Boru (çalğı aleti)

Boru - baqır nefesli ailesiniñ muzıka aletidir.

Alet eski zamanlardan berli bellidir. Bayağı vaqıt boru tabiiy alet edi, yani boru üzerinde tek esas notadan qurulğan tabiiy sesler sırasına ait seslerni icra etmek mümkün edi. Şunıñ içün klassitsizm devrinde çeşit-türlü tizilişli borular keniş tarqalıp, bu ya da diger eser yazılğan tonlamasına köre qullanıla edi.

Tek XIX asırnıñ başlarında, avalndırma maqamlıqlı borular inşa etilip, borularda hromatik gammasınıñ episi notalarını icra etmek imkânını teminledi. Avalandırma maqamlıqnıñ yardımı ile, çalğıcı avanı aletniñ bu ya da başqa tacından doğrulta bile. Böyle etip titregen avanıñ acimi arta, sesniñ yüksekligi ise tüşe. Borunıñ zemaneviy qurulışında sesni yarım tonğa, tonğa ve bir buçuq tonğa tüşürmek içün üç ventil qullanıla.

Boru çeşitleri - pikkolo, alt boru, bas boru.