавиле песната „Shot at the Night“. Било откриено дека на 11 ноември 2013 година ќе ја објават нивната прва компилација со најголеми хитови, Direct Hits.[39] Албумот содржел песни од сите претходни четири студиски албуми, новиот сингл „Shot at the Night“ и уште една нова песна „Just Another Girl“. Издавањето на Direct Hits било проследено со кратка промотивна турнеја. Групата исто така настапила на многу фестивали во 2014 година.

На 24 мај 2016 година, групата објавила дека Марк Стормер ќе паузира од турнеите „за да оствари други образовни цели и да објави соло-албум“. Во соопштението се нагласува дека Стоермер и понатаму е вклучен во создавањето на петтиот албум на групата и дека сепак повремено ќе настапува во живо со нив во иднина.[40] Во отсуство на Стормер, турнејскиот клавијатурист/гитарист Џејк Блантон свирел на бас-гитара.

2017–2018: Wonderful Wonderful

[уреди | уреди извор]

На 22 септември 2017 година The Killers го објавиле нивниот петти студиски албум, <i id="mwAfI">Wonderful Wonderful</i>.[41] Албумот бил продуциран од Џекниф Ли, а водечкиот сингл „The Man“ бил објавен на 14 јуни 2017 година. [42]

The Killers на концерт во септември 2017 година

На 6 август 2017 година, било објавено дека Дејв Кининг си заминува на неодредена пауза од групата, наведувајќи ја исцрпеноста од распоредот на турнеите и желбата да поминува повеќе време со неговиот син.[43]

Wonderful Wonderful станал прв албум на групата кој стигнал до прво место на американската топ-листа Билборд 200; [44] исто така, се искачил на прво место на топ-листата за албуми во Обединетото Кралство, со што Killers прв странски изведувач чии први пет студиски албуми стигнале до прво место во ОК. [45]

The Killers на настап на Bonnaroo 2018

На 14 јануари 2019 година, групата ја објавила самостојната песна „Land of the Free“, а официјалниот спот за песната го режирал Спајк Ли.[46]

2019–2020: Imploding the Mirage

[уреди | уреди извор]

На 15 ноември 2019 година, Killers најавиле дека нивниот 6-ти студиски албум под наслов Imploding the Mirage ќе биде издаден напролет во 2020 година.[47] На 12 март 2020 година, бил издаден водечкиот сингл од албумот „Caution“ со соло на Линдзи Бакингем.[48]

Во интервју за Ролинг Стоун објавено на 5 мај 2020 година, Флауерс и Ванучи изјавиле дека додека Кининг паузира од групата и дека без него имале потешкотии да работат на новиот албум, но тој сепак е добредојден да се врати во Killers. Тие исто така изјавиле дека иако улогата на Стормер во групата и понатаму е ограничена поради оштетувањето на слухот предизвикано од пиротехника за време на претходниот концерт во Лондон, тој сè уште е близок со Флауерс и Ванучи, бил вклучен во снимањето на албумот и се очекува да некои одбрани концерти штом ќе продолжат турнеите.[49] На 15 јули 2020 година, групата го објави спотот за вториот сингл од нивниот нов албум „My Own Soul's Warning“ и изјавиле дека албумот ќе биде објавен на 21 август 2020 година.[50]

2020–2021: Pressure Machine и враќањето на Кунинг

[уреди | уреди извор]

За време на викендот на издавањето на Imploding the Mirage, Флауерс открил дека групата е во студио и работи на седмиот студиски албум.[51] Во јануари 2021 година, Дејв Кунинг се вратил во групата за заедно да го снимат нивниот седми албум. Кеунинг, исто така, рече дека тој и Марк Стормер ќе настапуваат на концерти со групата.[52] [53]

На 10 јуни 2021 година, Брус Спрингстин најавил претстојна соработка со Killers.[54]

На 13 август 2021 година бил издаден седмиот албум на групата, насловен Pressure Machine. Марк Стормер и понатаму бил отсутен поради потешкотии поради COVID-19 пандемијата за време на снимањето.[55] Pressure Machine дебитирал на прво место на официјалната листа за албуми во Велика Британија.[56]

2021-сега: откажан осми албум и Rebel Diamonds

[уреди | уреди извор]

Во јуни 2021 година, Кеунинг потврди дека групата почнала да работи на нивниот осми албум.[57] [58]

На 8 јули 2022 година, за време на нивниот настап на Mad Cool Festival во Мадрид групата го претставила нивниот претстоен сингл „Boy“. Песната била напишана за време на сесиите за снимање на Pressure Machine, но не одговарала на албумот. За време на интервјуто со NME, Флауерс потврдил дека работат на нивниот осми албум и дека ќе биде објавен на почетокот од 2023 година.[59]

