Пароль

Пароль (французча parole – сөз) – адамдын ким экендигин жана анын ыйгарым укуктарын аныктоо үчүн белгиленген жашыруун сөз же атайын терилген символдор. Көп учурда мамлекет тарабынан коргоого алынган маалыматтарды жашыруун сактоо үчүн аскердик (өзгөчө кайтарууга алынган маанилүү объектилерде), тышкы саясий, экономикалык, чалгындоо, контрчалгындоо жана ыкчам-иликтөө жаатында колдонулат. ЭЭМдин (компьютер ж. б.) колдонуучулары электрондук почтасын ж. б. маалыматтарды жашыруун сактоо максатында да пайдаланышат.

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9