Roh Tae-woo

Roh Tae-woo
{{{Originala_nomo}}}
Prezidanto di Sud-Korea
Guvernisteso:	de la 25ma di februaro 1988 til la 25ma di februaro 1993
Precedanto:	Chun Doo-hwan
Sucedanto:	Kim Young-sam
Personal informi
Naskodato:	4 di decembro 1932
Naskoloko:	Daegu, Sud-Korea
Mortodato:	26 di oktobro 2021
Mortoloko:	Seoul, Sud-Korea
Spozo:	Kim Ok-suk
Profesiono:	militestro e politikistulo
Politikala partiso:	Hannara Dang

Roh Tae-woo (n. ye la 4ma di decembro 1932 en Daegu, Korea til la 26ma di oktobro 2021 en Seoul^[1]) esis Koreana generalo e politikisto. Il esis prezidanto di Sud-Korea de 1988 til 1993.

Amiko dil ex-generalo e prezidanto Chun Doo-hwan de skolo, Roh anke esis militisto. Kande Chun esis prezidanto, Roh selektesis dal ex-generalo por sucedar ilu kom prezidanto, igante granda demokratiala protesti en Seoul ed altra urbi en 1987. Respondante, Roh asentis pri havar elekto demokratiala. Opozanti votis a du simila kandidati Kim Young-sam e Kim Dae-jung e dividis la votado, facante Roh l'unesma prezidanto elektita demokratiale pos la militistala regno en Sud-Korea. La du opozanti pose divenis prezidanti di la lando.

Dum la guvernisteso di Roh, eventis l'Olimpiala Ludi en Seoul, 1988. Il anke stimulis diplomacala relati di Sud-Korea kun Popul-Republiko Chinia e Sovietia, por izolar Nord-Korea.

Pos divenir prezidanto en 1993, la sequanta prezidanto Kim Young-sam akuzis Roh e Chun pro suborno. Pose la du prezidanti ank akuzesis pro sedicio e trahizo ed anke pro lia roli en la stato-stroko di 1979 e la masakro di Gwangju en 1980.

Ambe judikesis kom kulpinta en agosto 1996 pri trahizo, sedicio e korupto. Chun recevis mortopuniso, qua pose chanjesis a enkarcerigo dumviva, e la periodo di karcero por Roh di 22,5 yari diminutesis a 17 yari pos apelo. Li ambe retrovenis de karcero en 1998.