Pakto di Nystad
*flave, Suedia ante la milito;
*verde, Rusia;
*La regioni ganita da Rusia indikesas per verda linei.
Tale nomizita pakto di Nystad (Ruse Ништадтский мир; Finlandane Uudenkaupungin rauha; Suede Freden i Nystad; Estoniane Uusikaupunki rahu) esis la lasta pakto de la Granda Nordala Milito eventinta de 1700 til 1721. Ol signatesis inter Cario Rusia e Sueda imperio ye la 10ma di septembro (Juliale 30ma di agosto) 1721 en la Sueda urbo Nystad. Tra ca pakto, Fredrik la 1ma di Suedia agnoskis la transfero di Estonia, Livonia, Ingria e sud-estala Finlando a Rusia, kambie pago di du milion arjenta thaler, samatempe kam Rusia retrodonis la cetera Finlando a Suedia.[1]
La pakto grandis yuri di Germana nobeleso en Estonia e Livonia pri lia financala sistemo, pri doganala yuri, lia propra guvernado, lia religio Luterana, e la Germana linguo. Ca yuri konfirmesis dal cari Pyotr la 1ma ed Alexandr la 2ma di Rusia.[2]
Referi
[redaktar | redaktar fonto]- ↑ Ништадтский мирный договор между Россией и Швецией, 30 августа 1721 г. (texto dil pakto di Nystad en Rusa linguo) - Idiomo: Rusa.
- ↑ Autoro: V. N. Ponomarev. Ragsdale, Hugh:Imperial Russian foreign policy. Publikigita da Cambridge University Press. Dato di publikigo: 1993. Pagino/pagini: 42.