Dente umana

Dentes umana funsiona per rompe mecanical comeda par talia e crase los en prepara per engoli e dijesta. Donce, los es regardada como un parte de la sistem de dijesta umana. Umanas ave cuatro tipos de dentes: dentes siselinte, dentes canin, dentes premolente, e dentes molente, de cual cada ave un funsiona spesifada. La dentes siselinte talia la comeda, la dentes canin lasera la comeda e la dentes molente e premolente crase la comeda. La radises de dentes es caxida en la masila o la mandibula e es covreda par jenjiva. Dentes es composada de texedas multiple de densia e duria variante.

Umanas, como la plu de otra mamales, es difiodon, sinifiante ce los developa du colies de dentes. La colie prima, dentes de bebe, conteni normal 20 dentes a fini. Dentes de bebe comensa tipal apare ("eruta") sirca ses menses de eda e esta pote es distraente e/o dolosa per la bebe. Ma, alga bebes nase con un o plu dentes vidable, conoseda como dentes de nase.