Cenia
| Republica de Cenia Jamhuri Ya Kenya Republic of Kenya | |||
|
| ||
| |||
| Informa jeneral | |||
| Capital: | Nairobi | ||
| Lingua ofisial: | Engles e suahili | ||
| Dirije | |||
| Governa: | Republica presidental | ||
| - Xef de stato: | Uhuru Kenyatta | ||
| - Xef de governa: | |||
| Otras | |||
| Area: | 580 367 km² | ||
| Popla: | 44 350 000 | ||
| Densia: | 53 | ||
| PIB: | US$ 51 731 milion | ||
| Mone: | |||
| Zona de ora: | EAT (UTC + 3) | ||
| Numero de telefon: | +254 | ||
| Interede: | .ke | ||
| |||
Cenia, ofisial la Republica Cenia, es un pais en Africa e un membro fundinte de la Comunia de Africa Este. Sua capital e site la plu grande es Nairobi.
Sua teritorio es a la ecuator e supra la Falion de Africa Este, covrente un tereno diversa e vasta cual estende aprosima de Lago Victoria asta Lago Turkana e plu a sude-este asta la Mar Indian. Lo es bordada par Tanzania a la sude e sude-ueste, Uganda a la ueste, Sudan Sude a la norde-ueste, Itiopia a la norde e Somalia a la norde-este. Cenia covre 581 309 km² e ia ave un popla de sirca 48 milion persones en janero 2017. La linguas major es engles e suahili.
Cenia ave un clima tropical, calda e umida a sua costa de la Mar Indian. La clima es min calda en la savana sirca la capital Nairobi e spesial prosima a Monte Cenia, cual ave sempre neva sur sua apicos. Plu interna es montanias en rejiones de la Vale Sentral e la Vale de Falion, do on crese te e cafe como recolies profitosa, un modo major de gania revenu stranjer. En la ueste es la rejiones Nyanza e Ueste, do on ave un clima ecuatoral, calda e seca, cual deveni seca sirca Lago Victoria, la plu grande de la lagos tropical de acua dulse en la mundo. Esta sede a partes colinosa, temperada e forestosa en la rejion visina a ueste. La rejiones norde-este longo la frontera con Somalia e Itiopia es areas seca e semiseca, con tereno simil a desertos.
Cenia es famosa per sua atletas eselente en atletisme lejera, e sua juores de rugbi. Par causa de sua clima e jeografia diversa, sua conserverias grande de viventes savaje, sua parces nasional, e sua plaias de arena blanca, Cenia es un sentro per safari moderna. Lo conteni ance alga locas de erita mundal como Lamu, e multe plaias, incluinte en Diani, Bamburi e Kilifi, do concursos internasional de iatores aveni en cada anio.
La rejion de la Lagos Grande African, de cual Cenia es un parte, ia es ja abitada par umanas en la periodo paleolitica basa. Ja en la milenio prima ec, la crese bantu ia ateni la rejion, veninte de Africa ueste-sentral. Per esta razona, la fronteras de la stato moderna formi un crus de vias de la areas nijer-congo, nilosaharan e afroasian de la continetne, representante la plu de la grupos etnolingual cual esiste en Africa. Poplas bantu e nilotica composa, en junta, sirca 97% de la abitores de la nasion.
La presentia european e arabi en Mombasa, a la costa, ia comensa en la temprana de la periodo moderna; la esplora de la interna par europeanes ia comensa en la sentenio 19. La Impero Brites ia institui la Protejeda de Africa Este en 1895, cual ia deveni la Colonia Cenia, comensante en 1920. Cenia ia deveni autonom en desembre 1963. Pos un referendo en agosto 2010 e la adota de un constitui nova, Cenia es aora divideda en 47 contias semiautonom, dirijeda par governores elejeda.
Nairobi, la capital, es un sentro comersial de la rejion. Mesurada par produi interna bruta, la economia de Cenia es la plu grande en Africa este e sentral. Cultiva es un empleor major: la pais esporta tradisional te e cafe e ia comensa plu resente esporta flores fresca a Europa. La industria de servis es economial importante. En ajunta, Cenia es un membro de la bloco comersial de la Comunia de Africa Este.
