Պորսանգեր

Պորսանգեր նորվ.՝ Porsanger սամ.՝ Porsáŋgu
Դրոշ Զինանշան
Երկիր	Նորվեգիա
Կարգավիճակ	Ֆյուլքե
Մտնում է	Ֆինմարք ֆյուլքե
Վարչկենտրոն	Լակսելվ
Մոնա Սկանե
Հիմնական լեզու	Բուկմոլ, Հյուսիսսաամերեն, Քվեներեն
Պաշտոնական լեզուներ	Հյուսիսսաամերեն և նորվեգերեն
Բնակչություն (2012)	3946[1]
Ազգային կազմ	սաամներ, քվեններ, նորվեգացիներ
Տարածք	4872.69
Հիմնադրված է	1838 թ.
Սահմանակցում է	Կվալսուն, Մոսյո, Նորդկապ, Լեբեսյու, Կարասիոկ, Ալտա Ֆլորեստա, Տանա և Համերֆեստ
Ժամային գոտի	UTC+1
ISO 3166-2 կոդ	2020
porsanger.kommune.no
Պորսանգեր Վիքիպահեստում

Պորսանգեր (նորվ.՝ Porsanger),  կոմունա (համայնք) Նորվեգիայի Ֆինմարք ֆյուլքեյում (մարզում)։ Վարչական կենտրոնն է Լակսելվ քաղաքը։ Զբաղեցնում է 4872.69 կմ² տարածք։ Ունի 3946 բնակիչ (2012թ.): Պաշտոնական լեզուներն են՝ Բուկմոլը, Հյուսիսսաամերենը և Քվեներենը^[2]։

Կոմունայի անվան սկզբնամասը՝ pors ամենայն հավանականությամբ առաջացել է տեղանքի ճահիճներում աճող ծաղիկներից մեկի անունից։ Մեկ այլ տեսակետի համաձայն pors բառը սաամերեն borsi բառի ձևափոխված տարբերակն է, որը նշանակում է ջրվեժ։ Անվան երկրորդ մասը՝ angr-ը, նշանակում է ֆյորդ։

Պորսանգերը տարածքի մեծության առումով Նորվեգիայի երրորդ մեծ կոմունան է։ Տեղակայված է ֆյուլքեյի կենտրոնական մասում։ Շրջապատված է Պորսանգեր ֆյորդի ափերով, որը հանդիսանում է Նորվեգիայի չորրորդ ամենաերկար ֆյորդը։ Հյուսիս-արևմուտքից սահմանակից է Կվալսուն և Մոսյո, հյուսիսում՝ Նորդկապ, արևելքում՝ Լեբեսյու, հարավում՝ Կարասիոկ, արևմուտքում՝ Ալտա կոմունաներին։ Վարչականկենտրոնն ու խոշորագույն բնակավայրն է Լակսելվը։ Մնացած բոլոր բնակավայրերը տեղակայված են ֆյորդի երկայնքով, որոնցից են՝ Կիստրանդ, Օլդերֆյորդ, Բյորսելվ։ Կոմունայում, ֆյորդից հարավ-արևմուտք, գտնվում է Ստասբուրսդալեն ազգային պարկը, որտեղ գտնվում է ամենահյուսիսային սոճու անտառը։

Կոմունայի տարածքում կարելի է ականատես լինել նաև սպիտակ գիշերների, որոնք լինում են մայիսի 16-ից հուլիսի 27-ը ընկած ժամանակահատվածում։ Բևեռային գիշերները տևում են նոյեմբերի 25-ից հունվարի 16-ը։ Տարածաշրջանը հայտնի է իր ֆաունայով։ Այստեղ հանդիպում են բազմաթիվ անհետացող կենդանատեսակներ։ Ամռանը ափերին ձվադրում են հազարավոր թռչուններ։

2012 թվականի տվյալներով կոմունայում բնակվում է 3946 մարդ։ Պորսանգերը Նորվեգիայի միակ կոմունան է, որտեղ գործում է միանգամից 3 պաշտոնական լեզու՝ Բուկմոլը, Հյուսիսսաամերենը և Քվեներենը^[2]։

Պորսանգերի տնտեսության մեջ զգալի դեր է կատարում կոմունայում տեղակայված Նորվեգիայի զինված ուժերի ռազմաբազան և օդանավակայանը, որի թռիչքուղին օգտագործվում է նաև քաղաքացիական օդանավերի կողմից։ Այստեղ է գտնվում աշխարհի ամենահյուսիսային գինեգործական գործարանը։ Որպես հումք ծառայում է ակնաթուփի պտուղները։

Կոմունայում գործում է սաամերենով հրապարակվող Ságat թերթ։

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Պորսանգեր կատեգորիայում։

• Activities & tourism in Porsanger. (նորվեգերեն)
• Stabbursnes nature house and museum. (նորվեգերեն)
• Angling in Porsanger. Արխիվացված 2007-07-17 Wayback Machine (նորվեգերեն)