Studi de l'Internet

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quest articol chì l'è scrivud in lombard, con la Noeuva Ortografia Lombarda

I studi de l'Internet l'è 'n grup de studi interdisciplinàr che 'l studia i dimension sociai, psicologeghe, politeghe, tecneghe, colturai e compagne de l'Internet e di tecnologie de informazzion e de comunicazzion sociade. L'aspet uman de l'Internet l 'è 'n soget de studi precis in sto camp.^[1] Anca se 'l po vesser fad pussee facil, el focus de 'sti studi chi l'è despess minga in su la tecnologìa deperlee quant che in sui circostanze sociai che la crea o la influenza.

Anca se i studi de l'Internet inn sgiamò spantegad in di discipline academiche, la gh'è una collaborazzion che l'è dree a cresser in tra 'sti investigazzion. In di agn passad, i studi de l'internet inn deventad di cors istituzzionalizad in vari istruzzion superior. Discipline vesine se troeuven in vari dipartiment con di nom diferent, compagne de "Internet e Società", "società virtual", "coltura digital", "noeuv media" o "media convergent", "iSchools", o program compagn de "Media in Transizion" al MIT.^[2] De la banda de la ricerca, i studi de l'Internet se intersechen cont i studi de la cibercoltura, l'interazzion om-computer e i studi de scenza e tecnologia.

Internet e società l'è 'n camp de ricerca che 'l trata la relazzion reciproca de internet e de la società, cioè comè la società l'ha mudad l'Internet e come l'Internet l'ha mudad la società.^[3]

El tema di temateghe sociai ligade a l'Internet l'è deventad pussee important del nasser del World Wide Web, e 'l se po vedè anca del fad che ei giornai hann tacad a publegà tancc de storie in su argomént compagn de l'amor cibernetegh, l'oeudi cibernetegh , el Web 2.0, el crimen informategh, la politega online, l'economia via internet, ecc.

1. ↑ Brügger, Niels (2012). "When the Present Web is Later the Past: Web Historiography, Digital History, and Internet Studies". Historical Social Research 37 (4 (142)): 102–117. ISSN 0172-6404. 
2. ↑ Silver, David (2004). "Internet/cyberculture/digital culture/new media/fill-in-the-blank studies". New Media & Society 6 (1): 55–64. DOI:10.1177/1461444804039915. 
3. ↑ Sagástegui, Diana. "La apropiación social de la tecnología. Un enfoque sociocultural del conocimiento.". Razón y Palabra 49: 1–18.