Silabario

Un silabario es un colie de sinias scriveda cual representa la silabas cual composa parolas. La sinia es nomida un "silabogram", tipal representa un sona consonantal segueda par un sona vocal, pd un silaba CV o V, e en alga linguas CVC, CV on tono, e C (tipal nasales a la fini de un silaba).

Linguas cual usa silabarios inclui japanes, tsalaga (de un popla de americanes orijinal), vai (de Africa ueste), yi (de Asia sude-este), ndiuca (un creol engles de Suriname), tuhua (la alfabeta nuxi, de Xina sude-este), e elinica micenean ("linial B") e posible "linial A" de creta, nondesifrida.

La lingua japanes moderne usa du silabarios (hiragana e catacana) cual ia es developada sirca 700 ec. Car japanes usa xef la forma CV, un silabario es multe conveninte per scrive la lingua. La sinias xines, cuneforma, e la scrive maian es multe silabal, an si fundida sur logogrames. Per esta razona, an si comun nomida logografias, los es ance refereda como "logosilabal".