Hagen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Hagen is 'n krinkloes stad (stad die neet behuurt bis 'ne krink of Kreis, dus Kreisfrei is) inne middel vaan Noordrien-Wesfale. De Wesfaalse plaots vilt oonder 't Regierungbezirk Arnsberg en ligk neve Dortmund en de kring Ennepe-Roer-Kreis, Märkischer Kreis en Kreis Unna. Hagen ligk op 'n hoegte vaan 106 meter. De stad heet 'n oppervlak vaan 160,35 km², en volgens de census vaan 2014 gief 't dao 185.996 inwoeners. Heimèt heet 't 'n bevolkingsdeechte vaan 1160 de veerkante kilometer. Sinds de nuie stadsraod vaan 2014 is de SPD de groetse polletieke partie mèt 21 zetels. Op de twiede en daarde plaots komme daan zjus CDU (20) en de Grüne (6). In Hagen gief 't 'n universiteit, naomelek Fernuniversität in Hagen. Dit is de innegste Fernuniversität (universiteit die veural boete 'ne campus ziech aofspäöle, in dit geval geine campus) die oonder d'n Duutse staot vilt 't Gief wijer drei hoegesjaole in de stad. De stad besteit oet vief distrikte.

• Duutstaolege Wikipedia