Emilio De Bono
|
Quest articol chì l'è scrivud in lombard, con la Noeuva Ortografia Lombarda |
L'Emilio De Bono (Cassan d'Ada, 19 de marz 1866 - Verona, 11 de sginer 1944) a l'è stad un general e politegh italian. Senator del Regn in la legislatura quella de XXVI, l'era un member del Partid Nazzional Fassista e l'ha tolt part a la marcia su Roma, oltra che vesser part del Gran Consili del Fassism. 'Me militar, l'è stad Maresciall d'Italia e l'ha tolt part a la guerra italo-turca, a la prima guerra mondial e a la guerra d'Etiopia.
In del 1943 el vota a favor de l'orden del dì Grandi, o ben la sfiducia del Benito Mussolini, e l'è poeu caturad a Roma di trupe de la noeuva Republega Social Italiana intant che 'l andava in sgir in bicicleta. Portad a Verona, l'è processad in del process de Verona e condanad a mort per volt tradiment, anca se in principi el tribunal l'haveva votad per l'assoluzzion, ma l'Enrico Vezzalini i ha convint, infin, a condanàll, dopo havé acusad i magistrad de vesser debol, 'me cuntad del Renzo Montagna.
El gerarca l'ha respondud "me ciollee propi poch, gh'hoo 78 agn" e l'ha domandad 'na grazzia, che l'è negada, e l'è fusilad el 11 de sginer de l'ann adree.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikisource el gh'ha dent una pagina dedicada a Emilio De Bono
Wikiquote el gh'ha dent citazzion de o su Emilio De Bono
Wikimedia Commons el gh'ha dent imagin o alter archivi su Emilio De Bono
