Komárno

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Komárno (Hóngaars: Komárom, Duutsj: Komorn, Servisch: Komoran/Коморан) is 'n stad in Slowakieje de ligk ane reveer d'n Donau enne Váh. In 2020 haw Komárna 33.539 inwoonders, wovan 18.506 Hóngaren en 11.509 Slowake. De stad is d'n historische zetel vanne Serbische nasjenaal minderheid in Slowakieje. In Komárno vörme de Hóngaren 'n mieëderheid van juus bao de hèlf vanne bevölking en dore centraal ligk vanne stad is die ouch 't centrum vanne Hóngaarse minderheid in Slowakieje. Anen euverkantj vanne Donau ligk 't Hóngaars deil Komárom. Dees twieë deil zeen verbónje door 'n brögk euvere reveer.

De ieëste vermeljing vanne stad kump oet 1075. Doe waas die ein vanne wichtigste vestinge van 't Keuninkriek Hóngarieje en ein vanne min stej die noeatj dore Osmane vereuverd woren is.

Nao d'n Ieëste Werreldkrieg woort in 1920 d'n Donau es de grens genómme tössen Hóngariejen en 't nuuj landj Sjekkeslowakieje. Daodoor woort Komárno in twieë deil gesplits, wobie 't naordelik deil (en ouch de binnestad) ónger Sjekkeslowakieje koom te valle. 't Stadsdeil t'n zuje vanne reveer bleef Hóngaars.