На 15 август 2023 година, групата настапила во Black Sea Arena во Шекветили, Грузија. За време на изведбата на песната „For Reasons Unknown“, групата по случаен избор поканила обожаватели, од кои еден Русин, од публиката да им помогнат да ја изведат песната на сцената. По ова имало исвиркување од некои делови од публиката, а дел од обожавателите си заминале во знак на протест. Групата подоцна се извинила преку социјалните мрежи, наведувајќи дека не сакале никого да навредуваат и дека нивната порака за пријателство била погрешно протолкувана поради политичките тензии меѓу Русија и Грузија и окупацијата на грузиските територии од страна на Русија.[60] [61] Подоцна истиот месец, Флауерс потврдил дека осмиот албум е поништен поради тоа што не бил задоволен од насоката и изјавил „Мислам дека веќе нема да нѐ гледате како правиме ваква музика“.

На 8 декември 2023 година, групата ја издала втората компилација со најголеми хитови, Rebel Diamonds. На 25 декември, групата ја објавила четвртата нова песна, наречена „We Did It in the Name of Love“.[62]

Членови на групата

[уреди | уреди извор]

Сегашни членови

[уреди | уреди извор]
  • Брендон Флауерс – главен пејач, клавијатури, синтисајзер (2001-денес) , бас (2001, 2006) ,  гитара (2020-сега; во студио)
  • Дејв Кунинг  – гитара, придружен вокал (2001–2017, 2020–сега)
  • Рони Ванучи Џуниор – тапани, перкусии (2002-сега) , гитара (2020–2022)
  • Марк Стормер  – бас, придружни вокали (2002–сега; пауза 2020–2022) , гитара (2006, 2016–2020)

Дискографија

[уреди | уреди извор]
Студиски албуми
  • Hot Fuss (2004)
  • Sam's Town (2006)
  • Day & Age (2008)
  • Battle Born (2012)
  • Wonderful Wonderful (2017)
  • Imploding the Mirage (2020)
  • Pressure Machine (2021)

