Tungsteno

Chèlla us ché la gh'ha mia di foncc o i è tròp póche. Per piasér, zónta di fóncc a la us. Issé de ìga ön'idéa di ótre us senza fóncc, ardì ché.

El tungsténo l'è 'n elemènt chìmich enserìt endèla tàola periòdica dei elemèncc col sìmbol W (de la paròla "wolframio" che l'è 'n ótra maniéra de ciamà chèsto elemènt). El g'ha nömer atòmich 74, che völ dì che 'l nùcleo de 'n àtom de tungsténo el g'ha 74 prutù. La paròla tungsténo la par vègner de le paròle svedéze "tung"+"sten" che völ dì "préda düra".

L'è 'n metàl de tranzisiù che g'ha 'n culùr che 'l va del gris al bianch arzentàt. L'è 'n metàl dür fés e 'ntra töcc i elemèncc l'è chèl che g'ha 'l pónt de fuziù piö alt (3695 K) dòpo del carbonio (3773 K).

La stat puro se 'l dòpràa per fabricà i filamèncc de le lampadìne elètriche a 'ncandescènsa, ma apò a per le rezistènse dei fùregn elètrich co atmosféra redütùra o nèutre, contàcc elètrich per i distribüdùr de màchine, ma apò a come proiètil anticar, per via del sò pónt de füziù elevàt.