Avatar: The Last Airbender

Avatar: The Legend of Aang
Tegund	Teiknimyndaþáttur Drama hasar gaman ævintýri
Búið til af	Michael Dante DiMartino Bryan Konietzko
Kynnir	Nickelodeon
Talsetning	Zach Tyler Eisen Mae Whitman Jack DeSena Dante Basco Jesse Flower Mako Iwamatsu Greg Baldwin Grey DeLisle Dee Bradley Baker Mark Hamill
Tónskáld	Jeremy Zuckerman Benjamin Wynn
Upprunaland	Bandaríkin
Frummál	Enska
Fjöldi þáttaraða	3
Fjöldi þátta	61
Framleiðsla
Aðalframleiðandi	Michael Dante DiMartino Bryan Konietzko Aaron Ehasz
Lengd þáttar	22 mín.
Framleiðsla	Nickelodeon Animation Studios DR Movie JM Animation MOI Animation
Útsending
Upprunaleg sjónvarpsstöð	Nickelodeon (2005-2008)
Sýnt	21. febrúar 2005 – 19. júlí 2008

Avatar: The Legend of Aang (þekktur í Bandaríkjunum sem Avatar: The Last Airbender) er bandarískur teiknimyndaþáttur saminn af Michael Dante DiMartino og Bryan Konietzko. Þátturinn fjallar um fjórar þjóðir sem geta hverjar beitt einum af fjórum náttúruöflunum - vatni, jörð, eldi og lofti. En aðeins einn einstaklingur getur beitt öll fjögur og kallast hann Avatar.

Aðalpersóna þáttana er 12-ára gamli Avatarinn Aang sem var frosinn í ísjaka í 100 ár og þarf að bjarga heiminum frá innrás Eldþjóðarinnar. Þættirnir hafa fengið lof gagnrýnenda og eiga þeir stóran og dyggan aðdáendahóp. Teiknistíll þáttana er byggður á japönskum teiknimyndum og nýtist einnig við asíska heimsspeki. Þættirnir voru sýndir á árunum 2005-2008. Árið 2010 kom út leikin kvikmynd byggð á þáttunum undir nafninum The Last Airbender sem fékk hræðilega dóma frá gagnrýnendum og aðdáendum þáttana. Í apríl 2012 hófst framhaldssyrpa Avatar-þáttana The Legend of Korra og lauk henni í desember 2014.

• Aang - aðalpersóna þáttana.12 ára gamall strákur frá suður-Lofthirðinni og er loftbeitir (Airbender). Aang er nýji Avatarinn sem var í heila öld frosinn í ísjaka en þarf að læra að stjórna öllum fjórum náttúruöflum til að stöðva Eldþjóðina. Aang er mikill fjörkálfur og oft getur hann ekki staðist tækifæri við að gera eitthvað skemmtilegt í frítímum sínum. Þrátt fyrir aldur hans er hann mjög þroskaður, vitur og hugrakkur. Aang er einnig mikill friðarsinni og kýs ekki ofbeldi nema ef ekkert annað kemur til greina. Raddsettur af Zach Tyler Eisen.

• Katara - 14 ára gömul stelpa frá Suður-Vatnsættbálknum og er vatnsbeitir (Waterbender). Hún finnur Aang og vill hjálpa honum að læra hin frumefnin. Hún er getur verið frekar þrjósk en er einnig umhyggjusöm og vill hjálpa þeim sem eru í vanda. Hún og Aang hafa sterkt vinasamband sem þróast í það að þau verða ástfangin af hvor öðru. Raddsett af Mae Whitman.

• Sokka - 15 ára gamall strákur. Eldri bróðir Katöru. Hann er ekki beitir en er alltaf tilbúinn að berjast og er grínisti þáttanna. Sokka þráir að vera mikill bardagamaður og leiðtogi eins og faðir hans. Raddsettur af Jack DeSena

• Zuko prins - 16 ára gamall krónprins Eldþjóðarinnar sem er eldbeitir (Firebender). Hann var bannfærður eftir að hann vanvirti herforingja og fær ekki að snúa aftur fyrr en hann hefur handsamað Avatarinn. Í fyrstu þáttaröðinni er hann aðal-andstæðingur Aangs, Katöru og Sokka og er harð ákveðinn í að ná Aang, sama hvað það kostar. Í annarri þáttaröðinni er Zuko og frændi hans, Iroh, álitnir föðurlandssvikarar og þurfa að fela sig í Jarðarkonungsdæminu þar sem Zuko fer að sýna meiri samúð gagnvart bændum og fólkinu sem þjást af hamförum stríðsins og reynir að komast að því hver hann er í raun og hvað hann vill. Í þriðju þáttaröðinni hefur Zuko loksins lært auðmýkt en snýr aftur til Eldþjóðarinnar sem krónprins. Að lokum finnur hann innlausn og ákveður að hjálpa Aang að stöðva föður sinn. Raddsettur af Dante Basco.

