Ɛgandɩyɛ

Anasaayɩ ɛgandɩyɛ kɛna minziiki wonuu ŋgʋ pahʋlʋʋ-kʋ kʋhʋlʋ yɔ. Kwivri kelekele ñɩŋgʋ nɛ lɛɛtɔɔ ñɩɣlɩm wonuu polukina anasaayɩ ɛgandɩyɛ. Ɖɩwɛ hɔzʋʋ tɩyɛ. Anasaayɩ ɛgandɩyɛ ɖaɣlakɩŋ taa maɣna ɛzɩ mɛtɛnaa 1,50 yɔ mbʋ yɔ.

Anasaayɩ agandɛ wena polubina lɛɛtɔɔ ñɩɣlɩm wonuu yɔ, akɩlɩ ɖɔʋ kɛ wena polubina kwivri kekekele ñɩŋgʋ yɔ. Yee ɖɩkpaɣ anasaayɩ agandɛ mɩnʋʋ mbʋ yɔ yɔ, ɖɩnaɣ se poluba agandɛ hiŋ lʋbɛ nɛ lɛɛtɔɔ ñɩɣlɩm wonuu. Pʋcɔ ɛyʋ pɩzɩ ɛhʋlɩ anasaayɩ ɛgandɩyɛ lɛ, pʋpɔzʋʋ se feziŋ ɛtalɩ-ɩ ɖeu. Mbʋ payaɣ se didgeridoo yɔ, mbʋ kɛkɛŋna kajalaɣ ɛgandɩyɛ Ositraalii ɛjaɖɛ taa.

Egipiti ɛjaɖɛ taa pakɩlɩɣ anasaayɩ agandɛ lubu. Papazɩ-yɛ lubu yɔ, pɩlakɩ pɩnzɩ kudokiŋ naadozo mbʋ yɔ.

Dave Matthews Band at the Outside Lands 2009

Paana anasaayɩ aganda naayɛ naalɛ Toutânkhamon pɩlaʋ tɛ kumoɖe taa. Poluba lɛɛɖɛ nɛ sika nɛ lɛɛɖɛ nɛ liidiye ñɩɣyʋʋ.

Anasaayɩ agandɛ wena pahʋlʋʋ Room ɛjaɖɛ taa yɔ, a-hɩla yɔ : cornu, nɛ buccin, nɛ pɩtasɩna lituus.