Archaea

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

I Archaea inn una partizzion de la vita cellular, a segonda de la classifegazzion fann su un regn o un domini. Desgià che gh'hann minga el nucli, inn considerad di procariota e inn stad a longh considerad 'me di bateri, ma poeu el s'è scernid de partìj per via di varie diferenze, per esempi el fat che i mecaneghe del so metabolismo inn pussee vesine a quei di eucariota che di bateri, oltra a vari element chimegh che inn propi di archaea e basta, e poden per esempi trovà 'me nutriment un frach de roba compagna de l'amoniaca, di ion de ferr e fina a l'idrogen: per quella reson chi vari archaea inn estremofil e la pupart de quell che se sa l'è ligad a roba trovada in situazzion estreme, despess 'me tochei de DNA.

I archaea, comunque, se troeuven anca in del microbiota de 'n poo de vesser vivent, anca in di omen. Se cognossen no di patogen o di parassita in 'sta familia, ma se cognossen vari mutualista e commensai.

• Archaea vs Batteri: troviamo le differenze!

• Wikimedia Commons el gh'ha dent imagin o alter archivi su Archaea
• Wikispecies el gh'ha dent informazzion su Archaea