Oearpuuetige

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De oearpuuetige (Letien: Remipedia) vörmen 'n klas van klein krabechtige. 't Zeen blinj, wörmechtige bewoeaners van deep grotte die in verbinjing staon mitte zieë.

Oearpuuetige zeen klein, blinj, wörmechtige krabechtige mit hieël primitief kènmirke. Ze zeen kluuerloos en bestaon oet e cephalon (de kop), gevolg door toet twieëendertig weinig gedifferentieerdje segmente die allemaol e paar aafgepladje puuetjes drage. De bieësjkes zwummen oppe rögk, wobie de ziejlings ingepaodje puuetjes synchroean bewaege. De ieëste maxille zeen ómgevörmp toet e paar gifkake en 't ènsigs paar maxillipede haet 'n griepfunctie.

Oearpuuetige kómme veur in deep kösgrotte bie Australië, d'n Indischen Oceaan, de Canarische eilenj en oppe Caraïbe. De ieëste besjreve saort waas 't 315 miljoen jaor aad fossiel Tesnusocaris goldichi oet 't Ónger-Silesiaan.

• Riek: Animalia (dere)
  • Óngerriek: Eumetazoa (orgaandere)
    • Klaad: Protostomia (oermunjige)
      • Superstam: Ecdysozoa (hujingsbieëster)
        • Stam: Arthropoda (gelidpuuetige)
          • Óngerstam: Crustacea (krabechtige)