Weltbank

De Grupp vun der Weltbank ass eng spezialiséiert Ënnerorganisatioun vun de Vereente Natiounen. D'Weltbank an de Fonds monétaire international (FMI) goufen 1944 opgrond vun de Beschlëss vun der Konferenz vu Bretton Woods, gegrënnt. Hire Sëtz, grad wéi dee vun der Schwësterorganisatioun, dem Fonds monétaire international (FMI), ass zu Washington (D.C.). Si beschäftegt 9 300 Persounen. De Grupp vun der Weltbank hat ursprénglech den Zweck, d'Reconstructioun nom Zweete Weltkrich an den zerstéierte Länner ze finanzéieren.Hien ëmfasst fënnef Organisatiounen, déi hir eege Rechtdsperséinlechkeet hunn:

• International Bank fir d'Rekonstruktioun an d'Entwécklung (International Bank for Reconstruction and Development – IBRD)
• International Entwécklungsassociatioun (International Development Association – IDA)
• International Finanz-Korporatioun (International Finance Corporation – IFC)
• Multilateral Investitiouns-Garantie-Agentur (Multilateral Investment Guarantee Agency – MIGA)
• Internationalen Zenter fir d'Bäileeë vun Investitiounsstreidereien (International Center for the Settlement of Investment Disputes – ICSID)

De Weltbankgrupp ass verwaltungsméisseg verflecht an huet zesummen ee President.

De Begrëff "Weltbank" (am Géigesaz zur "Weltbankgrupp") ëmfasst nëmmen déi zwou éischt vun de fënnef méi héich opgeféierten Organisatiounen.

• Rot vun de Gouverneuren. All Land bezeechent e Gouverneur an e Vizegouverneur, déi all Joer un der Joresversammlung vum FMI deelhuelen. De Rot vun de Gouverneuren hëlt Entscheedungen a grondsätzleche Froen.
• Exekutivdirektorium, dee verantwortlech ass fir d'Ofwécklung vum deeglechen Geschäft.

• De Grupp vun der Weltbank gëtt vun engem Generaldirekter (Managing Director), deen och den Exekutivdirektorium presidéiert, geleet. Wéinst enger Ofmachung tëscht den USA a verschiddene westeuropäesche Länner ass de Generaldirekter vun der Weltbank ëmmer en Amerikaner, während dee vum Fonds monétaire international, en Europäer ass.

• D'Generaldirekteren vum FMI gëscht an haut:

Amtszäit	Numm
Juni - Dezember 1946	Eugene Meyer
Mäerz 1947 - Juni 1949	John Jay McCloy
Juli 1949 - Dezember 1962	Eugene R. Black
Januar 1963 - März 1968	George D. Woods
Abrëll 1968 - Juni 1981	Robert S. McNamara
Juli 1981 - Juni 1986	Alden W. Clausen
Juli 1986 - August 1991	Barber B. Conable
September 1991 - Mee 1995	Lewis T. Preston
Juni 1995 - Mee 2005	James D. Wolfensohn
Juni 2005 bis Juni 2007	Paul Wolfowitz
Juli 2007 bis Juni 2012	Robert Zoellick
Zanter Juli 2012	Jim Yong Kim Den Exekutivdirektorioum setzt sech aus dem Generaldirekter an 24 Exekutivdirekteren, déi vun de Memberlänner gewielt ginn, zesummen Nëmmen déi grouss Länner, wéi China, Däitschland, Groussbritannien, Frankräich a Russland verfügen iwwer genuch Stëmmen fir hiren eegenen Exekutivdirekter ze bestëmmen. Déi aner Länner musse sech a sougegannten constituencies (Gruppen) zesummenschléissen a fir opgrond vun internen Ofmachungen dann e Vertrieder an den Exekutivdirektorium kënnen ze schécken. Zil an Aufgaben D'Vertriedung vu Lëtzebuerg Gouverneur fir Lëtzebuerg bei der Weltbank ass de Minister Pierre Gramegna; säi Stellvertrieder ass den Arsène Jacoby. Lëtzebuerg gehéiert zu engem Lännergrupp (constituency), deem: Éisträich Wäissrussland (Belarus) d'Belsch Tschechien Kasachstan Lëtzebuerg d'Slowakei Slowenien Tierkei an Ungarn ugehéieren an deen duerch den Exekutivdirekter Gino Alzetta (Belsch) a säi Stellvertrieder Melih Nemli (Tierkei) am Exekutivdirektorium vum FMI vertrueden ass. Kuckt och Internationale Währungsfong (IMF oder FMI) Um Spaweck Den offiziell Internetsite vun der Weltbank¨     Commons: World Bank headquarters – Biller, Videoen oder Audiodateien