Шлеско Војводство

Шлеско Војводство Województwo śląskie
војводство
Знаме Грб
Местоположба во Полска
Окрузи во Шлеското Војводство
Земја	Полска
Capital	Катовице
Окрузи	19 градски, 17 земски *
Површина
• Вкупно	12.333,09 км2 (476,183 ми2)
Население (30-06-2014)
• Вкупно	4.593.358
• Густина	370/км2 (1,000/ми2)
• Градскo	3.675.602
• Селско	1.001.381
Рег. таб.	S
Мреж. место	silesia-region.pl
понатаму се делат на 167 општини

Шлеско Војводство (полски: województwo śląskie, шлески: Ślůnske wojewůdztwo, германски: Woiwodschaft Schlesien) — војводство во историската област Горна Шлеска, јужна Полска. Главен и најголем град е Катовице.

Иако војводството го носи тоа име, највеќето од историската област Шлеска денес е поделена меѓу Лубушкото, Долношлеското и Ополското Војводство, додека пак источниот дел од војводството (и особено Ченстохова на север) ѝ припаѓа на историската област Малополска.

Војводството е создадено на 1 јануари 1999 г. од дотогашните војводства Катовичко, Ченстоховско и Бјелско, согласно управната реформа усвоена претходната година.

Ова е најгусто населеното војводство во Полска со речиси 5 милиони жители на површина од 12.300 км².^[1] Исто така претставува најголемото урбано подрачје во цела Средна и Источна Европа.^[2] Во стопански поглед, војводството учествува со 13 % од вкупниот БДП на Полска.^[2][3][4]

Шлеското Војводство се граничи со Чешка и Словачка на југ, како и уште четири полски војводства: Ополското на запад, Лоѓското на север, Светокришкото на североисток и Малополското Војводство на исток.

Областа ги опфаќа Шлеската Висорамнина во средиштето и на северозапад и Краковско-ченстоховската Јура на североисток. Јужната граница ја образуваат Бескидите (Шлеските и Живјечките).

Денешното Војводство е само мал дел од историската област Шлеска, која се протега Ополското, Долношлеското и Лубушкото Војводство, а во помала мера и во Чешка и Германија. Од друга страна пак, доста голем дел од војводството нема географска врска со историската Шлеска (како на пр. Ченстохова, Завјерќе, Мишкув, Јавожно, Сосновјец, Живјец, Домброва Гурнича, Бенѓин и источниот дел од Бјелско-Бјала, кои се во историската област Малополска).

Шлеското Војводство е најгусто населено во земјата (со 379 жит./км², споредено со државниот просек од 124 жит./км²). Поради високоразвиената индустрија, има најниска стапка на невработеност (6,2 %) од сите војводства. Степенот на урбанизација е голем, при што 78 % населението живее во градовите.

Северниот и јужниот дел од војводството се опкружени со зелен појас. Бјелско-Бјала е обиколен од венецот Бескиди, познат по зимските спортови. На планините има вкупно 150 жичници и 200 километри скијачки патеки. Најпосетени скијачки места се Шчирк, Брена, Висла и Устроњ. Во Краковско-ченстоховската Јура е застапено искачувањето. На истото подрачје забележителна е Патеката на Орловите Гнезда која минува покрај разни срушени замоци. Голема посетеност има светилиштето Јасна Гура во Ченстохова, со 4 милиони поклоници годишно. Во југозападниот дел на војводството има паркови, дворци и стар манастир (Руди, Воѓислав Шлонски). Долж реката Одра се протегаат природни резервати.

Со повеќе од два века индустриска историја, областа има и низа споменици на техниката. Тука спаѓаат железници, рудници за јаглен и сребро и рударска опрема од XIX и XX век.

Поради степенот на урбанизација и индустријализација, војводството има необично голем број градови — дури 12 од 40-те најголеми градови во Полска. 19 од нив имаат статус на градски окрузи — несразмерно повеќе од секое друго војводство. Војводството има вкупно 71 градски населени места, тука наведени по број на жители според состојбата во 2006 г.^[5]):

Шлеското Војводство е поделено на 36 окрузи, од кои 19 се градски, а 17 се земски. Тие пак се поделени на вкупно 167 општини.

• Шлеска
• Шлески јазик
• Шлески востанија

„Шлеско Војводство“ на Ризницата ?

• Шлеско Војводство Архивирано на 16 март 2010 г. — официјална страница
• Портал на Шлеска

п р у Окрузи во Шлеското Војводство Градски Битом Бјелско-Бјала Гливице Домброва Гурнича Жори Забже Јавожно Јастшембје-Здруј Катовице Мисловице Пјекари Шлонске Рибњик Руда Шлонска Сосновјец Тихи Хожув Ченстохова Швјентохловице Шемјановице Шлонске Земски Бенѓински Бјелски Бјеруњско-ленѓински Воѓиславски Гливички Живјечки Завјерќански Клобучки Лублинечки Миколувски Мишкувски Пшчински Раќибушки Рибњички Тарногурски Ќешински Ченстоховски

п р у Војводства во Полска Варминско-мазурско Големополско Долношлеско Западнопоморско Кујавско-поморско Лоѓско Лублинско Лубушко Мазовско Малополско Ополско Подласко Поморско Поткарпатско Светокришко Шлеско

50°20′00″N 19°00′01″E / 50.33333° СГШ; 19.00028° ИГД / 50.33333; 19.00028