Sudan
Sudan atau sacaro rasmi Republik Sudan adolah sabuah nagara di Afrika Timur Laut. Babatehan jo Republik Afrika Tangah di barat daya, Chad di barat, Mesir di utara, Eritrea di timur laut, Ethiopia di tenggara, Libya di barat laut, Sudan Selatan di selatan, jo Laut Sirah di timur. Sudan mampunyoi garih pantai sapanjang 853 km (530 mil) mahadok Laut Sirah.[1] Titiak ta tinggi nagara ko iolah Kaldera Deriba nan barado di Pagunuangan Marrah.[2] Nagara ko ba ibu kota Khartoum. Pado 9 Juli 2011, bagian selatan nagara ko mamerdekaan diri manjadi Sudan Selatan dan manjadi nagara tamudo di dunia nan diakui.[3]
Kini ko, politik Sudan balansuang dalam karangko pamarentahan samantaro federal. Sabalumnyo, surang Presiden adolah kapalo nagara jo kapalo pamarentahan, jo sistem multi partai. Kuaso legislatif dipacik dek Legislatif Nasional nan tadiri dari Majelis Nasional jo Dewan Negara. Paradilan basifat independen nan dipimpin dek Mahkamah Konstitusi.[4]
Pado tahun 2024, panduduak nagara ko dipakiroan sabanyak 50.467.278 jiwa.[5] Sakitar 70% dari panduduaknyo marupokan urang Arab. Etnis lainnyo tamasuak urang Beja, Fur, Nubia, Nuba dan Koptik. Hampia kasadoannyo mamaluak agamo Islam.[6][7]
Rujuakan
[suntiang | suntiang sumber]- ↑ "Sudan geography". Institute for Security Studies. 12 January 2005. Diarsipkan dari versi asli tanggal 13 May 2011.
- ↑ "Sudan". Country Studies. n.d. Diakses tanggal 26 June 2010.
- ↑ Collins, Robert O. (2008). A History of Modern Sudan. Cambridge University Press. ISBN 978-0-521-85820-5.
- ↑ "Africa :: Sudan — The World Factbook - Central Intelligence Agency". www.cia.gov. Diakses tanggal October 3, 2019.
- ↑ "Explore all countries–Sudan". World Fact Book. Diakses tanggal 24 Oktober 2022.
- ↑ "World Directory of Minorities and Indigenous Peoples – Sudan: Copts". Minority Rights Group International. 2008. Diakses tanggal 21 December 2010.
- ↑ "Copts migration". Sudanupdate.org.