Влажност

Влажност — поим кој означува количество на водена пареа во воздухот, и може да се однесува на неколку мерки за влажност. Формално, влажноста се смета за мешавина на водена пареа и други состојки на воздухот, а влажноста се дефинира како количеството на вода во мешавината, наречена апсолутна влажност.^[1] Во секојдневна употреба, поимот „влажност“ се однесува на релативната влажност, која во метеорологијата и домашните инструменти се изразува како постоток. Специфична влажност е соодносот помеѓу количината на водена пареа во мешавината со вкупната содржина на воздухот (по единица маса). Водената пареа во мешавината може да се изрази како маса по зафатнина, или како делумен притисок, зависно од употребата.

Во метеорологијата, влажноста е показател за веројатноста од врнежи, роса или магла. Високата релативна влажност ја намалува делотворноста на потењето при разладување на телото со тоа што ја намалува стапката на испарување на влага од кожата. Овој ефект се пресметува во табела на топлински показател то се користи летно време.

Апсолутната влажност (AH) е количеството на водена пареа по единица зафатнина. Масата на водената пареа, ${\displaystyle m_{w}}$, по единица зафатнина на севкупната мешавина од воздух и пареа, ${\displaystyle V_{net}}$, може да се изрази на следниов начин:

${\displaystyle AH={m_{w} \over V_{net}}.}$

Апсолутната влажност на воздухот се движи од 0 до приближно 30 [[гр/м³]] кога воздухот е заситен на 30 °C.

Апсолутната влажност се менува со промената на воздушниот притисок. Ова е мошне незгодно во пресметките во хемиското инженерство, каде температурата во голема мера се разликува од случај до случај. Поради ова, апсолутната влажност во оваа наука се дефинира како масата на водена пареа по единица маса сув воздух, која е многу построга кога се во прашање пресметките на топлина и масена рамнотежа.

Релативна влажност (РВ) е поим што го означува количеството на водена пареа во мешавината од воздух и водена пареа. Се дефинира како соодносот на делумниот притисок на водената пареа во мешавината со притисокот на заситената пареа при тие услови. Релативната влажност на воздухот зависи не само од температурата, туку и од притисокот на дадениот систем.

Релативната влажност обично се изразува како постоток што се добива со следнава равенка: соодносот на делумниот притисок на водената пареа (H₂O) ${\displaystyle \left({e_{w}}\right)}$ во мешавината со притисокот на заситената пареа ${\displaystyle \left({{e^{*}}_{w}}\right)}$ при дадена температура.

^[2]

${\displaystyle \phi ={{e_{w}} \over {{e^{*}}_{w}}}\times 100\%}$

Релативната влажност е важна мерка во временската прогноза и метеоролошките билтени за изразување на веројатноста од врнежи, роса или магла. Во топло летно време, покачувањето на релативната влажност ја зголемува привидна температура кај луѓето (и други животни), спречувајќи (или отежнувајќи) го испарувањето на потта од кожата. На пример, според топлинскиот показател, релативната влажност од 75% при 27 °C се чувствува како 28,652 °C ±0,7 °C при релативна влажност од ~44%.^[3][4]

Специфична влажност (СВ) е соодносот на водена пареа со сув воздух во дадена маса. Се изразува како масата на пареа ${\displaystyle m_{v}}$, по единица маса сув воздух ${\displaystyle m_{a}}$ ^[5] .

Соодносот се дефинира како:

${\displaystyle CB={m_{v} \over m_{a}}.}$

Специфичната влажност може да се изрази и на други начини:

${\displaystyle CB={0,622{p_{(H_{2}O)}} \over {p_{(suvvozduh)}}}}$

или:

${\displaystyle CB={{0,622p_{(H_{2}O)}} \over {p-p_{(H_{2}O)}}}.}$

Користејќи ја дефиницијата за специфична влажност, релативната влажност може да се изрази како

${\displaystyle \phi ={{CB*p} \over {(0,622+CB)p_{(H_{2}O)}^{*}}}\times 100}$

Покрај тоа, во метеорологијата специфичната влажност може да се дефинира и како соодносот на водената пареа со вкупната маса на системот.^[6]

Постојат разни уреди за утврдување и регулација на влажноста. Инструментот што мери влажност се нарекува влагомер (хигрометар или психрометар). Хумидстат е прекинувач чувствителен на влага што наоѓа примена кај овлажнувачите и сушачите на воздух.

На глобално ниво, влажноста се мери со сателити што ја утврдуваат количината на вода во тропосферата, на висина од 4 до 12 км, а опремени се и со сензори за инфрацрвено зрачење. Водената пареа го впива зрачењето и повторно го оддава во овој спектрален појас. Ова игра важна улога во надгледувањето на климатските услови (на пр. кога се образуваат бури од грмотевици) и во прогнозирање на времето.

• „Влага“ - расказ на српскиот писател Давид Албахари.^[7]

• Релативна влажност
• Концентрација
• Точка на роса
• Влагомер
• Хумидор

• Релативна влажност на воздухот во Скопје и други показатели Архивирано на 10 април 2012 г. - ФИНКИ (македонски)
• Пресметувач на влажноста со 16 параметри (англиски)