Boca umana
En anatomia umana, la boca es la parte prima de la canal de dijesta cual reseta comeda e produi saliva. La mucosa bocal es la epitelio de la membrana mucosa cual fore la interna de la boca.
En ajunta a sua rol prima como la comensa de la sistem de dijesta, la boca ance jua un rol sinifiante en comunica. An si aspetas prima de la vose es produida en la garga, la lingua, labios, e mandibula es ance nesesada per produi la varia de sonas incluida en parla.
La boca es composada de du rejiones, la vestibulo e la caveta bocal propre. La boca, normal moiada, es foreda con un membrana mucosa, e conteni la dentes. La labios marca la traversa de la membrana mucosa a la pel, cual covre la plu de la corpo.