Saint Louis, Missouri

Saint Louis, Missouri

Kelk imaji pri Saint Louis.

Standardo
Lando:	Usa
Informo:
Latitudo:	38°37' N
Longitudo:	90°12' W
Altitudo:	142 m
Surfaco:	170 km²
Habitanti:	319 294 (2010)
Denseso di habitantaro:	1.900 hab./km²
Horala zono:	UTC-6 (UTC-5 dum la somero)
Urbestro:	Lyda Krewson (D)
Mapo:

Oficala retosituo:
www.stlouis-mo.gov

Saint Louis (pronuncata /seɪntˈluːɪs/ en la Angla, /sɛ̃ lwi/en la Franca, esas nedependanta urbo en la stato Missouri, Usa. Segun la demografiala kontado di 2010, l'urbo havas entote 319 294 habitanti. La metropolala areo dil urbo esas la 18ma maxim granda de Usa, entote kun 2 916 447 habitanti en 2015.

Historio

Franca exploreri Louis Joliet e Jacques Marquette unesme venis en 1673. Li nomis la areo Louisiana por la rejo Louis la 14ma di Francia. En 1764 la unesma edifici konstruktesis. En 1768 ol atingis 1000 habitanti. Missouri divenis stato en 1820 e St. Louis divenis urbo en 1822. Pos 1840 multa enmigranti venis a St. Louis, nome de Germania, Bohemia ed Irlando. La habitantaro kreskis de 20.000 personi en 1840 til 77.860 en 1850, e 160.000 en 1860.

En 1904 eventis l'Olimpiala Ludi en l'urbo.

Geografio

St. Louis jacas a 38° 38 53° N.

Segun l'Usana Kontado-ministerio, l'urbo havas entote 171.3 km², equivalanta a 66.2 mi², di qui 160.4 km² (61.9 mi²) esas lando e 11.0 km² (4.2 mi², o 6.39% de la surfaco totala) esas aquo.

Metropolala regiono

Entote ol havis 2 916 447 habitanti en 2015, la 18ma maxim granda di la lando. Ol inkluzas la komtii di Saint Louis, (1,016,315 habitanti), la nedependanta urbo di Saint Louis (348,189), la komtii Saint Charles (283.883), Jefferson (198,099), la komtii Franklin (93.807), Lincoln (38.944), Warren (24.525), Madison (258.941), Saint Clair (256.082), Clinton (35.535), Monroe (27.619) e Jersey (21.668).

Demografio

Historiala habitantaro 1
demografiala kontado yaro	Habitantaro

1830	4,977
1840	16,469
1850	77,860
1860	160,773
1870	310,864
1880	350,518
1890	451,770
1900	575,238
1910	687,029
1920	772,897
1930	821,960
1940	816,048
1950	856,796
1960	750,026
1970	622,236
1980	453,085
1990	396,685
2000	348,189

Segun la demografiala kontado di 2000, esis 348,189 homi, 147,076 hemanari, e 76,920 familii qui rezidis en la urbo. La denseso di habitantaro esis 2,171.1/km² (5,622.9/mi²). Esis 176,354 domi kun mezvalora denseso di habitantaro di 1,099.7/km² (2,847.9/mi²). Segun raso, esis 51.20% Negri od Afrikan-Usani, 43.85% Blanki, 1.98% Aziani, 0.27% indijeni Amerikana, 0.03% Pacifik insulani, 0.80% de altra rasi, e 1.88% de du o plura rasi, e 2.02% de la habitantaro esas Hispan-Amerikani o Latin-Amerikani de irga raso.

Esis 147,076 hemanari, di qui 25.4% havis pueri od adolecanti evante min kam 18 yari en la domo, 26.2% esas mariajita e habitis kune; en 21.3% muliero sen spozulo esis la domo-chefo, e 47.7% esas ne-familii. En 40.3% vivis unika sola individuo e 12.9% habitesis da singla individuo evante 65 yari o pluse. La mezvalora grandeso po hemanaro esas 2.30 personi e la mezvalora grandeso po familio esis 3.19 personi.

La procento di habitanti segun evo esis: 25.7% evante min kam 18 yari, 10.6% de 18 til 24 yari, 30.9% de 25 til 44 yari, 19.1% de 45 til 64 yari, e 13.7% evante 65 yari o pluse. La mezvalora evo esis 34 yari. Po singla 100 mulieri esis 88.6 viri. Po singla 100 mulieri evante 18 yari o pluse esis 84.2 viri.

La mezvalora revenuo po hemanaro en la urbo esas $27,156, e la mezvalora revenuo po familio esis $32,585. La mezvalora revenuo por la viri esis $30,106 kontre $24,987 por la mulieri. La revenuo per capita por la urbo esas $16,108. Cirkume 24.6% de la habitantaro e 20.8% de la familii vivis sub la povreso-lineo, inkluzite 36.4% ek omna habitantaro evante min kam 18 yari, e 17.4% ek omna habitantaro evante 65 yari o pluse.