• Toph Beifong - 12 ára gömul blind stelpa sem er jarðbeitir (Earthbender). Hún er komin af ríkri fjölskyldu í Jarðarkonungsdæminu sem reynir alltaf að skýla henni. Hún gengur í liði með Aang til að kenna honum jarðarvald. Hún er ekki mikið fyrir að láta aðra hjálpa sér og segir hreint það sem henni finnst. Hún er oft dónaleg og getur verið frek en innst inni er hún góðhjörtuð og vingjarnleg, hún sýnir þá hlið yfirleitt þegar hún er að hugga aðra. Hún sér aðra með því að lesa titring úr jörðinni, einnig hefur hún mjög góða heyrn og getur jafnvel skynjað lygar. Raddsett af Jessie Flower.

• Iroh - 60 ára gamli frændi Zukos of fyrrverandi herforingi Eldþjóðarinnar sem fylgir honum í að elta uppi Avatarinn. Iroh er lærimeistari Zukos og kennir honum að það er meira í lífinu en bara heiður og að fólk stjórnar eigin örlögum. Hann missti son sinn í stríðinu og horfir á Zuko sem sinn eigin son (Einnig er Iroh nokkurs konar föðurímynd Zukos). Hann er þybbinn, vitur og kátur maður sem nýtur þess að drekka te. Raddsettur af Mako Iwamatsu (þáttaröð 1-2) og Greg Baldwin (þáttaröð 3).

• Azula prinsessa - 14 ára gamla yngri systir Zukos sem er eftirlæti föður þeirra og er fengin til að elta uppi Avatarinn í annari þáttaröð og er aðalandstæðingur Aangs og Zukos. Hún er grimmur fullkomnarsinni sem nýtur þess að spila með fólk. Raddsett af Grey Delisle.

• Appa - Fljúgandi vísundarveran hans Aangs og flytur hann og vini hans til hinna ýmsu staði. Ólíkt Momo skilur Appa mannamál en tjáir sig einungis með rýti og urri. Hann og Momo deila sterkri vináttu á milli sýn. Hljóð hans er gerð af Dee Bradley Baker.

• Momo - Fljúgandi lemúr sem Aang tekur aðsér og verður gæludýr gengisins. Hann og Appa eru miklir vinir. Þótt hann skilji ekki mannamál er hann samt mjög gáfaður. Hann tjáir sig einungis með apahljóðum. Hljóð hans eru gerð af Dee Bradley Baker.
• Suki - Leiðtogi ungra kvenkyns Kyoshi-hermanna. Hún er hæfileikaríkur meistari í bardagalistum og er bandamaður Avatarsins. Einnig er hún kærasta Sokka. Raddsett af Jennie Kwan.
• Mai - Dóttir ríkisstjóra frá Eldþjóðinni. Mai er ekki valdur en er samt sem áður hæfileikarík bardagakona sem er mjög markviss og missir sjaldan marks þegar hún kastar hnífum og pílum. Hún tjáir sig ekki mikið og talar yfirleitt bara þegar einhver talar við hana. Hún aðstoðar Azulu prinsessu og Ty Lee. Hún er einnig kærasta Zukos. Raddsett af Cricket Leigh.
• Ty Lee - Fimleikakona og sirkusstjarna frá Eldþjóðinni og trygg aðstoðarkona Azulu prinsessu. Hún er afskaplega lipur og hefur mikla kunnáttu á mannslíkamanum, það mikla kunnáttu að hún hefur þann hæfileika að slökkva á náttúruafl-valdi fólks tímabundið. Hún er mjög kát, sakleysisleg og bjartsýn. Raddsett af Olivia Hack.

• Ozai Elddrottinn - Aðalandstæðingur þáttanna. 45 ára miskunarlaus sadisti; faðir Zukos og Azulu, og yngri bróðir Irohs. Hann sækist eftir heimsyfirráðum og þarf Aang að sigra hann til að binda enda á stríðið. Hann skammast sýn fyrir Zuko og var oft mjög illgjarn við hann, hins vegar þykir honum vænt um Azula þar sem hann á margt sameiginlegt með henni og er stoltur af henni og hæfileikum hennar. Ozai er mjög máttugur eldvaldur og ræður landi sínu með harðri hendi og margir hræðast hann, meira að segja Aang er nokkuð smeykur við hann. Raddsettur af Mark Hamill.

Í heildina voru 61 þáttur framleiddur í þremur þáttaröðum eða bókum (Books).

  Þessi dægurmenningagrein er stubbur. Þú getur hjálpað til með því að bæta við greinina.