Amiens

Amiens
Land	Frankräich
Regioun	Hauts-de-France
Departement	Somme
Arrondissement	Amiens
Kanton	Haaptuert vun de Kantonen Amiens-1, 2, 3, 4, 5, 6, 7
Postcode	80000
Gemengecode	80021
Koordinaten	49° 53’ 38.10’’ N       02° 17’ 39.25’’ O
Fläch	4.946 ha
Bevëlkerung	134.737 (2006)

D'Stad Amiens (Postcode 80000) ass d'Prefecture vum franséischen Departement Somme an der Regioun Hauts-de-France. Se huet eng Fläch vu knapps 50 km² an eng 135.000 Awunner.

Amiens ass Bëschofsëtz an Universitéitsstad.

D'Géigend, wou haut Amiens ass, war schonn an der Alsteenzäit bewunnt. Virun de Réimer hunn do Kelte gewunnt, déi hir Siidlung Ambiani genannt hunn (wouraus den haitegen Numm sech entwéckelt huet). D'Réimer goufen hir den Numm Samarobriva (lat.: Bréck iwwer d'Somme) an hu se zu enger vun de wichtegste Stied an der Provënz Belgica ausgebaut. Den Amphitheater hat Plaz fir 15.000 Leit. Am 5. Joerhonnert gouf Amines zu enger Festung ausgebaut, där gréisster nërdlech vun den Alpen.

Vum 18. Joerhonnert u war Amiens e wichtegen Industriesite, besonnesch vun der Duchindustrie. Am Éischten, mä virun allem am Zweete Weltkrich, goufen Deeler vun Amiens zerstéiert.

• D'gotesch Kathedral Notre-Dame vun Amiens, déi wéinst hirer Schéinheet op der Unesco-Lëscht vum Weltkulturierwe steet;
• de Beffroi;
• den Tour Perret, en 100 m héije Wollekekrazert, bis 1962 deen héchste vu Westeuropa.
• d'Hortillonnages, eng fréier Supp bei der Stad vun 300 ha, déi vu Kanäl duerchzu gëtt, an op där kleng Gäert a Parken ugeluecht sinn;

• Den Astronom Jean Baptiste Joseph Delambre an de Staatspresident Emmanuel Macron sinn do gebuer.
• De Jules Verne huet eng Zäit laang do gelieft, ass do gestuerwen a läit och do begruewen.

• Departement Somme
• Arrondissementer am Departement Somme
• Kantonen am Departement Somme
• Lëscht vun de Gemengen am Departement Somme

Commons: Amiens – Biller, Videoen oder Audiodateien

• Offiziell Säit vun der Stad Amiens