Микен

Микен (Mycenae) – ежелден белгілі болған, Пелопонес (Грекия) түбегінің солтүстік-шығысындағы көне қала.

Табиғи құзды қамал, Агамемнонның көрнекті астанасы болған. Қола дәуірінде гүлденіп, Mикен мәдениетінің (микендер) орталығы саналған. Б.з.д 1400 жылы Эгей теңізіндегі ұлы держава, ал б.з.д 1100 жылы солтүстіктен дорий тайпасының басып кіруіне орай құлдырау кезеңін бастан кешіреді. 1840 жылы Микенде археологиялық зерттеу жұмыстары жүргізіле бастайды, алайда 1876 жылы Г.Шлиман керемет орындарды ашады. Зерттеу барысында «Арыстан қақпасы», акрополь, қойма, бірнеше патша мазары және жерлеу орындары табылған.