Наводи

[уреди | уреди извор]
  1. ↑ „The Killers“. Billboard: The International Newsweekly of Music, Video and Home Entertainment.
  2. ↑ Bourne, Dianne (February 20, 2013). „Video: Bernard Sumner joins The Killers in celebration of their 'musical home'“. Manchester Evening News. Архивирано од изворникот на December 4, 2013. Посетено на March 15, 2013.
  3. ↑ „Colours of Ostrava - The Killers“. Colours.cz. Архивирано од изворникот на August 9, 2020. Посетено на August 21, 2020.
  4. ↑ „The Killers' Catalog Acquired in Eldridge's First Music Publishing Deal“. Billboard.com. Архивирано од изворникот на November 17, 2020. Посетено на November 21, 2020.
  5. ↑ Barlow, Eve (March 22, 2015). „Brandon Flowers on The Desired Effect: 'Every song on this album is a single'“. The Guardian. Архивирано од изворникот на December 21, 2016. Посетено на December 16, 2016.
  6. ↑ Sculley, Alan (April 14, 2005). „Brandon Flowers Speaks“. Las Vegas Weekly. Архивирано од изворникот на October 4, 2013. Посетено на March 15, 2013.
  7. ↑ „The Killers - The Killers Comment on Mr. Brightside (Watch This) | Vevo“. YouTube. Архивирано од изворникот на 2024-02-06. Посетено на 19 July 2020.CS1-одржување: бот: непознат статус на изворната URL (link)
  8. ↑ Patterson, Spencer (April 15, 2010). „Almost Famous“. Las Vegas Weekly. Архивирано од изворникот на March 3, 2012. Посетено на November 24, 2019.
  9. ↑ „The Killers“. LV Local Music Scene. Архивирано од изворникот на December 29, 2002.
  10. ↑ Sculley, Alan (September 14, 2004). „And you can dance to it“. Kansas City Star. Архивирано од изворникот на October 23, 2012. Посетено на April 26, 2008.
  11. ↑ „The Killers Mark Zane Lowe's Last Show“. The Killers News. April 28, 2023. Архивирано од изворникот на July 26, 2023. Посетено на 15 June 2023.
  12. ↑ „Radio 1 – Zane Lowe Tracklistings: 19/08/2003“. The Killers News. Архивирано од изворникот на May 15, 2023. Посетено на 15 June 2023.
  13. ↑ „The Killers Vinyl Records“. Vectis. Архивирано од изворникот на May 15, 2023. Посетено на 15 June 2023.
  14. ↑ „ASCAP Bands Rock the 2003 CMJ Music Marathon!“. ASCAP. Архивирано од изворникот на February 6, 2010.
  15. ↑ Kalil, Mike (September 18, 2005). „In Depth: Killers Rising“. Los Angeles Review Journal. Архивирано од изворникот на June 29, 2011.
  16. ↑ „Let's-start-a-band ad in newspaper created Killers“. The Seattle Times. April 24, 2005. Архивирано од изворникот на June 26, 2009. Посетено на April 26, 2008.
  17. ↑ „Reviews for Hot Fuss by The Killers“. Metacritic. Архивирано од изворникот на November 12, 2020. Посетено на July 16, 2014.
  18. ↑ „47th Annual Grammy Awards - 2005“. Rock On The Net. February 13, 2005. Архивирано од изворникот на January 20, 2013. Посетено на July 16, 2014.
  19. ↑ „48th Annual Grammy Awards - 2006“. Rock On The Net. Архивирано од изворникот на September 30, 2007. Посетено на July 16, 2014.
  20. ↑ Nixon, Chris (April 5, 2007). „Can Killers regain form at UCSD? Stay tuned“. The San Diego Union-Tribune. Архивирано од изворникот на December 8, 2008. Посетено на May 2, 2008.
  21. ↑ „Thomas Makes Billboard History“. Billboard. April 27, 2005. Архивирано од изворникот на July 29, 2014. Посетено на July 16, 2014.
  22. ↑ Lee, Chris (July 16, 2006). „Killers try to avoid a 'Fuss'“. Los Angeles Times. Архивирано од изворникот на October 23, 2016. Посетено на April 21, 2020.
  23. ↑ Празен навод (help)
  24. ↑ Goodman, Elizabeth (October 11, 2006). „On the Charts: Evanescence Debut at Number One, Killers Defy Weak Reviews“. Rolling Stone. Архивирано од изворникот на July 31, 2017. Посетено на September 16, 2017.
  25. ↑ „Reviews for Sam's Town by The Killers“. Metacritic. Архивирано од изворникот на February 20, 2019. Посетено на July 16, 2014.
  26. ↑ Bracelin, Jason (October 12, 2006). „Killers' second album strikes higher chord“. Las Vegas Review-Journal. Архивирано од изворникот на December 10, 2008.
  27. ↑ „EMI cues up feast of fresh albums“. Music Week. October 1, 2005.
  28. ↑ Akbar, Arifa (February 15, 2007). „Arctic Monkeys scoop two Brits but shun 'mainstream' show“. The Independent. London. Архивирано од изворникот на June 18, 2022. Посетено на April 26, 2008.
  29. ↑ Празен навод (help)
  30. ↑ Rayner, Ben (November 13, 2007). „Celine takes a chance“. Toronto Star. Архивирано од изворникот на December 8, 2008. Посетено на May 2, 2008.
  31. ↑ Trendell, Andrew (August 1, 2014). „"Human" by The Killers voted 'most baffling lyric'“. Gigwise. Архивирано од изворникот на September 15, 2014. Посетено на September 15, 2014.
  32. ↑ „Day & Age — The Killers“. Billboard. December 9, 2009. Архивирано од изворникот на June 5, 2011. Посетено на April 21, 2020.
  33. ↑ Bychawski, Adam (January 18, 2010). „The Killers announce they are going on 'hiatus' after current tour“. NME. Архивирано од изворникот на March 4, 2016. Посетено на April 21, 2020.
  34. ↑ „The Killers, Jane's Addiction y Kanye West encabezan el primer show internacional de Lollapalooza“ (шпански). Puntoticket.com. Архивирано од изворникот на August 8, 2011. Посетено на September 13, 2015.
