Cometa
|
|
Chest artícol a l'è scricc in Lumbàrt, ortograféa orientàl unificàda. |
'Na cométa l'è 'n còrp celèst furmàt de gias, pólver e córne che gìra entùren al Sul sö òrbite elìtiche, parabòliche o iperbòliche. Le cométe, ensèma coi asteròidi, i pianéti e i satèliti natürai, i fà part del Sistema Solar. La gran part de chèst còrp celèscc i descrìf dele òrbite alìtiche conden ecentricità granda, e chèsto el fà che el perìot orbitàl el sàbe de sòlet bèl lónch. A diferènsa dei asteròidi, le cométe i è còrp sòlidi facc de materiài che süblìma quan che i se tróa arènt al Sul. Le corèncc de pólver e gas che se fùrma le gènera 'na atmosféra grànda ma ràra entùren al nùcleo, che vé ciamàda chiòma, envéce la fórsa che agés sö la chiòma de la presiù de la radiasiù del Sul, e suradetöt del vènt solar, le mìna a la formasiù de 'na cùa che pöl rià come dimensiù pò a giöna o piö UA che pùnta en diresiù cuntrària al Sul. La cùa l'è furmàda de pólver e gas iunizàt.