  35. ↑ „Ischgl – Fulminanter Saisonabschluss mit "The Killers"“ (германски). Ischgl.com. Архивирано од изворникот на October 17, 2015. Посетено на September 13, 2015.
  36. ↑ Graff, Gary (July 21, 2011). „Bob Seger, Kid Rock, The Killers Top Inaugural Orlando Calling Fest Lineup“. Billboard. Архивирано од изворникот на August 20, 2020. Посетено на April 21, 2020.
  37. ↑ Bychawski, Adam (May 28, 2012). „The Killers name their new album“. NME. Архивирано од изворникот на November 14, 2012. Посетено на September 17, 2012.
  38. ↑ „The Killers - Battle Born: Official Album Trailer“. YouTube. Архивирано од изворникот на 2023-10-31. Посетено на 2024-04-05.CS1-одржување: бот: непознат статус на изворната URL (link)
  39. ↑ McGovern, Kyle (September 16, 2013). „The Killers Team With M83 for One Glistening 'Shot at the Night'“. Spin. Архивирано од изворникот на April 6, 2018. Посетено на April 5, 2018.
  40. ↑ Buchanan, Brett (May 24, 2016). „The Killers Bassist Announces Indefinite Hiatus From Touring With Band“. AlternativeNation.net. Архивирано од изворникот на August 13, 2016. Посетено на December 10, 2016.
  41. ↑ Erlewine, Stephen Thomas. „Wonderful Wonderful - The Killers“. AllMusic. Архивирано од изворникот на April 22, 2022. Посетено на November 22, 2019.
  42. ↑ „Listen to The Killers' new single 'The Man'“. NME. June 14, 2017. Архивирано од изворникот на April 26, 2020. Посетено на November 22, 2019.
  43. ↑ Foster, Alistair (10 December 2018). „Killers guitarist: Walking away from band was hardest decision“. www.standard.co.uk (англиски). Архивирано од изворникот на January 9, 2021. Посетено на 5 January 2021.
  44. ↑ Празен навод (help)
  45. ↑ „The Killers' Wonderful Wonderful becomes their fifth UK Number 1 album“. Official Charts. Архивирано од изворникот на February 18, 2020. Посетено на October 7, 2017.
  46. ↑ „The Killers Release New Song "Land Of The Free" & Music Video By Spike Lee“. Music News Net. Архивирано од изворникот на January 15, 2019. Посетено на January 14, 2019.
  47. ↑ „The Killers Announce New Album Imploding the Mirage“. Pitchfork. November 15, 2019. Архивирано од изворникот на November 15, 2019. Посетено на November 15, 2019.
  48. ↑ „Listen to The Killers teasing new track Caution, out this Thursday“. NME. March 10, 2020. Архивирано од изворникот на March 12, 2020. Посетено на March 10, 2020.
  49. ↑ Greene, Andy (May 5, 2020). „How the Killers Started Over Again“. Rolling Stone. Архивирано од изворникот на June 21, 2020. Посетено на May 6, 2020.
  50. ↑ Reilly, Nick (July 15, 2020). „The Killers confirm 'Imploding The Mirage' release date and share 'My Own Soul's Warning' video“. NME. Архивирано од изворникот на July 16, 2020. Посетено на July 15, 2020.
  51. ↑ Trendell, Andrew (August 21, 2020). „The Killers: "Music made it possible for me to dream"“. NME. Архивирано од изворникот на August 22, 2020. Посетено на August 23, 2020.
  52. ↑ Krol, Charlotte (January 25, 2021). „The Killers reunite with guitarist Dave Keuning in studio for band's new album“. NME. Архивирано од изворникот на June 28, 2021. Посетено на July 6, 2021.
  53. ↑ Празен навод (help)
  54. ↑ „Bruce Springsteen Talks 'Broadway' Return, New Music with Killers and John Mellencamp, and 2022 tour?“. Variety. June 10, 2021. Архивирано од изворникот на June 11, 2021. Посетено на 2021-06-10.
  55. ↑ „The Killers announce seventh album 'Pressure Machine'“. Nme.com. July 19, 2021. Архивирано од изворникот на August 4, 2021. Посетено на August 14, 2021.
  56. ↑ Празен навод (help)
  57. ↑ „The Killers have made "a good start" on their eighth album, says Dave Keuning“. Nme.com. June 29, 2021. Архивирано од изворникот на August 2, 2021. Посетено на August 14, 2021.
  58. ↑ Lavin, Will (8 July 2022). „The Killers are planning to release a new album early next year“. NME. Архивирано од изворникот на August 11, 2022. Посетено на 11 July 2022.
  59. ↑ Beaumont, Mark (2022-07-11). „How the live premiere of The Killers' new song 'Boy' could point to a bold future“. NME (англиски). Архивирано од изворникот на July 13, 2022. Посетено на 2022-07-13.
  60. ↑ Sun, Michael (2023-08-16). „Booing and walkouts after the Killers tell Georgia audience Russian is their 'brother'“. The Guardian (англиски). Архивирано од изворникот на August 16, 2023. Посетено на 2023-08-16.
  61. ↑ Brodsky, Rachel (August 15, 2023). „The Killers Apologize For Bringing Russian Fan Onstage In Georgia, Telling Crowd They're All "Brothers"“. Stereogum. Архивирано од изворникот на August 22, 2023. Посетено на August 22, 2023.
  62. ↑ Deville, Chris (December 25, 2023). „Lankum: "That's the circumstances that brought about us in the band… Grim, but having quite a good time"“. Loud & Quiet. Посетено на December 29, 2023.

Надворешни врски

[уреди | уреди извор]
Нормативна контрола
Преземено од „https://mk.wikipedia.org/w/index.php?title=The_Killers&oldid=5189813“